Video
Read full review
2019-10-05
1882 views
上星期日男朋友生日，揀左Hyatt Cafe 慶祝。一黎即去排龍蝦，師傅係一輪一輪咁烚熟龍蝦的，師傅手起刀落，兩刀搞掂一隻，每人每次限拎半邊。其他酒店buffet的龍蝦都係凍食的，Hyatt呢個熱食很好，烚完出黎熱辣辣即食好新鮮，凍食果啲食少少就個肚仔凍冰冰，好少想再食多幾件咁，同埋凍嘅啲肉實啲乾啲，呢度就好juicy，係最鍾意的地方。另一賣點係煎鵝肝，鵝肝好食，外脆內軟咁。最值得提及的係果位煎鵝肝的師傅，好好禮貌，好好笑容，會同每位客人講「唔好意思要你等咁耐，多謝你」。雖知道做服務業，對住咁多客，要長期有笑容唔係易事，仲要個師傅嘅笑容同對話會感受到佢係真心，唔係假笑。呢位師傅值得拎最佳員工！熱食呢，Wellington beef 係驚喜，冇諗過會有，仲有即燒羊架、西冷扒咁等等。日食果邊，睇其他post話有玻璃蝦，但我果日冇，都幾失望。另一賣點係即場劏魚，果日劏果三條冇乜特別，係認識左條新魚叫「平政魚」😛。有一個大遺憾，話說睇post見到有榴槤芝士撻，超想試，但最尾太遲過去食甜品，師傅話係限量... 大哭！！ T_T 最後甜品剩係食了雪糕.. 最後一樣好值得提嘅野食係 — 生日蛋糕！估
一黎即去排龍蝦，師傅係一輪一輪咁烚熟龍蝦的，師傅手起刀落，兩刀搞掂一隻，每人每次限拎半邊。其他酒店buffet的龍蝦都係凍食的，Hyatt呢個熱食很好，烚完出黎熱辣辣即食好新鮮，凍食果啲食少少就個肚仔凍冰冰，好少想再食多幾件咁，同埋凍嘅啲肉實啲乾啲，呢度就好juicy，係最鍾意的地方。
另一賣點係煎鵝肝，鵝肝好食，外脆內軟咁。最值得提及的係果位煎鵝肝的師傅，好好禮貌，好好笑容，會同每位客人講「唔好意思要你等咁耐，多謝你」。雖知道做服務業，對住咁多客，要長期有笑容唔係易事，仲要個師傅嘅笑容同對話會感受到佢係真心，唔係假笑。呢位師傅值得拎最佳員工！
熱食呢，Wellington beef 係驚喜，冇諗過會有，仲有即燒羊架、西冷扒咁等等。
日食果邊，睇其他post話有玻璃蝦，但我果日冇，都幾失望。另一賣點係即場劏魚，果日劏果三條冇乜特別，係認識左條新魚叫「平政魚」😛。
有一個大遺憾，話說睇post見到有榴槤芝士撻，超想試，但最尾太遲過去食甜品，師傅話係限量... 大哭！！ T_T 最後甜品剩係食了雪糕..
最後一樣好值得提嘅野食係 — 生日蛋糕！估你唔到咁好食！因為平時餐廳送的生日蛋糕都係hea野，但呢個蛋糕中間的黃色蛋糕係超鬆軟又香！食到最尾都忍唔住食左三分一個。如果呢個小蛋糕係自家餅房出品，咁真係要讚讚呢位有心嘅餅房師傅！
野食方面，我地都主打食龍蝦同鵝肝，食到好飽，仲有好多熱食都冇試到。
樓面服務都好好！Attentive to each table, Waitresses都好快手，加水快、收碟快，又有禮貌！
整體黎講係好好的！食得開心！
如果有埋生蠔海膽咁就更perfect! 😬
Post
