332
31
33
11-min walk from Exit B, Tin Hau MTR Station continue reading
Telephone
29722266
Introduction
以口味獨特的肉骨茶作為店的主打食品,亦引入新加坡和馬來西亞多款菜式供食客品嘗。老少咸宜的肉骨茶可滋潤身體,補充營養。 continue reading
Good For
Drivers Friendly Dining
Additional Information
www.bakkutking.com.hk
Opening Hours
Today
11:00 - 15:00
18:00 - 22:00
Mon
Closed
Tue - Sun
11:00 - 15:00
18:00 - 22:00
Payment Methods
Visa Master AlipayHK Alipay Cash AE UnionPay
Number of Seats
30
Other Info
Online Reservation
Reward Dining Points
Delivery
10% Service Charge
Spot payment
About Reward Scheme
Review (416)
Level4 2020-07-01
32 views
大坑出名多唔同種類嘅嘢食,經朋友介紹之下,知道呢度有一間食肉骨茶好出名嘅餐廳,所以今日就同朋友嚟試一試佢位於大坑比較入嘅位置,大家都真係要搵一搵餐廳名叫做肉骨皇,顧名思義係食肉骨茶嘅地方,當然仲有其他菜式啦,其實佢係一間馬來西亞餐廳睇睇餐牌,其實佢都有好多唔同款式嘅馬拉菜式選擇,第一版當然係呢間餐廳嘅招牌菜,肉骨茶,黎得到就冇理由唔食,如果好似我今日咁,兩個人黎食,當然就揀返個招牌肉骨茶細嘅size啦!話咁快,肉骨茶就黎到啦,冇錯呢一個就係細size嘅招牌肉骨茶,係咪感覺上都好大份呢除咗佢外表好吸引重點係佢下面有一個小火種一路保持住佢嘅溫度,甚至乎係令到佢滾熱的,因為食肉骨茶一定要夠熱,所以呢個情況就絕對做得非常好大家見到佢滾到都已經出晒煙,呢個肉骨茶相當足料,入面除咗有金菇,豆卜等等嘅配料之外,仲有多舊豬肉係入面,口感軟林林非常好味當然,肉骨茶嘅重要的還係佢嘅湯汁,佢呢個湯味道夠晒正宗,同我喺新加坡絕對比得上,當中大有藥材味,但係唔會感到苦澀,甚至乎有種鮮甜嘅感覺,確實真係做得幾好,難怪呢間餐廳都好多人光顧串燒都幾唔錯,我地叫左一份 6串 的,叫左雞及豬,雖然唔係好大串,不過味道唔錯,肉既口感唔韌,沾點埋沙嗲汁食,作為一個小食黎講,真係岩岩好今晚既主角之一有佢!就咁睇,可能你估唔到佢係乜,不過其實佢同葡國菜好似,佢唔係葡國雞,只係佢都係咖喱雞,外面仲有一大個麵包裝住添!本身佢唔係原裝配有呢個麵包嘅外殼,另加$30 ,就可以要買呢一個麵包裝着咖喱雞啦,梗係加埋佢啦,因為成個麵包都可以食,而且吸晒咖喱汁,非常好味㗎入面嘅咖喱雞份量都幾多,除咗有多件雞粒雞樓,仲有一啲配料係入面,而且仲係馬來西亞嘅代表添,當中包括四大天王添!咖喱唔辣,所以非常易入口,以外面嘅麵包外殼,成個都食得,係吸收盡所有咖喱汁嘅情況下,變得非常好味,而且會令你好飽肚添,絕對係一個出色嘅主菜最後嘅一個主角有佢,呢個係馬來椰漿飯!真係唔係度度有,你唔好見佢好似平平無奇,不過佢中間個椰漿飯就已經夠曬香味,和濃既椰漿完全混入左個白飯入面,帶有少少張力既口感配上右下角既醃製咸魚仔,味道非常突出,因為咸得來,咬落去相當有口感,配埋有椰香嘅飯,真係一個非常好嘅配搭就係咁,我哋叫咗成枱都係野,成個賣相都好吸引,兩個人結果都真係食得晒呢度啲嘢,因為味道真係好唔錯,所以令到我哋胃口大開飲品方面,我的朋友就叫咗一杯青檸梳打,而我就當然叫一杯馬來西亞菜方面,飲品嘅代表作啦!佢就係美祿恐龍!真係一啲正宗嘅馬拉菜餐廳先至會有呢個美祿恐龍飲架,叫得美祿恐龍,最主要係因為佢係用美祿粉來製成嘅,佢嘅味道非常香濃,上面嘅美祿粉更加係代表作,因為你可以就咁食 d 粉,又或者將啲粉再攪拌係你杯飲品當中,令到佢香濃嘅層次再進一步提升,都真係幾瘋狂㗎!整體來講,如果唔係喺港島區生活嘅朋友,可能會覺得呢間餐廳嘅位置比較偏僻,但係如果以餐廳質素來講,佢嘅食物確實有質素,而且佢嘅回頭率都幾高,絕對值得一試㗎 continue reading
(The above review is the personal opinion of a user which does not represent OpenRice's point of view.)
Level4 2020-04-19
777 views
今天帶小米到蓮花宮,再看勵德村的圓形建築,順便在附近午餐。看到這個肉骨茶午餐牌,價格合理,而且內裡環境寬敞,我倆決定在此午餐。因為這個木製的百頁簾,很有馬拉FEEL,所以選擇近門口的座位。    椰漿飯Nasi Lemak   小米很想去馬拉旅行,但近期應該未能如願。唯有食個<辣死你媽>Nasi Lemak吧! 這碟椰漿飯濕度高,來試一口,竟然是白色的椰漿&白飯溝在一起,總之是甜的。多年前來教小米,Nasi Lemak是把所有配料拌勻來享用。我的母語廣東話:全部撈埋一齊。可是小米不肯食江魚仔,只將花生溝椰漿飯。小米又不食烚蛋,就表示 : 媽咪我請你食雞蛋。放在肉骨茶裡,變成肉骨茶蛋了!  而二件橙紅色的炸雞翼,小米表示很似印度雞肉味道。TANDOOLI烤雞????      肉骨茶    店名叫肉骨皇,那麼招牌菜肯定肉骨茶。散點百多元,午市套餐只是68個大洋,還奉送飲品,抵左!那些年,肉骨茶是馬拉華人補品,現在於我來說都是補品。平日工作繁忙,日日做到九彩,勁OT就順便不吃晚餐,又沒有滋補湯水,即係虛囉!既然此店有肉骨茶,就當作補一補。      肉骨茶以火爐上枱,夠特別。先點算鍋中食材!有豆卜金菇鮮菇杞子和多件排骨腩位。先嚐一口肉骨湯,除了藥材味,甜度較一般的高。估計是大蒜。總之沒有胡椒味。再來處理排骨和各食材。然後是肉骨茶的精髓:鍋內啡色的湯底。   肉骨湯伴著白飯,慢慢咬呀咬,飯是甜的,湯也是甜的。米看到我這個食法,又想試一口肉骨茶,小米嚐到帶甜的肉骨茶,就想要更多的肉骨茶,再放入白色的椰漿飯,變成肉骨茶撈椰漿飯了。看到這碗東西,令我想起SHOW ME YOUR LOVE~軟綿綿,杰撻撻。小米的口味果然專一。餐飲: 凍檸茶  & 白咖啡   下次光顧一定要帶小米的學生證 continue reading
(The above review is the personal opinion of a user which does not represent OpenRice's point of view.)
Level4 2020-03-19
1206 views
2020年3月14日。晴。大坑。去銅鑼灣行街睇戲之前,決定喺大坑食咗嘢先呢邊選擇多啲~價錢又通常比銅鑼灣平啲~一直行浣紗街,行到尾就見到呢間肉骨皇肉骨茶都係其中一樣至愛~緊係𥄫下先喇~啱啱入到去未有人,但食食下成間full晒!睇嚟好受街坊歡迎~門口有易拉架show晒午餐精選~價錢非常相宜,抵食!入到餐廳,仲有其他a la carte可以揀~招牌肉骨茶,$118想咗午餐餐牌,想食肉骨茶,又想食豬扒飯,男朋友又想食喇沙。。。於是專登散嗌一個肉骨茶~呵呵!咁就可以滿足晒三個願望喇~肉骨茶入面有四嚿排骨、幾款菇、豆卜,仲有杞子~湯係藥材味濃郁,飲完即刻覺得好滋補~酸梅青檸梳打,特飲跟餐+$8男朋友嘅,佢話味道唔錯~炸雞翼,小食跟餐+$20老闆話個雞翼先用秘製醬汁醃過再煮!味道果然零舍唔同~沾埋雞醬就perfect嘞咖哩豬扒飯,$58呢個矚目嘅咖喱豬扒飯除咗造型賞心悅目之外,味道都好有特色!咖喱汁質地較濃,食落仲有花生醬味添~(唔知呢個係咪就係秘方嘅材料呢)豬扒亦炸到酥脆,同個醬好夾~白咖啡,跟餐熱飲免費雖然係白咖啡,但唔會太甜飲咗都冇乜負擔~海鮮喇沙,$68麵底可以揀油麵、米粉或者摻摻摻摻即係有齊油麵同米粉~海鮮方面用料都幾豐富~有青口、蜆同蝦~同埋唔好睇少佢喺餐牌度得一隻辣椒,都幾辣下~唔食得辣嘅朋友要注意喇~星期六食咗成枱嘢都唔貴喎!抵食! continue reading
(The above review is the personal opinion of a user which does not represent OpenRice's point of view.)
Level4 2020-03-05
866 views
今日出門口嘅時候低估咗個天氣,就咁着咗件薄褸就出去。行到一半已經覺得凍 即刻search 吓附近有啲咩嘢食可以暖吓個人。見到呢間古法肉骨茶就即刻決定過黎食老闆份人好好傾,好似同每個客人都好熟咁。傾開先知原來呢到開咗10-11年架啦,等我仲話自己成日黎呢頭,有間咁好食嘅星馬菜都唔知 🙊招牌肉骨茶 📍 $68上枱嘅時候老闆會好細心咁點着個火爐,等我地可以慢慢食,又keep 得住個溫度 🔥 飲落好暖胃呀 😍 老闆同廚師經過一番調教,將肉骨茶調教到適合香港人嘅口味 😁 藥材味道依然濃郁,肉質都淋好入味無骨海南雞飯 📍 $68啖啖肉好正呀 😋 啲雞好嫩滑,連雞胸肉都滑,份量都好足夠。個油飯砌得好靚,炒得好乾身得黎又食到雞油同黃薑粉味,值得推介!牛肉沙嗲 📍+$15肉質夠哂鮮嫩,佢地個沙嗲醬好特別好有心,有好多花生粒,好有口感我地叫咗杯熱奶茶,估唔到啲茶都幾香幾滑。另外一杯就叫咗蜂蜜柚子茶,味道好夠,一啲都唔吝嗇,食到我地好滿足。下次要夜晚黎食埋佢個蟹肉米線同焗咖吔麵包伴雪糕佢地有學生優惠架,除咗以上2款,仲有好多lunch set 都係$45咋,仲要包嘢飲 😳 我都有學生證架 🙊 continue reading
(The above review is the personal opinion of a user which does not represent OpenRice's point of view.)
Level4 2020-02-11
648 views
朋友近日心事重重,為家事而煩惱,很想我給他一點意見。應約來大坑吃頓午餐,順便促膝詳談。其實我都已經很久沒來大坑,印象中對上一次嚟已經是年半前,幸好友人一早已經揀選了這間位於浣紗街,主打肉骨茶的餐廳,不用我傷腦筋。餐廳面積不大,只有七八張長檯,而最後方的一小角則為廚房位置。牆身上畫了不少卡通食物圖案,色彩繽紛,加上環境開揚,光線充足,為店內裝潢添上寫意的感覺。餐廳午市以套餐為主,共有 12 款可供選擇,定價為 $58 或 $68,全部套餐都包飲品,而且仲免收服務費,非常經濟。另外加 $10 更可以配多一碟淨油菜,加 $15 配牛肉沙嗲,而加 $20 就會有一客炸雞翼。我哋每人點咗一個午餐,分別有招牌肉骨茶 ($68) 同無骨海南雞飯,另外仲配咗兩款小食。肉骨茶可以配白飯、油飯或米粉,本來我哋揀咗油飯。不過店員非常細心,留意到我哋點嘅海南雞飯已經係配油飯,提議我哋不如改配白飯,味道與肉骨茶更夾。肉骨茶色澤深濃,翻熱後,中藥材的香氣徐徐散出。先舀一碗湯茶品嘗,藥材香味恰到好處,濃郁中又帶點甜韻,質地清新輕盈,潤而不燥,與坊間藥材味濃且帶苦澀嘅肉骨茶截然不同,很啱我口味。湯料方面,除了有香腍入味的肉排外,還有盡吸湯汁的豆卜和滋味的金菇等。排骨肉質很鬆軟,蘸上甜豉油,味道相當理想。吃時更可以加入香脆油條粒,特別滋味!至於另一客無骨海南雞飯 ($68) 份量亦絕不欺場,雞飯送上檯時仍熱辣辣,油飯做成金字塔狀,趣味十足,而且聞落仲好香添!跟飯的冬瓜湯,飲落非常清甜, 完全無味精。雞肉很有水準,皮爽肉嫩,留有肉汁,加上雞件已去骨,吃起來啖啖肉,食得好方便。蘸點的三色醬,味道亦唔錯,有黑而濃的豉油、薑蓉和辣椒醬,各具特色。油飯以雞油、南薑和香茅等炮製,上桌時呈金黃色,入口煙韌甘香。 加配的蠔油生菜 (+$10),色澤翠綠,入口爽脆,簡單又好吃。牛肉沙嗲 (+$15)  一客有兩串,牛肉烤至外皮微脆,肉質鮮嫩又不會硬邦邦。沙嗲醬亦很有水準,內裡有不少粗粒花生,可見調配者的用心,入口沙嗲味極濃,香氣十足。餐茶可以揀白咖啡、奶茶、檸茶、檸水,轉凍飲或其他飲品亦不用加錢,非常抵食。 continue reading
(The above review is the personal opinion of a user which does not represent OpenRice's point of view.)