Video
Read full review
2019-05-13
703 views
有無試過由坐下30分鐘，當把口仲食緊野、手中筷子都未放，已經有人收走你的碗碟及清走檯面所有野？然後大大聲同你們講：飲完啖茶去買單，好多客等緊檯用！？！😫😫😡😡我們一家人當場呆哂。客等係客，食緊的唔係客？！昨日母親節，諗住食幫襯開的西環德記，因為知道人多，所以一早已book咗7:45 pm的位。7:45 到。等阿姐執檯7:50分上下坐底，大概8:00落單寫野。食物出乎預料好快上，10分鍾已上完。質量比平日差啲但都算不太過不太失。大概8:25pm ，當我們食完檯上餸，阿姐即時過來收碟，及清走埋碗筷。但當時的情況係，仲有家人正食緊，手持筷子把口未停，阿姐仍然將她面前的碗收走。而這位家人正是為之慶祝的媽咪。氣氛一秒低下到冰點，但都互相尷尬笑笑下算。🤷🏻♀️人多係咁架啦🤷🏻♀️但使唔使咁赶呀～🤷🏻♀️點知執檯阿姐剛走，即時有一位白色衣服男職員過來，大大聲同我哋講：唔該飲完啖茶去埋單，好多客等緊檯用！然後唔理我哋一家呆哂轉身就走。我睇下個鍾，剛好8:29分。有家人火起想理論，但被勸阻拉住。阿媽食完放低筷子，即時叫我們埋單走，不以計較。事後心諗，唔出聲唔計較真係好咩？而我今日道出事情原委又點會是計較
😫😫😡😡我們一家人當場呆哂。
客等係客，食緊的唔係客？！
昨日母親節，諗住食幫襯開的西環德記，因為知道人多，所以一早已book咗7:45 pm的位。
7:45 到。等阿姐執檯7:50分上下坐底，大概8:00落單寫野。食物出乎預料好快上，10分鍾已上完。質量比平日差啲但都算不太過不太失。
大概8:25pm ，當我們食完檯上餸，阿姐即時過來收碟，及清走埋碗筷。但當時的情況係，仲有家人正食緊，手持筷子把口未停，阿姐仍然將她面前的碗收走。而這位家人正是為之慶祝的媽咪。氣氛一秒低下到冰點，但都互相尷尬笑笑下算。
🤷🏻♀️人多係咁架啦🤷🏻♀️但使唔使咁赶呀～🤷🏻♀️
點知執檯阿姐剛走，即時有一位白色衣服男職員過來，大大聲同我哋講：唔該飲完啖茶去埋單，好多客等緊檯用！然後唔理我哋一家呆哂轉身就走。
我睇下個鍾，剛好8:29分。
有家人火起想理論，但被勸阻拉住。阿媽食完放低筷子，即時叫我們埋單走，不以計較。
事後心諗，唔出聲唔計較真係好咩？
而我今日道出事情原委又點會是計較？而德記又會唔會重視返呢個問題，日後兼顧生意的同時，都兼顧返少少顧客既尊嚴？
30分鐘包落單包上菜包食完要求交檯，投胎都冇咁赶。
對於食野短時間就被店家赶客呢個問題，其實已屢見不鮮。但去到咁盡出到聲赶人埋單交檯，真係前所未有堪稱經典。
談及日後會唔會再食西環德記，我哋會考慮再三非必要決不再幫襯。
完。
Post