森美餐廳

Open Now

Now Closed

今日放假行咗去屋企附近嘅森美餐廳食下午茶。住咗咁多年，都未去過呢間餐廳。一入餐廳，感覺很懷舊，以棕色為主，用上磚牆，而門口位附近嘅牆上滿佈餐廳老闆與明星嘅合照。下午茶餐廳價錢大眾化，小食類以二十多元為主，而粉麵類就要三十多元。我點了焗肉醬意粉，凍華田 (需加 $3)。凍華田味道不錯，夠濃味，最怕那些加得太多奶同冰嘅華田。焗肉醬意粉出場喇，份量比我想像中細，表面灑上芝士粉，肉醬味同平時食嘅唔同，肉味較重，只係肉粒太腍，有點失色。而意粉就不過不失，如果可以彈牙一點就更好。食完真係唔夠飽，不過無係度再叫，但係都見隔離檯兩個人，各自食完一個茶餐後，再叫多一個西多士，我估都係唔夠飽，哈哈。下午茶時段人不多，職員也不多，我自己行入去收銀處俾錢，見到真係個位真係好古董，好多雜物，哈哈，相信咁多年都無裝修過。