掌壽司 (Closed)

今日朋友就帶我去呢間係工廈入面嘅日本料理！ 一入到去見到佢嘅裝修都充滿日本氣氛，我地就叫左刺身拼盤，吉列炸蠔，厚燒牛舌，灸燒左口魚壽司，海膽軍艦，仲有壽喜燒鍋！首先講下佢嘅刺身拼盤！有三文魚，帶子，油甘魚，活赤貝，赤蝦。樣樣都好新鮮，好鮮甜。最中意佢地嘅活赤貝，夠曬爽口。至於壽司方面，我就最欣賞佢地嘅海膽軍艦，好濃嘅海膽鮮味！一流！佢地嘅吉列炸蠔都好好食，夠鮮味，juicy 多汁。最後講下佢地嘅壽喜燒鍋，牛肉好濃味，掛住濃郁嘅蛋汁，好夾好滿足，仲有佢地嘅配菜都好好味，因為吸收曬壽喜燒湯汁同牛肉嘅精華濃得黎唔會太甜！