Video
Read full review
2020-06-14
757 views
鐵板燒向來係我心頭好，不但食物質素高，廚師係面前好有功架地處理食材亦好賞心悅目。之前通常食銅鑼灣的和三昧，今次嘗試另一間老牌鐵板燒店，都係位於銅鑼灣的「鉄人旨花」。店鋪分開兩部分，入門口第一眼見到的就係食omakase的廚師發辦區，再入就有三個呈半圓形的鐵板燒區。地方樓底唔高，而且始終有點歴史，環境有點古舊焗促，同有開揚景觀的和三昧係冇得比。所以還是將重點放回食物質素上。晚市基本上有三種set㨂（全部二人分量計），餐點大致9成相同，只係主菜有分別，可以選伊勢海老（龍蝦）、鱈場蟹或者象拔蚌，我的首選當然係龍蝦。正式煮之前，廚師會畀食材你先過目同影相。先上的係沙律，蔬菜好清新爽口，配上醋非常醒胃。之後就端上汁煮白鱈魚，魚肉好厚身，但煎得剛剛好，肉質軟滑唔老，魚皮另外處理，煎得好似薯片咁脆。始終鱈魚味淡，廚師將佢配上濃味的味醂醬油汁就係絕配，墊底的洋蔥吸滿醬汁更係精華所在。然後就處理龍蝦，廚師快速地將龍蝦起肉煎焗，一隻龍蝦每人可以分到三至四件。一咬之下，佢唔似中式酒樓食到果種厚實質感，而係嫩滑彈牙，一問之下竟然係本地龍蝦，非常高質。龍蝦本身已有鹽同胡椒調味，淨食已經好味，配埋海膽醬汁更提升鮮
店鋪分開兩部分，入門口第一眼見到的就係食omakase的廚師發辦區，再入就有三個呈半圓形的鐵板燒區。地方樓底唔高，而且始終有點歴史，環境有點古舊焗促，同有開揚景觀的和三昧係冇得比。
所以還是將重點放回食物質素上。晚市基本上有三種set㨂（全部二人分量計），餐點大致9成相同，只係主菜有分別，可以選伊勢海老（龍蝦）、鱈場蟹或者象拔蚌，我的首選當然係龍蝦。
正式煮之前，廚師會畀食材你先過目同影相。先上的係沙律，蔬菜好清新爽口，配上醋非常醒胃。之後就端上汁煮白鱈魚，魚肉好厚身，但煎得剛剛好，肉質軟滑唔老，魚皮另外處理，煎得好似薯片咁脆。始終鱈魚味淡，廚師將佢配上濃味的味醂醬油汁就係絕配，墊底的洋蔥吸滿醬汁更係精華所在。
然後就處理龍蝦，廚師快速地將龍蝦起肉煎焗，一隻龍蝦每人可以分到三至四件。一咬之下，佢唔似中式酒樓食到果種厚實質感，而係嫩滑彈牙，一問之下竟然係本地龍蝦，非常高質。龍蝦本身已有鹽同胡椒調味，淨食已經好味，配埋海膽醬汁更提升鮮味。
季節料理係奶油煮蔬菜，有椰菜仔同蘆筍，爽脆清甜，同時為味蕾清新一下。
再來就係我期待的熊本A5和牛，㨂左5成熟，每人大約有4件。外面煎得微脆，裡面好軟腍，有牛肉味得來又有油脂甘香，所以簡單配碟上少少鹽同胡椒粉已經足夠。想口感豐富點，夾埋脆蒜片一齊食就完美。碟邊的配菜不論係茄子、南瓜或蘑菇都好好食，不可錯過。
跟住就係我最欣賞的表演環節：炒飯。可以選鵝肝、和牛或者蔬菜，我最喜歡鵝肝當然㨂佢。鵝肝本身味濃，但切碎左混埋落飯裡面又出奇地唔搶味，加埋蛋、蔬菜粒、蔥粒，簡單美味。
之後再上清酒雞湯的時候，我已經有十成飽，但都頂埋佢。雖然話係雞湯，但完全飲唔出，只感覺似水加左酒落去，而三片白灼帶子質感亦怪怪的，係咪因爲我太飽的關係呢？
最後的甜品可以選雪糕或者日本直送蜜瓜，我選的係芝麻雪糕，芝麻味道濃香，頗不俗。
來個小總結，如果同和三昧相比，和三昧烹煮方式較簡單，通常用鹽、胡椒調味，呢度鍾意玩醬汁，各有千秋啦，不過我就會覺得只要食材質素高，就越簡單越好，但呢度普遍都滿意嘅，除左最後的雞湯之外。
Post
