1058
67
61
3-min walk from Exit E2, Mong Kok MTR Station
continue reading
Telephone
66811177
Introduction
This upper floor cafe is near MTR station and it is convenient. It serves Western-style and local dishes with reasonable prices. The shop is designed in black and white color. It provides VIP rooms that are high privacy. Besides, it has audio and video equipment such as a big projection screen for parties booking.
continue reading
Opening Hours
Today
12:00 - 23:00
Mon - Fri
12:00 - 23:00
Sat - Sun
11:30 - 23:00
Public Holiday
11:30 - 23:00
Above information is for reference only. Please check details with the restaurant.
About
About Reward Scheme
Offers
Recommended Dishes
朋友推介旺角樓上Cafe餐廳，於是放工去了旺角洗衣街39號金雞廣場25樓08至09室Station 3 cafe意大利菜/西式/咖啡店/樓上cafe，港鐵旺角站E2出口，步行約3至5分鐘，交通非常方便。店內以白色為主，白色高背座位，保障私隱和距離感，也有個別房間供客人使用，裝飾簡約時尚，走年輕人路線，在鬧市也可找到安靜聚餐處。菜譜內有多款套餐，飯類或意粉類、輕食、飲品和甜品，供客人自由配搭。服務員禮貌招待推介是日套餐款式。卡邦尼煙肉雜菌意粉$106濃濃芝士味沾滿意粉，卡邦尼醬汁調味極佳，意粉柔韌適中，配上煙肉和鮮味雜菌，且份量十足，更覺美味可口。墨西哥香辣肉丸燴意粉$112紅黃椒顏色配搭鮮艷，香辣醬汁又多又香濃浸滿意粉，6粒肉丸既大粒又彈牙，沾滿醬汁醒胃又開胃，美味又滿足。套餐加配田園沙律/法國朱古力芝士蛋糕/紐約芝士蛋糕~每客$38田園沙律超好食，芝麻醬汁極多，沾滿所有新鮮雜菜，蔬菜鮮甜爽脆 ，每口都是清新。法國朱古力芝士蛋糕，軟綿綿的像慕思，幼滑的口感襯托著濃郁的朱古力，真是極佳的享受。紐約芝士蛋糕，上層較結實的香濃芝士蛋糕，下層是脆口的曲奇撻底，口感多層次，真是各有各好，套餐追加沙律及蛋糕價錢很底食。套餐包飲品生薑蜜、蜂蜜綠茶，兩杯飲品清甜潤喉為這餐劃上完滿句號。
continue reading
今日突然好想食西餐，然後想起朋友介紹過既一間樓上cafe <station 3>。朋友指餐廳環境寬敞，食物高質，重點係唔會限時，可以慢慢食慢慢坐，成班朋友仲可以一齊開board game玩。餐廳位於旺角金雞廣場，非常方便。入到餐廳門口，年輕既服務員非常殷勤地招待我地，安排我地二人坐沙發既卡位。今次我地二人叫左兩個晚餐set，分別係黑松露帶子鮮菌燴意大利飯以及煙三文魚野菌忌廉闊條麵，另外我地仲加左小食松露薯條同蜜糖雞翼。黑松露帶子鮮菌燴意大利飯：意大利飯粒粒分明，食落唔會過硬，而且飯上灑滿了我最愛的芝士碎，再加上香濃的黑松露忌廉汁，令我地愈食愈開胃煙三文魚野菌忌廉闊條麵：呢個闊條麵朋友超級喜歡，特別係個忌廉汁，香滑得黎完全唔膩，而且非常creamy，完美地跟蘑菇同闊條麵融合，味道拍得住高級西餐廳蜜糖雞翼：起初我以為得4隻雞翼，黎到先知原來有6隻咁多。每隻雞翼新鮮炸起，食落香脆可口，而且沾滿了蜜糖汁，特別惹味，我地忍唔住食完一隻又一隻。松露薯條：份量又係比想像中多，每條薯條都沾滿松露，食落口仲係熱辣辣的，味道香脆可口，抵食！總括來說，呢間樓上cafe性價比高，味道拍得住高級西餐廳，但價錢唔貴，下次一定會約朋友再來
continue reading
係旺角返工的打工仔真係好幸福，Lunch無論想食咩，旺角都唔會令大家失望。今次我同同事想靜靜地食個Lunch，就去了一間網上人氣推介的Cafe。餐廳唔算好大，不過枱與枱唔會太迫，而且仲有不少board game可以玩，如果weekend約朋友上來玩幾個鐘都唔錯。Lunch有8個選擇，由健康的沙律、不同的意粉，到意大利飯都應有盡有。價錢平均$70-92，本身已經包餐飲，不過唔夠喉可以加多$38要多份沙律同埋蛋糕。去cafe唔少得打卡的飲品，可以邊玩boardgame邊解渴。今次我們都叫了乳酪飲品。黃色個杯係水蜜桃乳酪，綠色個杯係青蘋果乳酪，味道飲落酸酸甜甜，好開胃。除了Lunch Set，餐廳仲有不少小食，而呢份蜜糖芥末單骨雞翼比我想像中大隻，而且拎住骨頭就好似食雞髀咁。唔只啖啖肉，而且仲有埋肉汁，同我一樣為食的寶寶可以試一試。富有海量蟹肉的蟹肉雜菌忌廉闊條麵，唔只份量多，而且有超多蟹肉！忌廉的creamy口感，配埋蟹肉的鮮味，鍾意蟹的朋友唔好錯過哦！而我自己就比較鍾意食呢個煙三文魚野菌忌廉燴闊條麵。闊條麵同蟹肉意粉一樣富有咬口，重點係個忌廉汁超香濃，整體非常夾。如果唔趕住走，可以邊食Cheese Cake(紐約芝士蛋糕、藍莓芝士蛋糕)邊玩board game，慢慢享受下同朋友的歡樂時光\(//∇//)\==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)
continue reading
🌃 餐廳為樓上cafe，位於旺角金雞廣場25樓， 鄰近於旺角港鐵站E2出口， 餐廳以簡約白色設計為主， 觀感休閒舒適寫意， 空間感很大， 座位寬敞 ， 有不少梳化坐位， 仲提供board game畀客人玩。 .🌃 MENU晚餐價錢都幾親民，$92起就食到晚餐set， 餐牌星期一至日都適用添， 另外可以加$38 加配田園沙律及芝士蛋糕。.🥗 田園沙律👉 沙律菜幾新鮮爽脆， 加上芝麻沙律醬，幾開胃。.🥘 特級海鮮拼盤 ( 單點 )💲128👉 魚手指、炸蝦、炸蟹鉗、炸帶子 、吉列蠔， 每款有三件， 計落都幾抵食， 可以同朋友開心share， 每款炸物都炸得好香口， 配搭埋千島醬十分滋味。.🍝 墨西哥香辣肉丸燴意粉 💲108👉 墨西哥香辣汁十分惹味， 辣度比較高， 配以口感彈牙嘅肉丸， 而意粉都富有彈性， 總括嚟講幾好食。.🥘 西班牙煙鴨胸燴飯 💲112👉 西班牙醬汁幾開胃，但略嫌較多，令到飯較濕， 有啲像太極鴛鴦炒飯嘅紅色部分， 煙鴨胸肉質都好細嫩， 帶有煙燻香味， 配料有唔小洋蔥、青紅黃椒， 令到整個飯食落幾開胃， 不過有啲像中式燴飯。.🍝 蟹肉雜菌忌廉闊條麵 💲118👉 蟹肉比得好慷慨， 反而雜菌較少，忌廉汁食落好creamy， 寬條麵 嘅硬度恰到好處。.🥘 黑松露帶子鮮菌燴意大利飯 💲122👉 黑松露醬汁十分濃郁，帶子口感都幾彈牙， 配以大量雜菌， 意大利飯煙韌。.🍰 法國朱古力芝士蛋糕👉 喺三款芝士蛋糕中口感最柔軟， 像慕思一樣嘅輕盈， 朱古力味都幾濃郁。.🍰 藍莓芝士蛋糕👉 芝士蛋糕上加上酸甜嘅藍莓醬，可以降低芝士嘅油膩感， 食落幾開胃。.🍰 紐約芝士蛋糕👉 喺三款芝士蛋糕中口感較結實，感覺有啲膩，不過芝士味道好出。..🍸 戴安娜花茶 +💲20👉 又不同種類嘅花精心調配，據說可以舒緩身心情緒，適合慢慢品嚐。.🍸 水蜜桃乳酪 +💲10👉 酸酸甜甜嘅水蜜桃乳酪， 飲落幾開胃同埋fresh，有助解膩，表面仲加上cream同埋水蜜桃果醬。.🍸 薄荷朱古力 +💲6👉 小編係薄荷朱古力控， 仲加入了薄荷朱古力關注組，見到menu有呢個即刻心心眼😍， 薄荷味都好出， 而朱古力味都幾濃， 飲落好冰爽， 表面仲加上cream同埋薄荷醬， 好適合打卡。.🍸 朱古力奶昔 +💲20👉 朱古力味道好濃郁， 仲加咗唔少朱古力醬添，奶昔口感好smooth， 同樣地表面都係加上cream😋..📍 第三站旺角洗衣街39號金雞廣場25樓08-09室.=====================.*此價格只供參考及以當時為準，實際價格或會與本文章有所差異。-｜
continue reading
阿仔今日去醫院覆完診，醫生檢查過後話完全無問題了，總算鬆一口氣了🤗，於是決定帶阿仔去食返餐😊。阿仔話要食得舒服，要有風景望，又話要飲特飲，要附近唔要去太遠，要求多多咁🙄...好彩我記得我同事講過附近有間樓上cafe店，符合哂我仔所有嘅條件，咁就一於去馬啦😆。餐廳位於旺角金雞廣場2️⃣5️⃣樓，一入到去就俾一片白色⬜️嘅裝修吸引住，cafe 面績唔少，而且全部都係梳化位，枱面非常大，但枱與枱之間一啲都唔逼😍。然後我發現入口左邊嗰櫃擺咗好多board games，card games 咁，連層層疊，方格遊戲都有...唔怪得枱面咁大啦，約返三五知己，咁就可以消磨一個下午👍。我地五點幾去到原來仲可以叫lunch set，Menu📔有 A~H可以選擇，包杯$3️⃣8️⃣飲品(以上要補差價)、另外如果 +$3️⃣8️⃣可以有埋沙律和蛋糕，價錢都ok喎。煙三文魚野菌忌廉燴闊條麵 $86(+$38 沙律&蛋糕)首先嚟咗個沙律🥗，份量正常，但蔬菜非常新鮮，而且芝麻醬亦夠多，真心唔錯😋。一大片煙三文魚整成玫瑰花🌷嘅形狀非常吸睛💕，三文魚唔太鹹，好食😋。寬條麵份量好多，配上淡淡嘅忌廉奶油，非常掛汁，非常creamy😍 。黑松露帶子鮮菌燴意大利飯 $86黑松露香氣樸鼻，帶子係細細粒嗰款，但份量就非常之多😍，基本上每啖都可以食到帶子同埋香枯🥰。至於飯就粒粒分明，好食😋。特級海鮮拼盤 $128有魚手指、炸蝦、炸蟹鉗、炸帶子和吉列蠔，每款各有3件，每件都炸得金黄色🟧，而且鬆脆香口😋。月亮(荔枝+菠蘿鮮打沙冰) 跟餐+$14沙冰柱高得誇張，就好似一座雪山坐落在冰面上😂。荔枝配上菠蘿味道非常之夾，又唔太甜，感覺超級清新🥰，強烈推薦💯。節制(西柚菠蘿汁) 跟餐+$10杯特飲有3️⃣層顏色，打卡一流，菠蘿味🍍偏重，飲落酸酸甜甜，底層仲有粒粒嘅椰果，整體絕對不比之前那杯月亮遜色👍。朱古力蛋糕最後登場嘅朱古力蛋糕，朱古力味重，食到有少許酒味🍷，十分好味😋。總括而言，無論食物，服務都非常好嘅一間cafe，打卡一流又有board game玩，三五知己聚會首選。阿仔話下次要約埋啲同學再嚟過😉。
continue reading