Video
Read full review
2019-01-22
3101 views
我幾鍾意食法國菜，可以是 fine dinning，食完心情都會靚晒，亦可以是 bistro 小館，食好嘢但可以使少啲錢，今晚我就堅尼地城海邊，睇住海景食法國菜，有一間已經在這裏多年的法國菜餐廳 Bistronomique，菜式有水準環境亦一流，價錢都非常合理。這裏有四道菜及六道菜的菜單選擇，今晚想食得豐富啲就揀咗六道菜，兩個人一人一杯酒，配合下氣氛，Rose 及 紐西蘭 Red Wine，各有風格。沙律我揀咗 Artichoke Heart & Prawn，啲汁酸甜合適，蝦有蝦味，artichoke 幾特別。Pate Maison 雖然唔係好滑，唔夠 fine，但味道很好，配新鮮又夠熱的法色，理想配合。香煎魷魚仔配西班牙肉腸有點驚喜，主要有魷魚香，因為啲油很香，油及醋混合，吸收晒魷魚及肉腸嘅精華，點麵包一流。蘑菇忌廉湯，味道很不錯，仲用腫瘤做咗個小心心型圖案幾得意。今日海鮮是三文魚，香煎過，皮脆肉嫩，配合多隻蜆仔，賣相好，味道更加被提升咗，用咗薯蓉墊底，因為有汁用薯蓉有其道理，但我唔太鐘意薯蓉。今日甜品是焦糖撻，幾好食，沒有想像中咁甜。飲酒唔需要咖啡茶，今晚唔多人冇壓力，慢慢嘆埋杯就
我幾鍾意食法國菜，可以是 fine dinning，食完心情都會靚晒，亦可以是 bistro 小館，食好嘢但可以使少啲錢，今晚我就堅尼地城海邊，睇住海景食法國菜，有一間已經在這裏多年的法國菜餐廳 Bistronomique，菜式有水準環境亦一流，價錢都非常合理。
這裏有四道菜及六道菜的菜單選擇，今晚想食得豐富啲就揀咗六道菜，兩個人一人一杯酒，配合下氣氛，Rose 及 紐西蘭 Red Wine，各有風格。
沙律我揀咗 Artichoke Heart & Prawn，啲汁酸甜合適，蝦有蝦味，artichoke 幾特別。
Pate Maison 雖然唔係好滑，唔夠 fine，但味道很好，配新鮮又夠熱的法色，理想配合。
香煎魷魚仔配西班牙肉腸有點驚喜，主要有魷魚香，因為啲油很香，油及醋混合，吸收晒魷魚及肉腸嘅精華，點麵包一流。
蘑菇忌廉湯，味道很不錯，仲用腫瘤做咗個小心心型圖案幾得意。
今日海鮮是三文魚，香煎過，皮脆肉嫩，配合多隻蜆仔，賣相好，味道更加被提升咗，用咗薯蓉墊底，因為有汁用薯蓉有其道理，但我唔太鐘意薯蓉。
今日甜品是焦糖撻，幾好食，沒有想像中咁甜。
飲酒唔需要咖啡茶，今晚唔多人冇壓力，慢慢嘆埋杯就先走，好 hea 的一晚。
Post
