Read full review
2014-12-17
1460 views
馬來西亞、新加坡，聽好多人講去幾日玩吓就夠，不過，唔知何解，都幾鍾意依兩處地方，前後每個地方都去過兩次，都仲未厭，就好似年初去咗9日大馬自由行（檳城、浮羅交怡、馬六甲、吉隆坡），被人話去9日咁多，我反而答話唔夠玩喎。可能鍾意佢個環境，亦鍾意佢哋啲食物，所以，睇見食友晌「肉骨皇」嘅食評，就搞到我都躍躍欲試。憑著門口個小燈箱「星馬餐廳」，你就知「肉骨皇」主打星馬菜，即時令小弟回想返晌星、馬兩地唔少「大排檔」式美食廣場或食街，檳城嘅新關仔角、紅園，吉隆坡嘅阿羅街、肉骨茶集中地，以及新加坡嘅老巴剎、史密斯食街……等等，真喺多到不得了。除咗門口幾扇大百頁窗木門，店內雖然無乜太多大馬風情，但裝修雅致整齊，橙襯黑，令人感覺幾醒目。牆上掛有數張食物相及推介菜式木板，平實精簡。翻開菜牌，首先肉骨茶喺必然選擇，跟手再晌沙律、咖喱、主菜……等等揀幾款，點個菜，都差不多好夠食。菜牌內，部份菜式圖文並茂，影得非常吸引。如唔想點諗，亦可考慮店方嘅廚師推介。海鮮柚子沙律 $88本來喺個肉骨茶先上場，不過需要座番滾，而個沙律就正正攝上依個等待嘅空檔期。海鮮柚子沙律嘅柚子拆得好大嚿，又爆汁，清新鮮爽，只喺澀味稍稍重；而
憑著門口個小燈箱「星馬餐廳」，你就知「肉骨皇」主打星馬菜，即時令小弟回想返晌星、馬兩地唔少「大排檔」式美食廣場或食街，檳城嘅新關仔角、紅園，吉隆坡嘅阿羅街、肉骨茶集中地，以及新加坡嘅老巴剎、史密斯食街……等等，真喺多到不得了。除咗門口幾扇大百頁窗木門，店內雖然無乜太多大馬風情，但裝修雅致整齊，橙襯黑，令人感覺幾醒目。牆上掛有數張食物相及推介菜式木板，平實精簡。
翻開菜牌，首先肉骨茶喺必然選擇，跟手再晌沙律、咖喱、主菜……等等揀幾款，點個菜，都差不多好夠食。菜牌內，部份菜式圖文並茂，影得非常吸引。
如唔想點諗，亦可考慮店方嘅廚師推介。
海鮮柚子沙律 $88本來喺個肉骨茶先上場，不過需要座番滾，而個沙律就正正攝上依個等待嘅空檔期。海鮮柚子沙律嘅柚子拆得好大嚿，又爆汁，清新鮮爽，只喺澀味稍稍重；而海鮮料好足秤，有鮮蝦、魷魚圈、魚片條、青口、蜆肉，伴有少少花生粒、白芝麻、甘筍絲，配以醋汁調味，開胃好食。
海鮮柚子沙律
$88
37 views
3 likes
0 comments
檳城香濃肉骨茶 $148肉骨茶分大份（$148）及細份（$82），正當等候期間，可以細閱餐枱紙有關肉骨茶嘅由來。大黑瓦煲盛載嘅肉骨茶果然夠香濃，重藥材味，但甘醇，以小火爐暖著，大可慢慢食唔怕好快攤凍，況且晌大寒冬，感覺更和暖。店員仲介紹話用上十多種藥材，熬製多個小時，絕對真材實料夠火候。內裡好多骨排，肉質鬆化，沾啲黑醬油，加啲蒜粒、辣椒碎，別有一番味道；仲有唔少豆卜、金菇、枝竹，索滿汁，好味！
檳城香濃肉骨茶
$148
35 views
3 likes
0 comments
亞囉螄蚶 $88螄蚶太生怕有啲人唔受得，店主話為保鮮味道，螄蚶只喺輕輕一灼，入口帶點暖，但螄蚶質感仍近乎生，味道的確幾鮮，沾些酸醋，更可把鮮味度再提升。事後才知螄蚶喺泰國貨，質素又真喺唔差喎。
亞囉螄蚶
$88
36 views
3 likes
0 comments
咖喱魚頭 $98喺廚師推介菜式，個魚頭超大個，勁有霸氣，好奇問一問，喺晌附近街市買嘅鯖魚頭，雖然唔知真身喺點，相信一定有番咁上下大條。咪以為魚頭無乜肉食，刮吓刮吓唔少肉，兼且細嫩，配菜又有好多茄子，而個咖喱唔太辣，較重香料味，所以，味道有層次而複雜。所有咖喱都可以配白飯或原味油酥餅，當然要跟啲煙靭嘅酥餅較特別啲啦。
咖喱魚頭
$98
25 views
3 likes
0 comments
原塊蕉葉包住燒，製作需時，所以，要食就預早少少落單。打開蕉葉，雖則唔喺太覺有蕉葉香味，但因為䱽魚加咗馬拉盞，即喺大馬蝦醬，味道好惹味，又無過鹹，而且，肉質保持嫩滑味美。
蕉葉燒䱽魚
$118
32 views
1 likes
0 comments
怡保咖啡骨 $88又喺另一道廚師推介菜式，怡保亦喺下次再踏足大馬時想去嘅心水地方，其實無耐前晌一間新加坡餐廳食過依道菜，記憶猶新，今日再會，實在期盼。肉骨皇嘅咖啡骨咖啡味道好濃，帶少少苦，骨排外皮又有少少脆，水準真喺唔錯。
怡保咖啡骨
$88
40 views
2 likes
0 comments
蔬菜有菜心、通菜、四角豆、秋葵……等等，但小弟都喺對椰菜苗鍾情少少，因為爽口得嚟又有嚼頭，蝦醬炒都喺貪佢夠惹味啫。
蝦醬炒椰菜苗
$65
41 views
3 likes
0 comments
飯後朋友嚟一杯冰涼嘅桔仔酸梅，幫助消化，篤篤篤，酸梅篤得夠透，不過，朋友話略嫌桔味唔夠。
桔仔酸梅
$35
43 views
1 likes
0 comments
咖啡採用越南式嘅滴漏，加煉奶，咖啡飲落頗香濃。喺可惜食得好飽，未有機會叫客甜品襯番杯咖啡。不過，如可以，我更想飲大馬啲白咖啡！
香濃咖啡
$22
37 views
3 likes
0 comments
Post
