浜滝

呢間位於九龍城既日式小店，入面好得意，裝修富有日式風味，而且多以高檯高椅為主。我哋叫咗豚骨拉麵，拉麵湯底唔會好鹹，而且味道剛剛好。一嚟到佢有個熱石放埋入拉麵入面，做出個熱辣辣冒晒煙嘅感覺。糖心蛋都整得恰到好處，個拉麵我覺得幾好食，只係塊叉燒我就覺得老左少。石鍋鰻魚飯又係熱辣辣，鰻魚份量都幾多，而且石鍋飯夠熱，撈埋一齊食好食。小食叫咗炸忌廉薯餅，炸得好香脆，入邊啲忌廉薯餅溶到流出嚟，呢個吉列炸法炸得好香脆，一定要趁熱食就唔會太油。鐵板燒牛舌夠爽，一向我都好鍾意食牛舌，佢仲可以配埋檸檬汁。叫咗一串雞軟骨串，鍾意食雞軟骨串因為有咬口，正。餐廳價錢合理，而且食物質素幾好，推介！