Video
Read full review
2010-01-22
20 views
喺香港想食真正嘅日本拉麵選擇唔多，位於油麻地嘅橫綱拉麵算係唔錯嘅拉麵店之一~~~今日未夠六點去開油麻地，沿路經過橫綱見到無人排隊於是我哋兩個人就入去食個“早”晚餐。一入去服務員好有禮貌，由於食客唔多，我哋兩個人可坐喺張四人卡位度。餐牌食物品種唔少，選擇都算多，我哋叫咗兩碗拉麵加多一個小食，落柯打後食物大約十分鐘內就到齊晒，都算幾有效率~~~九州屋台風拉麵(豬骨湯底) ($40) - 豬骨湯底好有豬骨味，拉麵軟硬適中，份量足，好食~~~叉燒拉麵 ($42) - 叉燒數量比預期中多，拉麵份量亦足，湯底濃度亦恰當，OK~~~雞串小食($21) - 雞串唔熱，唔知係咪一早整定，但都好有口感，配合其醬料，都可以接受~~~由於未夠六點，唔洗加一兼有八折，今餐兩個人食，共$82.4，算好抵食~~~以香港嘅拉麵店嚟講，橫綱真係唔錯、服務員禮貌同態度良好，比起其它靠名人宣傳、靠廣告嘅拉麵店，橫綱真係值得支持！
今日未夠六點去開油麻地，沿路經過橫綱見到無人排隊於是我哋兩個人就入去食個“早”晚餐。一入去服務員好有禮貌，由於食客唔多，我哋兩個人可坐喺張四人卡位度。
餐牌食物品種唔少，選擇都算多，我哋叫咗兩碗拉麵加多一個小食，落柯打後食物大約十分鐘內就到齊晒，都算幾有效率~~~
九州屋台風拉麵(豬骨湯底) ($40) - 豬骨湯底好有豬骨味，拉麵軟硬適中，份量足，好食~~~
叉燒拉麵 ($42) - 叉燒數量比預期中多，拉麵份量亦足，湯底濃度亦恰當，OK~~~
雞串小食($21) - 雞串唔熱，唔知係咪一早整定，但都好有口感，配合其醬料，都可以接受~~~
由於未夠六點，唔洗加一兼有八折，今餐兩個人食，共$82.4，算好抵食~~~
以香港嘅拉麵店嚟講，橫綱真係唔錯、服務員禮貌同態度良好，比起其它靠名人宣傳、靠廣告嘅拉麵店，橫綱真係值得支持！
Post
