鉄人旨花

Open Now

Now Closed

朋友圈裡都是蟹Post所以 今天 在下決定吃全蟹宴來滿足一下自己的慾望哇哈哈 我也有蟹吃 🦀然後就可以自我感覺良好地榮耀一下 🤣先點支洒啊啊 沒見過這支耶就他吧果香味很重 幸好不甜不然就不知道該怎麼辦了720話雖細支但當遇上不合口味時或許也應該有點難度然後師傅很識做地送了一客鱈魚乾給我們送洒香香脆脆的好讓我們多喝幾杯在被燒之前為他們拍一張遺照親愛的帝王蟹你很快會跟在下溶為一體了 😋開胃沙律就先別說吃大大塊蟹肉看見就已覺得興奮感觀大加分然後來一顆燒帆立貝厚厚大大粒還有口中爆汁的三文魚籽仔仔然後就是我們要求師傅燒的幾片蒜片那麼大片不吃怎對得起自己再來把蟹蟹的腳一隻一隻吃掉 😆鐵板完"四肢“就吃燒身體香味不一樣的耶開心一蟹多食 😍也沒想到只吃蟹肉也是滿飽的。。坐了一下 中場休息然後就是在下最期待的炒飯好飽。。。。😅🤣🤣最後必須要一碗熱辣辣的湯才能舒服又是蟹。。。看到這個月都不想吃蟹了 😂滿足滿足帶著大大的肚子離去。。。

食物品質不錯，廚師亦願意為你詳盡介紹，食乜嘢，有咩醬汁，都可以面對面對一齊研究前菜擺盤不錯，食物主要以清新感覺為主。很開胃。配合酒水，確實不錯。主菜選擇了鮑魚，看到一隻活的鮑魚，在你面前成佳餚。 食感:質地軟滑，咬落柔軟帶點爽脆，鮮味是有的，而且醬汁特別，應該是經過一番條配，我覺得可以一試除了套餐，亦有散叫點了刺身拼盤。食感：刀法還可，比平時的細件，啱啱好係一啖嘅份量。老實說，鮮味不明顯，但係如果你為咗食下刺身過吓癮，都叫做一種選擇。

知道女朋友鍾意食蟹，一心Book檯嚟呢度食帝王蟹鐵板燒，當然有期待啦，結果係覺得不過不失，或者係嘴刁，有幾樣都覺得係失望囉！先講服務，侍應非常貼心，見我拎住一袋二袋，馬上提供籐籃畀我放袋，仲幫我放落櫈底，呢樣嘢我係覺得係加分嘅，通常啲餐廳就算有呢個服務，都係畀個籃你自己搞，而且每度菜送上嚟都非常有耐心同禮貌咁介紹，同埋不停巡檯睇睇客人要唔要添茶，提醒客人出入洗手間必須要戴口罩等等，但最窩心嘅係，知道宜家食飯都係手機食先，侍應非常醒目問我哋需唔需要同食物一齊影相，仲問需唔需要美顏或者開人像模式影有景深效果，真係抵讚嘅！講番食物，一開始會成隻帝王蟹攞出嚟畀客人睇睇，影完相，就話畀客人聽，會攞去劏好，分件出嚟，第一度前菜，海蝦芝麻醬豆腐，由於女朋友對蝦敏感，最後都係益咗我五臟廟，我就覺得呢味前菜一般，第一，隻蝦本身冇鮮味，似係冰鮮貨，個芝麻醬豆腐又唔太滑，啲芝麻醬就咁淋上豆腐度，我就覺得麻麻哋，跟住上蟹肉沙律，蟹肉係可以，沙律菜加咗啲醬汁都ok，整體不過不失啦，做到應有嘅水準嘅！跟住嚟個蟹上髀天婦羅，我認為天婦羅冇問題，但個醬汁出事，因為個蛋黃醬加咗忌廉同果肉打成，我認為太creamy同過甜

今天我與男朋友相約共聚晚餐，一向是美食達人的他，說要帶我到一間高級的日本鐵板燒店品嚐一番，聽著他的描述評價甚高，我也迫不及待想一嚐究竟。從朋友口中得知，餐廳主要一半是廚師發板，一半則是鐵板燒，而且名氣頗大。餐廳內裏裝潢高端貴氣，寬闊舒適，分別有壽司吧枱和呈現半圓的鐵板燒座位提供給顧客，配上各種植物、櫻花作擺設，整體富有日本風味。我們點選了伊勢海老鐵板燒套餐，職員會先把所有原材料擺放於枱面供客人拍照打卡，愛拍照的人士絕對不可錯過。中島屋 • 無濾過吟釀其色澤透明清澈，飲用口感濃厚強烈，清爽辛口，米香濃郁，同時帶有微微的水果香甜，味道清新，配搭海鮮飲用最適合不過。沙律沙律分別由沙律菜、蕃茄、藜麥等製作而成，入口鮮嫩清甜，爽脆可口，淋上柚子醋進食，味道甜甜酸酸的，感覺清新開胃。汁煮白鱈魚師傅把鱈魚魚皮和魚肉分開擺碟，賣相精美吸引，兩者均煎至色澤金黃，魚皮入口香酥脆口，魚肉內層雪白且片片分明，口感細嫩甜滑，入口即化，在口腔中緩緩散發著魚香。海膽汁煮龍蝦龍蝦肉口感肥美緊實，爽口彈牙，味道甘甜滑嫩，鮮味十足，配搭上海膽汁作調味，獨特濃郁的味道使菜式增添一份豐腴鮮美。季節料理季節料理是香煎帆立貝，其

放寬夜~ 全晚餐廳得4枱，但亦代表唔洗同其他客人share師傅我地叫咗個鮑魚set🤤前菜，好refreshing 洛神花雪莉梳打煎爐魚，好好食啊。但皮好夠脆每人有2隻鮑魚，有少少偏un。側面個醬好食🤤🤤 忌廉雜菜絕不馬虎，有Brüssel sprouts& asparagus 熊本牛，要咗5成熟，但偏肥。食2夠就覺得夠了。牛肉炒飯，正 帶子雞湯，好有日本嘅味道啊整體:🤤🤤🤤🤤 海鮮類比較出色，個牛有進步空間。

序: 平時對食物,環境冇要求既人 今次竟然會寫食評?話說想同朋友食翻次omakase 咁就打開openrice 搵間高分既餐廳黎試試 9月3 下就就打去book位19:30，第1次侍應問我地想坐鐵板位定壽司位，咁當下我唔firm坐邊邊位，當下就是但答左2個位，但為左免誤會，即時再打一次去講要食omakase。到9月4 1930 我朋友到左先，操內地口音既女店員(A女)就問我朋友要坐鐵板定壽司位，就答omakase，然而對方話鐵板/壽司都有omakase。當我到達果陣A男同樣問我地想坐鐵板/壽司位, 我地猶疑左一下，心諗未食過鐵板omakase ，就試下啦，想提醒廚師朋友唔食鵝肝，點知A女俾menu我地叫我地叫套餐，一輪痛苦溝通，先知個店員根本亂答我地，鐵板燒係無omakase，最後坐番壽司個邊，但已經full咁濟，多謝店員，扔左我地坐bar台冷位對住堆酒樽。說好的對住師傅呢...?千幾蚊位仲要係廚房隔離無冷氣吹既位。算！冇曬位都冇辦法啦！坐低後A男都好熱心同我地講 因為人多所以食物會出得比較慢. 咁我都覺得冇問題, 食得omakase 就要花時間。係我認知下食omakase 師傅都會同

當日男朋友生日，所以早一日就book了呢間餐廳，原本想食Omakase，但最尾見到🦀的二人鐵板套餐，所以就決定了。但坐在廚師面前食的座位剛好給人坐哂，所以要等大約10分鐘，期間侍應有禮的態度希望我們能再等多一會，因為正有一枱埋單中。終於到我地啦！一坐下來，等一會兒就已經有頭盤，幾新鮮，芥末汁帶出鮮味，食落幾fresh。到第二道菜，之前有去過其他餐廳食呢一道菜，魚皮應該要煎得卜卜脆，但呢間我食落『脆』『淋』中間，所以有點失望，洋蔥湯不錯，不算太咸。第三道菜主角出場啦，肉汁夠多，但我認為略帶熟，未點汁之前，肉未夠鮮甜，但再點汁汁帶芥末香味，才能夠帶出蟹肉的鮮味。第四道菜沒有什麼特別，菜一碟😂第五道菜A5和牛我要求三成熟，入口即熔，但未有太多牛的香味。第六道菜，蟹膏炒飯，當時我已經飽得7788，所以對這個飯未有太大期望，似普通一個炒飯，吾夠鑊氣。第七道菜，最尾一道菜，柚子雪葩，味道幾fresh，食晒好解胃口。總括而言，$1200一個人我認為每都道菜也有更大的進步空間。

朋友六月生日，我選定了這家鐵板燒去慶祝一下😋食物質素相當不錯，服務更是大加分👍🏻侍應態度相當友善、服務細心！👉🏻食物: 4.8/5點了龍蝦鐵板燒套餐，接下來會逐一介紹每道菜式😋▪️汁煮白鱈魚師傅先將魚皮切岀煎香，煎得非常香脆🤤入口像薯片般！魚肉外層亦煎得香脆，中間肉質嫩滑，魚肉新鮮沒腥味👍🏻 唯一要挑剔是魚肉如多加少許鹽，會更惹味👍🏻底層洋蔥汁比較淡，洋蔥煮得香甜軟腍😋配合魚肉剛好，不會喧賓奪主。這道作為第一道主菜非常合適👍🏻▪️龍蝦配海膽汁龍蝦就當然新鮮，上鐵板時還活生生🙈師傅在我們眼前慢慢先連殼煎、再拆肉、切粒炒香。龍蝦肉新鮮彈牙👍🏻不過最驚艷是伴碟的海膽汁，非常鮮味，沾上後龍蝦更為惹味🤤個人更偏好另一間鐵板燒餐廳和三昧的煮法，直接將龍蝦肉和海膽汁一併炒，會更入味、香口😋▪️熊本縣產A5和王牛一入口牛香、油香、嫩滑度都已滿分🤤 是我今年吃過最美味、最滿意的牛肉👍🏻不愧是和牛🥰 可沾芥末、鹽或配蒜片吃，個人最推介鹽，高質牛肉就要嚐到其原味。蒜片是大加分位，超高質素😋。蒜片做得不好會容易太薄太軟，或過焦有苦味，這裡的蒜片完全沒有上述問題👍🏻入口口感、厚度、脆度均如

好耐之前已經聽過「鐵人旨花」終於有緣一試，今次沒有作太多選擇，已經定了龍蝦和牛二人餐，初初以為咁嘅價錢，應該唔會太多食客，但原來好多人都鍾意食，所以店內都已經Full Booking。第一道菜係沙律，之後係等待期間送上鱈魚條，香口美味，廚師開始做汁煮鱈魚，細心又快手，保留魚肉嘅嫩滑，魚皮嘅香脆，汁煮的洋蔥充滿濃濃牛油香味，好食。到了主角龍蝦出場，放上火熱嘅鐵板，顏色漸漸轉紅，香味漸漸傳出來，大廚好快起肉上碟，配上海膽汁，再加上小玫瑰花伴碟，色香味俱全。一浪接一浪，之後期待已久嘅和牛，見到雪花紋，已經知道肉質上乘，再經過大廚的烹調，少少海鹽已經鮮味無窮，我不喜歡入口即溶的肉，沒有了食肉的感覺，反而這裡的和牛有口感，肉味香濃，無得輸。接著和牛炒飯和甜品雪糕都沒有令人失望。但最失望是，剛剛食完甜品，服務員已經遞上收據要埋單，我們沒有叫埋單，感覺很不舒服，記得他們沒有說限時，為何迫客人埋單離開？這一餐是$2600的2位套餐，不是連鎖快餐店，可以給客人一點點空間嗎？

本身諗住慶祝女朋友生日揀間貴少少既餐廳就去鐵人旨花啦因為搜尋廚師發板 第一間就係佢有成千個好評 十幾個負評咁對呢餐好有期望Book 左8:30 去到要等成三個字比成3千蚊食餐飯都要等入到去點左南非鮑魚鐵板燒頭盤沙津正常雪魚 入口少少腥和牛正常和牛炒飯淡而無味 落唔夠鹽個帶子湯 清酒未煮夠 唔好飲正常炒飯有得揀和牛 鵝肝但廚師無問同埋廚師 期間係咁將d用具擲黎擲去用完d碗一野飛走佢 勁大聲又同侍應講粗口顧客聽到都覺得你唔專業最後去到甜品本來話會送一個生日甜品點知係將個餐既二人甜品升級做一個蛋糕仔個蛋糕極難食完全相信呢間野係買like又坐得迫一張鐵板台坐8個人一定唔會再黎

啱啱同事升職約咗嚟呢間食鐵板燒，好彩book到位，佢晏晝有唔同嘅set我哋揀咗個有和牛🤣因為食老細餐廳環境都舒服，帶子好厚身，刺身都好新鮮。黃牛博燒仲係要用熊本A5和牛🤤最後我哋食咗個半鐘先走

鐵板燒向來係我心頭好，不但食物質素高，廚師係面前好有功架地處理食材亦好賞心悅目。之前通常食銅鑼灣的和三昧，今次嘗試另一間老牌鐵板燒店，都係位於銅鑼灣的「鉄人旨花」。店鋪分開兩部分，入門口第一眼見到的就係食omakase的廚師發辦區，再入就有三個呈半圓形的鐵板燒區。地方樓底唔高，而且始終有點歴史，環境有點古舊焗促，同有開揚景觀的和三昧係冇得比。所以還是將重點放回食物質素上。晚市基本上有三種set㨂（全部二人分量計），餐點大致9成相同，只係主菜有分別，可以選伊勢海老（龍蝦）、鱈場蟹或者象拔蚌，我的首選當然係龍蝦。正式煮之前，廚師會畀食材你先過目同影相。先上的係沙律，蔬菜好清新爽口，配上醋非常醒胃。之後就端上汁煮白鱈魚，魚肉好厚身，但煎得剛剛好，肉質軟滑唔老，魚皮另外處理，煎得好似薯片咁脆。始終鱈魚味淡，廚師將佢配上濃味的味醂醬油汁就係絕配，墊底的洋蔥吸滿醬汁更係精華所在。然後就處理龍蝦，廚師快速地將龍蝦起肉煎焗，一隻龍蝦每人可以分到三至四件。一咬之下，佢唔似中式酒樓食到果種厚實質感，而係嫩滑彈牙，一問之下竟然係本地龍蝦，非常高質。龍蝦本身已有鹽同胡椒調味，淨食已經好味，配埋海膽醬汁更提升鮮

呢間日式餐廳喺銅鑼灣開業都好一段日子，以廚師發版👨🏼‍🍳嘅鐵板燒🍢聞名，不過由於一餐價錢都唔平，所以阿叔👨🏾一直以嚟都未試過。不過原來除咗鐵板燒外，呢度嘅壽司🍣、魚生飯一樣咁出色，而且下晝嚟食，價錢都只不過係由$98至$218，非常超值！今次阿叔家姐相約，終於可以嚟試下喇！.呢度一邊大枱食鐵板燒🔥，一邊sushi bar食壽司🍣、魚生飯，坐位唔算好多，嚟之前最好要訂位。家姐同我都係魚生控，所以今次嚟先食魚生飯。#三色丼 ($118)，一碗有齊三文魚籽、吞拿魚蓉同海膽，魚籽粒粒非常飽滿，晶瑩剔透，咸香又帶少少甜😋；吞拿魚蓉就口感軟嫩，味道鮮甜；至於橙黃色嘅海膽，入口即溶，新鮮甘甜，實屬阿叔至愛😍。.呢個丼飯餐亦包括沙律🥗、茶豌蒸🥚、味噌湯🥣同甜品🍨，呢個價錢就算加埋一，都真係超值！

🔻特上壽司盛 ($218)呢個壽司盛一共有12件壽司 即叫即切同整 件件都好新鮮.🔻黑松露火灸魚生丼 ($198)黑松露好香 配上燒得金黃的魚生刺身 好香口好好食 推介👍🏻.全部lunch menu都配有沙律+茶碗蒸+面鼓湯+甜品 一直想試呢間餐廳好耐 果然無令我失望😊

一個愉快的晚上，同好朋友食生日飯我最錫我的好姊妹，於是簡左呢間出名的鐵板燒，入到去，簡左一個$2千幾兩人食的鮑魚套餐手掌咁大隻鮑魚，師傅話係南非鮑魚前菜沙律🥗牛舌係我地額外加的呢個就係鮑魚整出黎的效果配上隔離白色的沙律汁好好味燒蝦好正師傅整緊鵝肝師傅做緊帶子湯好好飲呀！即製又鮮甜和牛粒粒食到呢個部分我己經好飽了本身仲有炒飯，我同師傅講，唔好炒啦我直接食左甜品就算啦其實我地三人食，就叫左二人餐再加左蝦，牛舌，埋單$3600 如果你想同另一半食返餐好既呢一間係最好選擇