尖沙咀凱悅酒店咖啡廳

偷得浮生半日閒，星期日嘅下午去咗酒店食佢嘅 tea buffet。講返 tea buffet 質數，就真係失色咗小小，相比九龍站上蓋間酒店收 $188 or $198+10% 貴小小下就比較豐富，同埋個度環境 relax 啲，可能因為熱盤太少、又肚餓下，好似未滿足到我掛，但甜品都仲可以接受。但最失望係杯咖啡，不嬲飲咖啡都唔會落糖、落奶，因為咖啡好飲在可以細心品嚐佢原有嘅味道，一直覺得落糖、落奶會失去味道，但今日杯咖啡勁苦，迫我加糖、加奶後都唔覺得好飲，好少對咖啡有咁嘅評論。