1153
23
18
2-min walk from Exit C, Causeway Bay MTR Station continue reading
Telephone
28928819
Introduction
Japan's high class Teppanyaki restaurant with grill steak and seafood. You can watch the chef's grilling performance after your ordering. continue reading
Opening Hours
Today
12:00 - 14:30
18:00 - 22:00
Mon - Sun
12:00 - 14:30
18:00 - 22:00
Payment Methods
Visa Master AlipayHK Cash AE UnionPay JCB Apple Pay Google Pay WeChat Pay
Number of Seats
80
Other Info
Alcoholic Drinks
May Bring Your Own Wine Details
Cake-cutting Details
10% Service Charge
Above information is for reference only. Please check details with the restaurant.
Review (1223)
Level4 2022-08-09
170 views
餐廳分做兩部分,一邊為Omakase,另一邊為鐵板燒。.今次揀咗Omakase,食材不但新鮮當造,更見師傅用心製作出較特別配搭,高質及誠意滿分之餘,亦好有驚喜,絕對值得推介👍🏻.🇯🇵【旨花 廚師發辦】($1800/ 位).🌟沖繩水雲配土佐醋味道清新帶酸,口感滑順,既開胃又適合炎夏😌.🌟長崎縣尾長鯛經過二日熟成,肉質清爽厚實有彈性,魚皮口感則煙韌有嚼勁😌.🌟三重縣赤貝師傅建議將花瓣及醬汁撈埋一齊食,口感帶微微花香,自家製醬汁更顯赤貝鮮甜😌.🌟熊本車海老配白海膽· 青森辣海螺蕃茄車海老彈牙厚實,海膽甘甜,而蕃茄嘅清甜則可解海螺嘅微辣,整體清新又唔會太濃味,有心思嘅排序😌.🌟北海道吉烈活帶子 一成熟嘅吉烈帶子更能帶出帶子本身嘅鮮甜,而紫菜令口感更有層次且降低油膩感😌.🌟鳥取縣沙甸魚軍艦內裏有芽䓤芝麻,口感好突出,而且入口有化開嘅感覺,令人回味😌.🌟仙凰趾真蠔配自家製蘋果青檸啫喱真蠔肉厚且creamy,海水味適中且蠔味濃,酸甜果香啫喱令口感更新清juicy,而且與真蠔好夾😋.🌟橫須賀手釣太刀魚肉質肥美且魚香十足,仲要係手釣野生捕獲,非常滿足😌.🌟燒吞拿魚腹膜·水母刺身配柚子醋初嘗燒吞拿魚腹膜,口感好得意,魚香及魚油都幾豐富;水母刺身口感爽脆偏淡,配埋柚子醋入口清新😌.🌟岩手縣石垣鯛食落爽身帶點清甜,肉質細膩,好食😋.🌟海膽松葉蟹肉配梅子啫喱海量嘅海膽與松葉蟹已係絕配,而梅子啫喱更能帶出兩者鮮甜,絕對錦上添花😋.🌟拖羅經九日熟成後,肉質肥美細滑,入口即溶,好掂👍🏻.🌟海膽拖羅紫菜天婦羅漢堡份量多得誇張嘅巨型海膽拖羅漢堡,每一啖都係滿滿海膽,真係超級滿足😍就連其他食客都好讚歎👍🏻.🌟香川縣手釣池魚野釣已令整體感覺加分,肉質爽口鮮甜,又帶微微油香,當造果然與別不同。.🌟自家燒手釣活鰻魚紫菜包住大大件鰻魚,相對普遍燒鰻魚油香更出,肉質更彈牙,而且更少了過多嘅醬油味,反而多咗一份純天然魚味,絕對想encore😋.🌟北海道根室喜之次魚湯魚湯極為濃郁,感覺好似將先前食過所有魚嘅精華回味一次,加上喜之次非常鮮美且油脂豐富,於魚湯襯托下,令喜之次更為突出😌.🌟芝麻雪糕/ 日本蜜瓜甜品可揀雪糕或生果,芝麻雪糕奶味及芝麻味香濃且幼滑,而日本蜜瓜則香甜多汁😋 continue reading
(The above review is the personal opinion of a user which does not represent OpenRice's point of view.)
早前去咗🌸鉄人旨花食鐵板燒,咁多年來一直都維持到高水準👍🏻💕今次我試左龍蝦鐵板燒2人餐$2380,真係CP值好高,套餐包括左3款主食,分別係龍蝦🦞、白鱈魚🐟、熊本產A5黑毛和牛,食材新鮮高質美味💕👍🏻坐喺吧台可以睇住師傅整野食,真係好正😍食得好飽好滿足😊前菜 ❥沙律🥗 及 冰震鮑魚✨主菜:❥白鱈魚睇住師傅煎香白鱈魚🐟,白鱈魚好滑而且好厚身,魚皮煎到脆卜卜好正💓❥龍蝦🦞上台既時嘅隻龍蝦🦞已經切開左,但仲會郁郁下,好新鮮✨✨師傅慢慢煎香,醬汁用龍蝦汁同埋海膽醬,肉質彈牙爽滑,碟上面碗上紫色嘅食用花,可以食用,好清新🌿❥日本乾花姑用蒜蓉炒,非常惹味✨😍❥ 熊本產A5黑毛和牛見到塊和牛扒已經好想食,係來自熊本縣既頂級品種和牛,師傅介紹用咗西冷部位,肉質軟嫩,和牛牛肉用紅酒汁煮,每一口都充滿油花可用喜馬拉雅山粉紅鹽、芥末做調味❥ 金黃炒飯炒得金黃色好乾身,配料有瑤柱、蔥花每一啖都勁香口❥雞湯配上靈芝菇同海蝦,味道清甜❥甜品係浩然師傅枱獨有既紅豆銅鑼燒,即刻整黎送比我地品嚐,真係好好味😋日本靜岡蜜瓜 🍈+ 芝麻雪糕🍨 continue reading
(The above review is the personal opinion of a user which does not represent OpenRice's point of view.)
Level4 2022-07-24
1068 views
✨龍蝦鐵板燒二人前 有九道菜 相當豐富前菜✨酒浸日本鮑魚鮑魚軟腍彈牙 酒味清香 味道帶微甜 沙律✨藜麥秋葵沙律秋葵同沙律菜新鮮爽脆 味道酸甜 清新開胃✨汁煮白鱈魚鱈魚 魚片煎得香脆 肉質嫩滑配上 新鮮洋蔥特製嘅醬汁 味道清甜 整體唔錯✨法國鵝肝睇menu時好想食 所以額外加點師傅喺擺盤上好花心思 賣相好精緻鵝肝 大大件 煎得外脆肉軟 滿滿油香 多士 好香脆 帶牛油香 連埋黑醋汁一齊食 邪惡到極😈✨龍蝦配海膽汁龍蝦 好新鮮 好大隻師傅一路煮 睇住佢郁下郁下🙈龍蝦 味道鮮甜 肉質爽彈 配埋 龍蝦海膽汁 好惹味✨大虎蝦食完龍蝦 我地意猶未盡所以再加點一份大虎蝦虎蝦好大隻 蝦肉爽口結實 味道鮮味 味道香濃惹味季節料理✨蒜蓉炒花菇 花菇用上日本天白菇大隻又厚肉 口感軟腍 入味 味道偏重 帶濃濃蒜香味 ✨熊本縣產A5和王牛和牛 油花好靚 表面煎得微脆肉質鮮嫩 肉汁豐富 帶滿滿油脂甘香另外可以選擇唔同調味配搭食法包括紅酒車厘子汁 岩鹽 山葵 炸蒜片等食完真係幸福感滿滿😋✨炒飯用上日本米 粒粒飽滿加埋配料雞蛋 瑤柱絲 蒜粒炒得夠乾身 幾惹味✨雞湯味道清甜 裏面仲有啲菇菌同蝦球甜品✨日本蜜瓜可以選擇蜜瓜或雪糕 我地揀左前者 蜜瓜香甜多汁 為呢餐劃上完美嘅句號食物唔錯 賣相擺盤好精緻 可以一邊睇住師傅處理食材 一邊享用美食 真係一件賞心樂事 環境唔錯 坐得舒適 餐廳分左兩區 一邊係鐵板燒 另一邊係Omakase如果想私隱度高啲 仲可以私人包廂服務態度唔錯 價錢可以 可以一試 continue reading
(The above review is the personal opinion of a user which does not represent OpenRice's point of view.)
Happy friday 梗係要食好啲啦!😎 朋友一早bookmark左哩間鐵板燒 ,所以今次我地就黎happy下🥰  餐廳環境寬敞舒適,裝修走日系路線 🎏 仲有間VIP廂房添!套餐有好幾款選擇,令我地心大心細😝 見到師傅煮緊龍蝦好正咁!🦞可惜太遲嚟到冇晒龍蝦了,最後揀咗南非鮑魚餐二人餐 ($2380/set)🌊🎏🎏【前菜+沙律】🥢🥢📍藜麥秋葵沙律組合非常健康嘅沙律🥗 新鮮爽脆配上酸汁中微微Wasabi 味,幾醒胃📍酒浸日本干鮑魚鮑魚仔軟冧得黎有咬口,帶着花雕酒香味🥃 同時食到間唔中爆開嘅芝麻香味🎏🎏【鐵板燒】👨🏻‍🍳👨🏻‍🍳📍汁煮白鱈魚 Toothfish with sweet soy sauce開始睇師傅哥哥嘅鐵板燒表演~ 鱈魚煎到外脆內軟,配搭秘製洋蔥汁🧅好好味~ 另外我最鍾意係煎到香香脆脆嘅魚皮😍 黎多兩片都得呀📍南非活鮑魚Fresh South African Abalone主角來了!二人餐用上三隻生猛南非鮑魚,原隻鮮活鐵板燒,師傅表演刀功🔪!轉眼已經切好一片片上枱👍🏻 鮑魚爽口彈牙,鮮甜又唔會過硬!配忌廉香草醬,有淡淡海草海水味😌 師傅好有心機嘅擺盤,為菜式加分🥰📍 醬炒花菇🍄季節料理係日本天白乾花菇,軟腍入味☺️📍熊本縣產 A5 和牛Kumamoto's A5 Wagyu師傅會先詢問我地想食嘅熟度,我地同師傅諗法一致,覺得熟d比較香口~ 和牛煎得外脆內軟,油香好香,仲有入口即化既口感!😍師傅介紹有幾種食法, 可以點Wasabi、海鹽、或者加自家製紅酒汁,另外仲有炸蒜片可以調味!以上幾種食法我覺得都唔錯,我自己最鍾意Wasabi加海鹽😎,微微中和和牛嘅油脂!另外值得一提係個番薯超好食,好似燴番薯🍠咁📍炒飯⚔️雞湯 🍚幾鍾意呢種炒飯嘅質地,乾身唔會加太多醬汁去炒 🥰口感煙煙韌韌,香噴噴。同場仲有濃郁雞湯,配有靈芝菇同海蝦,味道一流~!🎏🎏【甜品】有好幾款選擇, 我地選擇係香甜嘅靜崗密瓜,以及豆腐雪糕, 為哩餐收個靚尾🥰師傅同時處理兩枱食材,技巧同時間控制得心應手!我地睇得好開心呢😊 另外餐廳仲有長bar枱食omakase, 都令人期待呢! continue reading
(The above review is the personal opinion of a user which does not represent OpenRice's point of view.)
Level4 2022-07-11
937 views
我地今日終於去咗食鐵板燒,感動。龍蝦鐵板燒 $2380+10%Fresh Lobster Set For 2除咗龍蝦,仲有鮑魚同其他海鮮揀。見到師傅喺擺盤方面都好有心思,擺得好靚、一絲不苟。前菜Appetizer酒浸日本乾鮑仔。師傅話用咗花雕酒,食落好入味同埋好有咬勁。沙律Salad呢個沙律有秋葵同藜麥,加埋Wasabi好特別,開胃!汁煮白鱈魚Tootifish with Sweet Soy Sauce師傅將魚肉同皮分開燒,魚嘅肉好嫩滑,魚皮好香脆。個底係師傅燒嘅洋蔥汁,同魚味好夾。仲加咗牛油同埋黑椒,味道更加豐富。啲花食得!龍蝦配海膽汁Lobster with Sea Urchin Sauce一開始見到師傅試味,睇得出佢好認真。龍蝦好新鮮,仲見到佢郁咗幾下。肉質新鮮爽口,最後加埋龍蝦膏海膽汁食,仲有紫蘇花添,豐盛。季節料理Seasonal Dish蒜蓉炒日本天白乾花菇,本身係乾嘅菇嚟浸開咗。軟腍入味,又多汁。熊本縣產 A5 和牛Kumamoto's A5 Wagyu粉紅色嘅和牛好靚!我哋叫師傅決定幾成熟(因為諗唔到),最後外脆內軟,掌握得好好。有幾種食法,首先係加岩鹽黑椒食、跟住係點自家製嘅車厘子紅酒汁、最後係加上Wasabi同蒜片再點柚子酸汁。咁多種我最鍾意係岩鹽黑椒,less is more肉味更加突出。有羽衣甘藍同番薯作為配菜,個番薯超好食,好甜!炒飯(日本產米)Fried Rice睇師傅炒嗰陣覺得好少,原來都有兩大碗!蛋味濃郁,有啲胡椒成個飯都好香,色香味俱全。仲可以加上菠菜漬物。雞湯Chicken Soup自家熬製兩至三個鐘,有好香嘅雞味。仲有啲香菇同蝦添。甜品Dessert甜品可以揀日本蜜瓜,或者雪糕(柚子、豆腐、抹茶)。有錢朋友話呢排食太多日本蜜瓜,所以食雪糕。柚子味酸酸地,豆腐味有啲脆脆,好解膩。 continue reading
(The above review is the personal opinion of a user which does not represent OpenRice's point of view.)