宏 (Closed)

好耐無去黃埔行街，最近開左港鐵有站到真係方便好多，以前多數去隻船度行，今次同太座舊地重遊，別有一番滋味呢。行完街揾嘢食，隻船斜對面百合苑商場外開左啲日式食店，一於去捧吓場睇吓有乜好吃。經過一間個名好熟叫宏，門口有兩個好Q公仔吃緊甜品，相信呢度主打甜品，櫃檯内放左好多日式甜品，當然係女性至愛，我就喜歡吃鰻魚，一於入内捧吓場。服務員放下menu介紹餐廳特色餐，最後叫左兩個套餐大鰻魚飯和照燒雞飯，再加多一個抹茶甜品set a,一於試多啲。鰻魚口感鲜味十足，好有魚味，外層燒得香脆，再帶埋濃濃香汁真係正，再配合通透軟綿新瀉米飯，絕配頂呱呱，套餐包埋碗細烏冬，口感彈牙爽滑韌性適中，好味，重有一碗沙律，菜清甜，放多兩支味料可隨意加味，細心而燒雞份量十足，舖滿熱辣辣飯面，香味撲鼻，烏冬面加上滑滑海藻，清新健康之選。兩件抹茶卷，賣相精緻，有一層膠紙包住，香濃忌廉味，軟綿綿，有層次感最後到我太座至愛甜品set每一道都是厨師精心傑作，特別係抹茶味濃，蛋卷軟滑，晶瑩滑白牛奶布丁，雪糕拿破侖，太座甜到入心，最後飲埋杯咖啡，真係甜上加甜，非常滿足。總括黎講環境是舒服的，座位寬鬆的，甜品超水準的，