蓮香居 (Closed)

二月頭嘅星期五＇朋友們一齊去咗北角蓮香居食晚餐。我哋叫咗好多餸，金錢雞拼盤，包括有雞潤，肥朱肉係底，仲有半肥瘦叉燒，好野味。川貝白汁燉白肺，湯料另上，肺好多，仲有雞腳和豬肉，杏汁味唔特別濃，味道適中。大蝦好大隻，蝦皮炸得香脆。煎蓮藕餅，每人有一塊，煎得香口，有夠曬咸香。蟠龍鱔，八寶鴨已經好少酒樓提供，鱔肥而美味而八寶鴨好大隻，內裹的粟子，豆料都好入味。半隻雞和荷葉飯就普通。甜品有西米布甸，一盆夠香甜。