勝香園

Open Now

Now Closed

今日落到中環做嘢，同事建議不如一齊食蕃茄湯大排檔，之唔係講緊美輪街嘅勝香園。是日都不過係十二點，就已經見到有人潮，好彩行快兩步，所以都唔係等咗好耐就有得入座。唔使睇餐牌都知道要食乜，姐姐亦都好快手幫我地落單，一碗蕃茄火腿通粉加檸檬蜜糖脆豬！提醒返大家，記得一次過落單啊，因為呢間鋪頭不設加單，就算你有錢都無得食啊！如是者，等咗大概十分鐘，通粉就到喇！番茄嘅味道真係好濃郁，聞到都已經垂涎三尺。不一匙，通粉嘅份量比較少，反之蕃茄湯就多到瀉。雖然係咁，但預你食埋個湯底，其實都幾滯㗎。又過多五分鐘左右個脆豬到喇！新鮮熱辣食，果然好脆口，而且每一口都食到檸檬同蜜糖味，酸酸甜甜真係好帶動食慾！我地一人半個真係好唔夠喉啊！總結一下，勝香園嘅蕃茄湯底真係無得輸，十分足料！每一啖都食到茄蓉，夾埋通粉食都咪話唔飽肚。脆豬都一樣，熱同脆，而且味道豐富，一碟有兩大隻，相當抵食！值得一試。有機會下次再試下蕃茄麵，另外咖央多士都係極為期待。