Video
Read full review
2005-05-18
3 views
成年冇黎,六個人叫左:無味精例湯(西洋菜生魚),芝士西蘭花,花膠上湯浸黃芽白,墨汁煮墨魚,炸豬手,風沙雞半隻,鴨汁荷葉飯,豉油皇炒麵,炸榴槤,啤酒兩支.例湯:唔落鹽已經好得,真係阿媽都話正.芝士西蘭花:配上既多士好好味,搶晒鏡.花膠上湯浸黃芽白:湯清甜得好厲害,大家懷疑有冇味精,不過又好似真係冇.墨汁煮墨魚:好玩囉,見個個食到變烏嘴狗.炸豬手:用來蘸既南乳醬似乎係調教過,唔鹹亦好味,送酒一流.風沙雞:招牌菜唔駛多講.鴨汁荷葉飯:唔太多汁,唔漏,望落唔多,食極都有.豉油皇炒麵麵好幼,又炒得好正,唔油.炸榴槤:極品呀呢個,連有人行過都話"點解有榴槤味既".奉送薑味涼粉,真係未試過有薑味既涼粉,又幾好.最後荷葉飯食唔晒,要打包.呢度D阿哥阿姐粗聲粗氣,但服務一流.埋單$680,大排檔黎講唔係平,不過咁既食物質素黎講就係抵.
例湯:唔落鹽已經好得,真係阿媽都話正.
芝士西蘭花:配上既多士好好味,搶晒鏡.
花膠上湯浸黃芽白:湯清甜得好厲害,大家懷疑有冇味精,不過又好似真係冇.
墨汁煮墨魚:好玩囉,見個個食到變烏嘴狗.
炸豬手:用來蘸既南乳醬似乎係調教過,唔鹹亦好味,送酒一流.
風沙雞:招牌菜唔駛多講.
鴨汁荷葉飯:唔太多汁,唔漏,望落唔多,食極都有.
豉油皇炒麵麵好幼,又炒得好正,唔油.
炸榴槤:極品呀呢個,連有人行過都話"點解有榴槤味既".
奉送薑味涼粉,真係未試過有薑味既涼粉,又幾好.最後荷葉飯食唔晒,要打包.
呢度D阿哥阿姐粗聲粗氣,但服務一流.
埋單$680,大排檔黎講唔係平,不過咁既食物質素黎講就係抵.
Post