830
29
58
2-min walk from Exit E2, Mong Kok MTR Station continue reading
All Branches (1)
Telephone
21519918
Opening Hours
Today
12:00 - 22:00
Mon - Sun
12:00 - 22:00
Payment Methods
Visa Master AlipayHK Alipay Cash UnionPay
Number of Seats
210
Other Info
Online Reservation
Wi-Fi
May Bring Your Own Wine Details
Cake-cutting Details
Delivery
10% Service Charge
Spot payment
About Reward Scheme
Review (993)
Level4 2021-06-10
182 views
好耐都冇食過放題啦,呢次就同老公嚟咗八幡屋涮涮鍋食火鍋放題,嚟到都唔算太多人,好快可以入得,服務幾好唔差,環境都可以,唔會坐得好迫,亦都唔會好嘈,我哋就叫咗個A4嘅黑毛和牛價錢,首先已送1份A4黑毛和牛同一份m5和牛,其他刺身,海鮮類,肉類都可以隨時scan QR code任點,其他打邊爐嘅配料可以出去自助取,款式都好多選擇,最後甜品種類及飲品種類亦都非常之咁多👍🏻👍🏻👍🏻基本上係任食海蝦,帆立貝,廣島蠔等9款海鮮🦪🦐🦑另外又有任食新鮮帶子,赤蝦,劍魚腩等12款刺身😘😘仲有亦可以scan QR code即叫即燒大蝦,燒金菇牛肉卷等多款日式燒物🍢🍤🍡天婦羅炸物等🍘手握壽司,50多款火鍋配料無限追加🍣🍱🍣🍱沙律甜品,啤酒汽水,清酒無限供應🍻🍶可以話係抵食到爆👍🏻👍🏻👍🏻成人正價收費價錢 :星期一至四$368/位星期五六日公眾假期及其前夕$388/位小童價錢(高度90cm-130cm) : $168/位*每位另收取正價加一服務費另外只要留言即送你免費半價coupon優惠每晚訂座頭30位,可享二人同行一人半價(星期五至日,假期及其前夕)早1日前訂座,再額外贈送以下特別優惠:兩位訂座每位送鮑魚一隻四位訂座送海膽/生蠔刺身一客,每位送鮑魚一隻六位或以上訂座免費升級蕃茄龍蝦湯底值得推薦去試下👍🏻👍🏻👍🏻 continue reading
(The above review is the personal opinion of a user which does not represent OpenRice's point of view.)
朋友超大食🤣,揀親都一定係任食。適逢大家都想食涮涮鍋,於是佢就上網搵定食乜好。佢發現「八幡屋涮涮鍋」喺Facebook上做緊宣傳活動,只要留言「半價」,就可享二人同行一人半價嘅優惠,感覺即刻抵食好多。180分鐘任食,折完大約$320一位。我哋八點鐘去到,真係有嚇一跳嘅感覺,因為好耐無見過餐廳咁爆場,簡直可以用「座無虛席」嚟形容,超級厲害啊👏。一入座嘅時候,店員就會問定要乜湯底🍲,我哋要咗壽喜燒併沙嗲湯,鴛鴦鍋要加$20。餐廳有唔少自助區域,但亦有採用QR Code落單,用手機就主要係落魚生、海鮮同肉類等食物。刺身方面,有十三款選擇🍣,質素都正常吖,而且攞盤仲幾靚。我哋要咗三文魚、赤貝、希靈魚、赤蝦同帶子等。用作打邊爐嘅海鮮會以冰鎮住,當中亦有約十款選擇。我哋要咗黃金螺🐚、日本魷魚🦑、帆立貝同青口等。鍾意食海鮮嘅話,可以任叫真係幾開心。接住落嚟係牛肉部份🐮,其實餐廳提供嘅肉唔止得牛肉,仲有豬同雞,但我哋興趣不大。我哋嗌嗰款餐附送日本和牛一碟🎌,和牛真係零舍不同,牛味特別濃,脂肪分佈平均,明顯地好食。我哋另外仲食咗兩款牛🥩,分別係澳洲M5和牛同美國牛肩胛,味道OK,而且份量多,唔會切到紙咁薄。自取食物方面,先講丸類🍢,佢除咗款式多之外,仲充滿驚喜,其中有幾款特別正同罕見,包括麻辣小籠包、黑松露小籠包同牛蒡丸;麻辣嗰粒真係幾辣㗎🌶。呢幾粒丸真係一食再食😋。題外話,用手機落單嘅手打墨魚滑超的骰,請自行衡量嗌幾多份量,哈🙈。蔬菜區排列整齊,放滿各式各類嘅瓜菜菇菌🍄,而麵食同醬油區都喺呢邊。我哋要咗粟米、萵筍同生菜等。不過留意返,稻庭烏冬係放雪櫃。炸物方面🍤,餐廳係無間斷供應,我幾次出去都見到店員Refill緊,所以拎返去食仲係熱辣辣㗎。佢哋嘅炸蝦、炸饅頭同炸金菇都幾值得試!熟食主要係用手機落單,選擇相對少,我哋要咗鹽燒蝦、金菇牛肉卷、燒菠蘿同麻吉燒🍡。味道中矩中舉啦,唔特別建議嗌。我哋食到太飽,所以食唔落甜品。不過眼見款式都幾豐富,除咗門口嘅甜品Corner外,仲有雪糕櫃添🍦。飲品櫃選擇幾繽紛🥤,更不乏台灣飲品,其中隔離枱阿姨力推粉紅佳人番石榴汁,哈哈。鍾意飲酒嘅人唔使擔心,呢度嘅啤酒、梅酒同清酒都係任飲㗎🍶。總括嚟講,八幡屋嘅涮涮鍋晚餐令我哋相當盡興,食完捧住個肚走🤰。任食水準以言,佢算中上水平啦,食物上菜快,店員服務有禮。如果想嚟食,不妨上網留意下佢有乜優惠啊。 continue reading
(The above review is the personal opinion of a user which does not represent OpenRice's point of view.)
因朋友想打邊爐,而我又想食刺身,所以選擇八幡屋一次過滿足大家願望。作為超級大「餓」底,超長時間任食亦是最吸引我們之處。因店舖做緊優惠第2位半價,立即就點了澳洲和牛套餐,有M5澳洲和牛~~~~~~湯底揀了骨膠原豬骨湯,豬骨湯夠清較容易食到牛肉及海鮮鮮味。店內有不同自助區及可以用手機點餐,大大方便食客及減少人流聚集。除了3小時任食重點外,寛闊座位空間及行人通道令環境更舒適。刺身拼盤坐好後,店員會首先送上刺身拼盤,有齊2人份量的帶子、赤蝦、飽片、吞拿魚、希靈魚、榮螺,馬刀具、赤貝、三文魚、甜蝦。帆立貝夠爽口!海鮮拼盤食完刺身後第一樣要放入湯底中就係海鮮啦,加入海鮮後湯底會再提鮮更入味!店員會安排好第一輪海鮮上枱,有海蝦、帆立貝、海蜆、蟶子及東風螺。另外仲有其他海鮮可以點,分別有廣島蠔、墨魚滑、象拔蚌同日本魷魚。 個人推介蟶子及帆立貝,蟶子沒有沙,肉汁夠甜。帆立貝夠爽口!澳洲M5和牛牛肉紋理非常平均,色澤亦夠光亮。和牛入口非常容易溶化,嫩滑而不韌,牛肉味都好濃,夠滋味!牛肩胛入口會更有口感,而肉質不俗,值得一點再點!炸物/熟食區另外熟食區亦好易比食客忽略,有天婦羅、炸饅頭、迷你蝦多士、薯角等等。值得推介係炸饅頭,表皮炸到非常鬆脆,旁邊更有煉奶,超級邪惡。另外蝦多士亦係難得一見炸物,好味!其他飲品選擇都合理同多,都適合大部份人口味。有不同款式自助壽司。火煱自助配料有豐富丸類及蔬菜選擇。甜品有布丁、奶凍及果凍等等。BOOK 位時記住要問下有咩優惠,唔好錯過~~~~ continue reading
(The above review is the personal opinion of a user which does not represent OpenRice's point of view.)
Level4 2021-05-01
881 views
要換router 去左旺電星際搵,花多眼亂!打算食左飯再諗,經過瓊華見呢間餐廳八幡屋做緊promotion第二位半價,老公就帶左我去醫肚了!放題有幾個choice,我地揀左368澳洲和牛餐,還可以任食刺身+海鮮的。坐底無耐,第一盤刺身就到左。揀左個人比較喜歡的希靈魚、三文魚、帶子、螺片及赤蝦。刺身夠凍幾新鮮,帶子亦夠鮮甜口感爽口。海鮮拼盤海鮮當然唔小得有扇貝、青口。要讚一下扇貝新鮮同埋幾大粒,放落骨膠元豬骨湯底顯鮮甜,好食😋和牛及牛肩肉最喜歡是薄切和牛,牛粉既我地打邊爐必選!和牛夠快熟而且牛味重,放落滾起湯底淥大概1分鍾左右就剛剛好,口感幾嫩唔會鞋口夠鮮味,肉質腍身!疏菜及丸類都幾多選擇龍蝦丸蟹籽丸當然是必選,疏菜類個人較喜歡食䈑筍呢間也有供應!有驚喜地發現有款新穎的黑松露小籠包,黑松露味幾重,不錯👍🏻除了飲品任飲、雪糕雪條種類都算幾多選擇,不錯😋好滿足! continue reading
(The above review is the personal opinion of a user which does not represent OpenRice's point of view.)
好誇張!成年冇出去打過邊邊食放題!簡直係違反人類生態嘅作為!我急唔住啦,今次拉埋隻佬陪我食番夠本!今次都係選擇最愛既任食和牛海鮮火鍋&刺身放題,食足3小時,夠哂皮🥰呢個餐超正,每人日本和牛一客,任食澳洲M5和牛和美國牛肩胛,大大滿足大胃牛魔王🤣!個火鍋仲可任食海蝦,帆立貝,廣島蠔等9款海鮮,又包新鮮帶子,赤蝦,劍魚腩等12款刺身,真係唔知可以係邊度搵咁 all-in-one!自助區仲有50多款火鍋配料無限追加真係食到好忙😅😅。覺得超方便既係用電話scan QR code 落單,保持社交距離之餘又有效律,食得開心啲又放心啲。我哋都嗌左即叫即燒既大蝦,燒日本番薯,燒菠蘿等等。😋😋出面自助區仲有源源不絕供應的天婦羅炸物啦,手握壽司啦,甜品沙律啦,啤酒汽水啦,清酒任飲任食。唔怕唔夠食,最驚個胃唔夠位食🤣,不過為左happy ending,最後食杯雪糕係指定動作。 重點讚位係佢既日本和牛,澳洲M5和牛和美國牛肩胛都非常一流,梅酒同埋甜品都幾好食。 今次消左滯之後都一定會再幫襯。 🥰🤣👍🏻🎉 continue reading
(The above review is the personal opinion of a user which does not represent OpenRice's point of view.)