The Market

大部人來The Market 都主力推介榴槤甜品，其實它的Buffet仲有好多高質食品，就算你唔鍾意食榴槤，都有好多其他好食的。今次我就差不多試哂全大部分野食，來個總結。沙律選項多，新鮮。飲品有3款，都不錯。刺身帶子非常新鮮，生蝦甜夠大隻，仲有彈牙的北寄貝。海鮮區，龍蝦蟹鉗都不錯，但長腳蟹是最高質，因為清甜唔會死咸，肉質鮮甜。熟食區最多人取的是螺頭燉湯，雖然自助餐好多野食，但呢個燉湯我都拎左兩次，因為真係好足料又好飲。蟹粥一定要試，估唔倒咁濃咁甜！！喇沙我覺得味道一般。鍾意食魚的一定要試龍躉，蒸得剛剛好，每次一出都好多人拎。最後當然要介紹甜品，試了7/8款榴槤甜品，都幾好食，至愛榴槤奶凍，好滑好香。記得拎它們自家製的榴槤醬，可以來沾甜品食。其實唔食榴槤的朋友唔洗擔心，因為仲有好多其他口味的甜品/雪糕，而且自助餐唔覺有榴槤味。綠茶奶凍都好食，仲有Godiva 雪糕任食，女士至愛。終於明白點解The Market 可以多年拎倒最佳自助餐獎，想食的朋友記得早d上網book, 我也早了個半月先訂倒想要的日子。