Video
Read full review
2018-01-24
273 views
都有段時間冇去飲茶喇，有啲掛住中式點心，朋友介紹下黎左呢間餐廳。呢度既點心多數係三件上，岩哂三人行。裝修格局算中高級，環境舒服唔會逼，放既多數係方枱，唔係傳統個隻圓枱。坐低揀飲咩茶，揀左紅棗，幾好飲，真係放左算大粒既紅棗，加既係茶包唔係茶葉。叫左幾款小份既小菜，有醉雞、茄子同皮蛋豆腐，每樣都唔錯。醉雞肉質幾好但略嫌酒味唔夠濃。茄子甜道夠唔會過稔冇咩油，good。皮蛋豆腐味道都夾，原本覺得皮蛋碎得濟，但食落變左唔會太搶豆腐味，留番啲清新感。吉川奶子咁其實姐係綠茶味奶皇包，夠熱做到流心就好食。佢流心，所以佢好食。透明波波黎喇，其實係蝦餃，但係有金箔唔透明，所以個名有待改善。但講番味道佢係皮薄餡靚，係好食既。最後係龍皇泡飯，幾好食，魚肉唔係粉既，做到泡飯唔係湯飯，姐係飯質餸料偏爽口脆身，配埋個湯口感同味道都幾好，個湯係甜既唔會覺鹹。不過份糧唔係好多，係平時茶樓炒飯個啲一半左右。整體計係幾好，唔介意食lunch過百可試！(價錢唔太記得請見諒)
裝修格局算中高級，環境舒服唔會逼，放既多數係方枱，唔係傳統個隻圓枱。
坐低揀飲咩茶，揀左紅棗，幾好飲，真係放左算大粒既紅棗，加既係茶包唔係茶葉。
叫左幾款小份既小菜，有醉雞、茄子同皮蛋豆腐，每樣都唔錯。
醉雞肉質幾好但略嫌酒味唔夠濃。茄子甜道夠唔會過稔冇咩油，good。皮蛋豆腐味道都夾，原本覺得皮蛋碎得濟，但食落變左唔會太搶豆腐味，留番啲清新感。
醉雞、皮蛋千頁豆腐、茄子
$119
24 views
0 likes
0 comments
吉川奶子咁其實姐係綠茶味奶皇包，夠熱做到流心就好食。
吉川奶子(綠茶味)
$49
15 views
0 likes
0 comments
佢流心，所以佢好食。
吉川了
23 views
0 likes
0 comments
嘔奶了
19 views
0 likes
0 comments
透明波波黎喇，其實係蝦餃，但係有金箔唔透明，所以個名有待改善。但講番味道佢係皮薄餡靚，係好食既。
透明波波(有金箔既蝦餃)
22 views
0 likes
0 comments
最後係龍皇泡飯，幾好食，魚肉唔係粉既，做到泡飯唔係湯飯，姐係飯質餸料偏爽口脆身，配埋個湯口感同味道都幾好，個湯係甜既唔會覺鹹。不過份糧唔係好多，係平時茶樓炒飯個啲一半左右。
龍皇泡飯
$109
33 views
1 likes
0 comments
整體計係幾好，唔介意食lunch過百可試！
(價錢唔太記得請見諒)
Post
