肉骨皇 (Closed)

呢間星馬餐廳遠處已望到好清晰好大隻招牌，睇到門面設計係非常大體雅觀。一開門入去就見到侍應生好有禮貌邀請我地量體溫同安排位置坐。室內環境乾淨又簡潔，每枱都有放置消毒搓手液，令人都好放心用餐。另外值得讚既係，飯前去左個廁所都見到係有清潔衞生而乾淨。餐廳既菜色選擇真係多不勝數，我地真係三心兩意，都揀左好耐。睇得出應該係當地人煮既家鄕菜，所以都忘急不及待想食。呢到既招牌菜係肉骨茶，所以我地緊係點肉骨茶，另外叫左個午市套餐，係無骨海南雞飯配凍檸茶。二人份量招牌肉骨茶 $118首先會有油炸鬼粒同蠔油伴碟，可以跟個人喜好選擇浸係肉骨茶食，或者油炸鬼粒點蠔油食。而肉骨茶會用gas爐一直煲住食，可以保持最佳溫度食。另外用料好特別好充足，有金菇，腐竹，杞子，豆卜，6至7件既豬骨肉，一共裝到約4碗到。味道係甜甜地既香濃藥材味，同平時出面食既好唔同，出面係好濃胡椒味同好重蒜味，但呢間係又有藥材味，又有甜甜既蒜豬骨味道，味道層次好豐富！尤其天氣凍，飲左好暖肚，所以好快就俾我地食哂成煲。無骨海南雞飯 $68配凍檸茶凍檸茶睇啲色就知茶味真係好濃好濃！而海南雞飯既配飯唔係白飯，係配特色家鄉黃薑飯。有三款醬料可以選擇，