尖沙咀凱悅酒店咖啡廳

基本上同兩個月前冇乜分別，係多咗個海膽軍艦同埋個海膽蛋多士，兩樣都唔係話好突出嗰海膽唔算話好鮮甜。主打都係食龍蝦， 烚龍蝦夠新鮮嘅， 鮮甜多膏。 天婦羅廣島蠔夠大隻冇腥味， 燉湯真材實料， 凍海鮮唔多，蟹腳同小龍蝦都可以， 刺身嘅話我淨係推介帶子原粒帶子鮮甜好味。 parma ham都幾香但係好騎呢冇蜜瓜去配嘅。openrice訂位有七折，加98蚊仲可以任飲紅白酒都幾化算，六點鐘坐到九點幾。 人唔算多可能之前太多劣評。我覺得鍾意食龍蝦同有七折其實ok嘅，慢慢坐下飲下食下，環境同服務都ok？。不斷都有幫我斟酒。折完再加一$638，酒另計。