第三站

新年既時候我約左朋友仔一齊去左旺角一間樓上Cafe－Station 3食晚餐✨餐廳既座位都算闊落，而且仲有得玩Boardgame，重點係無限時⏰岩哂三五知己一齊去呀❗️每個餐包一杯$38餐飲🍹另外加$38有田園沙律🥗芝士蛋糕🍰分別可以揀朱古力、藍莓、New York*三選一*。♡黑松露蟹玉配黑醋沙律蟹肉份量適中，作為前菜都係一個好選擇。♡黑松露帶子鮮菌燴意大利飯呢個Risotto超級香黑松露味，飯粒唔會太水太淋，吸收了食材的精華煮得岩岩好。鮮甜珍珠貝係比較細粒既，仲有菇粒同埋芝士碎做topping～♡特級海鮮拼盤呢個拼盤係炸物~包括有魚手指、炸蝦、炸蟹鉗、炸帶子、吉列蠔。整體覺得算係唔錯，唔會太油，粉漿又唔會太厚。炸蟹鉗係Gavin媽兒時最愛，太耐無食喇～但如果可以再炸得脆d就好喇♡藍莓芝士蛋糕芝士蛋糕食落比較light，面層淋上藍莓醬，餅底牛油味可以再多d，不過食到好飽好滿足。🍹飲品方面我地補錢order左Milk Shake～分別係士多啤梨味同埋芒果味，乳酪甜度剛剛好，不過不失。