Jan Jan 串揚專門店 (尊豪坊) (Closed)

朋友約我去食炸物，我話驚會油淋淋，佢話係日式，佢食過之後覺得超正，一啲都唔會有好油膩嘅感覺。講到咁好，梗係要去食啦。不過唔知點炸法，問佢係唔係天婦羅或者吉列之類都話唔係，話係食串炸喎。我真係未聽過，串燒就食得多，咩係串炸呢。Google咗先知係原來係串住D食材去炸。香脆雞翼咬落去外皮非常脆，但係又無炸到乾晒，入面有肉汁，好食呢度嘅名物都有叫，天使蝦差唔多係每枱必點，真係好大隻，必食之選炸蠔都好大隻，上面有他他醬，夾埋蠔嘅味道好配合，如果多D醬仲正呢度選擇都幾多，其實仲有串燒食，食少少飲酒傾計或者當食全餐都得。