森美餐廳

Open Now

Now Closed

之前睇電視見到呢間餐廳, 聽落都幾懷舊, 所以黎試一試入到去因為今日假日的關係, 要等一陣位, 跟住就被安排入坐近門口的位置, 可以見到分左兩個Area(一個係普通餐, 一個係扒房, 類似法國菜咁o既嘢我點左個鐵扒鑊仔牛柳, 而我老婆就點左豬雞扒意粉。首先黎個湯+包 兩份都算大件, 不過我個羅宋湯比較淡, 亦都唔似其他地方咁會有牛粒o係裏面。跟住黎個主菜, 我個牛柳算「林」, 普通餐刀都可以輕易鋸開, 食落都幾Juicy, 可惜好似放凍左少少。另外試左啖雞扒同豬扒都可以,起碼有味同唔靭先。最後係餐茶, 我叫左杯凍檸茶, 都係比較淡不過全程最敗北就係service, 大部份員工都好似留守o係比較入o既位置, 見到有兩pair都係安排o係近門口位的情侶, 有一pair要求轉入扒房, 另一pair就因為無人理而離開, 希望d staff可以留意一下。整體黎講可以再試下。