389
25
28
All Branches (1)
Telephone
23865055
Introduction
Hamataki is a Japanese style izakaya which mostly provides hot stone noodles and Japanese snacks. You can reunion with your friends there with beer. continue reading
Opening Hours
Today
12:00 - 23:45
Mon - Sun
12:00 - 23:45
Public Holiday
12:00 - 23:45
Public Holiday Eve
12:00 - 23:45
Payment Methods
Visa Master AlipayHK Alipay Cash AE UnionPay
Number of Seats
38
Other Info
Online Reservation
Wi-Fi
Open Till Late
Alcoholic Drinks
Reward Dining Points
TV Broadcast
Spot payment
About Reward Scheme
Review (464)
Level4 2021-04-16
39 views
浜滝係九龍城一間人氣居酒屋,佢午市主要食拉麵,所以之前都有同同事黎食過,佢地嘅拉麵全部都放左粒熱石喺入面以幫助拉麵保溫,貼心得黎味道亦唔錯,一直都想試埋佢拉麵以外嘅佐酒小物,趁Happy Friday就約同事黎試下。浜滝店面唔大,但入面就掛滿好多日本風旗幟,冇得去日本都可以發下夢。凍柚子蜜($25/杯) - 我地醉翁之意不在酒,所以就每人點左杯凍柚子蜜,雖然都係現成柚子醬開出黎,不過出面居酒屋一杯無酒精飲品平極都講緊三四十蚊,哩杯凍柚子蜜算係非常抵飲,而且柚子甜味都好夠。近江牛沙律($118) - 以前香港人對於日本和牛嘅認知一般都只係停留喺神戶牛,自從而家多左香港餐廳引入近江牛,都越黎越多香港人認識佢。同得神戶牛一樣並列日本三大和牛之一,近江牛當然都唔平得去邊,所以我地揀左哩碟入門級(價錢)嘅近江牛沙律黎試下。沙律菜中間除左近江牛,仲有車厘茄同櫻花蝦,顏色鮮艷吸引。牛肉份量都唔算少,肉色仲帶少少紅紅地,口感嫩腍又唔會太乾。炸一口芝士($48) - 芝士炸皮好薄好脆,芝士咬落好軟同帶啲半融口感,有啲似笑牛牌芝士咁。雞肉漢堡串($38) - 雞肉串啖啖肉,肉質唔會過乾過鞋,配埋上面甜甜地嘅醬汁同蛋汁,味道唔錯。菠蘿串($28) - 菠蘿燒過好甜又多汁。大阪燒餅($88) - 哩個大阪燒餅上面超多鰹魚碎,燒餅唔會太熟仲有啲濕潤,中間仲落左好多蛋黃醬,每一啖都食倒蛋黃醬同鰹魚碎,超正!伊勢海老二食($588) - 所謂二食就係先食龍蝦肉,再用龍蝦殼整湯飯。海膽半熟龍蝦 - 龍蝦燒到半生熟,肉色仲有少少透透地,食落彈口之餘又保持倒鮮味,上面仲放左大大塊海膽,超滿足呀!龍蝦粥 - 龍蝦粥係每人有一碗,每碗都好大碗又熱辣辣,湯底龍蝦味非常濃郁,入面有好多黃牙白、蘿蔔同本菇,食完已經好飽。總結,價錢雖然唔特別平,不過食物水準的確好高,每一樣都好食,難怪咁多人幫趁,但亦可能太多客,所以上菜都要等耐少少,不過店員都好有禮貌同食客講唔好意思,都叫有誠意。 continue reading
(The above review is the personal opinion of a user which does not represent OpenRice's point of view.)
Level4 2021-04-04
170 views
盡管未能一如以往到處旅遊 亦未能如計劃一般可以每年到日本探訪嚐味放空所以都要計劃一下在地消費 享受一下閒暇浜瀧實在有太多美好回憶 貴為我其中一間經常到訪的餐廳 總有其吸引之處其中一個原因當然係食材用得夠地道其次就係裝修令我有回到東京都感覺東京 未必係我最喜受的日本城巿 但一定係我最有親切感的地方始終係我這個日劇迷的情意結 還有第一次踏足日本的記憶和印象繁華背後帶著無限的可能性 浜瀧有著對食材的執著 自家清酒大吟釀新宿居酒屋的感覺返晒黎 給我一點懷念旅日的時間坐在這裏 我想的是下次的自駕遊 會情歸何處但想還想 要起動了有很多時令食材 總有你喜歡的有喜歡的酒 但只可惜要做司機 酒後切密駕駛好吧 這個是今天我想吃的 伊勢海老「龍蝦」服務員話今天的龍蝦剛從日本空運到港 仲係浸住日本海水架!!!!不容多說 前菜先點一些清新輕食 海葡萄、汁煮左口魚裙邊和芥茉牛油果蝦餅乾沖繩名物 海葡萄 忘不了的藍天白雲 整片天都充斥著海洋的味道我想念那悠然自在的感覺 營養價值高,口感奇爽無比加上柚子醋就有一種天然珍寶的感覺 酸咸爽口 越食越想食還有就是它帶著海洋的咸味 就是新鮮指標\汁煮左口魚裙邊左口魚裙邊的魚油香味 和 那一絲絲的魚肉 再以火炙方式加持下 香味極度誘人 而且熱辣辣配合芥茉一起 惹味香濃 極度喜愛芥茉牛油果蝦餅乾店員極度推介的一款餐前小吃佢話「真係食到停唔到口架」 果然我被制服了 哈哈牛油果的香滑 微微的芥茉味 加上爽口彈牙的蝦肉 櫻花的點綴 究竟是何人創出這個美食?! 最後食到要加餅 都要將佢完全消滅伊勢海老海膽二合海中珍寶的伊勢海老(龍蝦)和海膽 我相信都無人不歡足足有我手臂咁粗既龍蝦 加上 新鮮的肉質和色彩吸引的海膽這個組合令我拍案叫絕 自己整到? no way我自己對龍蝦不是有一種無法抗拒既感覺但當我見到真身後又比佢既肉感和鮮味深深吸引住龍蝦肉半生熟令我可以食到熟既香口彈牙 生的鮮味肉滑每一口都係有層次地在我口中跳動 火炙後的香口更是燒海鮮才有的味道刺激著我每一顆味蕾 而海膽吧 鮮味加甜味 令我著迷 而且大啖大啖食既感覺 令人直呼過癮當我品嚐完龍蝦肉後 蝦龍及蝦款會交由大廚煮成龍蝦粥蝦味好重 極度香濃 如果鍾意龍蝦既人相信會好喜歡色澤極度吸引 而且濃度好高 真係好足料!!!!用上日本米 粒粒都彈牙有口感 而且包滿了龍蝦湯 齒頰留香 我將佢食清光 飽得很滿足一頓令我心靈安慰和滿足肚子的晚飯 容易不容易就在乎你自己的選擇 下次再見 我的在地旅遊 continue reading
(The above review is the personal opinion of a user which does not represent OpenRice's point of view.)
Level4 2021-03-22
317 views
高質日本之旅行過九龍城幾條街,門面已經吸引眼球,一進內好似置身在大板食串燒嗰啲居酒屋,集氛營造出色!小助手day off所以今晚兩個人食好啲,叫番杯啤酒爽一爽。我哋一路食一路叫,不知不覺食咗咁多,食完需要步行一下。人均:$554.4(連加一).伊勢海老燒 $588 😋😋😋😋😋裡面包括半熟龍蝦🦞😍😍海膽和龍蝦粥,先食完龍蝦肉,之後拎佢嘅頭去煲湯/飯,好鮮味,相對龍蝦咸味較重,肉質彈牙,伊勢嘅龍蝦哩個價位,絕對抵食!仲要龍蝦兩食,兩個人叫一個,散叫一些串燒,已經滿足!海膽唔使講,無腥味,少少甜味,到龍蝦湯和飯,香味撲鼻,入口勁濃龍蝦鮮味,份量唔會比少你,可以有兩大碗,龍蝦頭仲可以繼續刮下啲肉,食下佢啲腳,真係好正。坐咁耐,見到每台都叫*.葡萄豬串 $78 😋😋😋😋燒得外皮少少脆,油脂分布平均,肥瘦各一半,認真送啤酒一流!.雞肉漢堡串 $38 😋😋😋😋😋哩個推介🉐!店員介紹廚師自家製造,用雞軟骨和雞肉手打混合而成,每口都配上日本蛋汁,層次昇華....手燒白鰻魚 $128 😋😋😋😋😋推介🉐同menu普通$38嘅鰻魚真係好唔同🤣又緊緻和口感分明!.秘製燒雞 $28 😋😋😋😋同上面已經比下去,都係水準之上。.近江牛舌 $88 😋😋😋店員強調要趁熱食,我哋專心食咗其他,有點冷漠左,配上柚子汁,幾特別和開胃,又可以繼續食多啲。.日本生啤 $60 😋😋😋😋.🉐1. 半熟龍蝦兩食性價比極高必叫2. 如需食海鮮預早訂3. 聽到拉麵專登搵日本師傅,可試。今次太飽試唔到4. 無得去旅行去下日本餐廳安撫下.@hamataki__izakaya continue reading
(The above review is the personal opinion of a user which does not represent OpenRice's point of view.)
Level4 2021-04-13
0 views
💛明太子三文魚石鍋飯($88)明太子沙律醬同三文魚簡直係絕配,三文魚滿滿咁鋪喺成個石鍋飯上面,每啖都可以享受到三文魚嘅美味,而且石鍋飯可以令到個飯keep住個溫度~💛日式燒飯團($48)本來以為食到飯團嘅中心會有餡,點知原來佢嘅餡係分布晒喺成個飯團度,所以其實每咬一啖都已經好有味道㗎啦!而且飯團嘅表面仲燒過,所以最出面嗰浸有淡淡的飯焦香味💛鰻魚串燒($38)串燒燒得好香好吸引,而且鰻魚汁亦都好融入啲鰻魚肉到,只係$38就食到咁大條鰻魚,性價比極高💛大阪燒餅($88)呢個大阪燒嘅餅底唔算好厚,但係就超足料,成個大阪燒上面都充滿着醬汁、柴魚絲同埋紫菜。配料分分鐘仲多過本身個大阪燒!不過食起上嚟嘅時候就要小心啲,因為啲紫菜有機會黐埋晒一齊,咁就唔可以每塊面頭都食到紫菜💛秘製燒雞($28)一份有兩塊,我哋兩個人食就啱啱好,佢嘅炸皮唔算好厚,雞肉亦都好滑💛三文魚刺身($68)三文魚嘅賣相亦都唔錯,雖然未至於有啲冰墊底,不過亦都感受到佢好新鮮,而且份量都比我想像中多💛燒豆腐($48)本來對呢樣嘢冇乜大期望,純粹係因為咁啱想食豆腐而又見到就叫咗。但係估唔到熱辣辣嘅豆腐上面仲有好多柴魚同埋櫻花蝦 continue reading
(The above review is the personal opinion of a user which does not represent OpenRice's point of view.)
Level4 2021-04-08
0 views
是日行過九龍城。之前有朋友向我推介呢間居酒屋,反正又到咗午飯時間,又諗唔到食咩。就入去試吓啦。一入到去已經有個侍應勁熱情咁招呼我。睇咗一輪餐牌之後,決定叫特大青檸梳打,三文魚刺身,浜滝秘制炸雞,岩手活寶蠔,仲有叫咗個必食嘅伊勢海老。首先就係杯特大青檸梳打,真係超級大杯,而且青檸味超出,梳打亦都夠氣。三文魚刺身,食得出係新鮮,而且亦都唔會話有筋。隻蠔超大隻,而且非常鮮甜,基本上唔使加任何醬料,已經食得出蠔嘅鮮味。炸雞完全唔會話食得出有炸粉。而且新鮮炸出嚟非常惹味。最後就係必食嘅一蝦兩食。首先佢會用半熟嘅形式將龍蝦煮熟。配上海膽,味道可以話非常之夾。而且侍應都會教你點食。佢話因為隻龍蝦未完全熟,所以唔建議撩入面啲蝦膏嚟食,而喺稍後嘅時間,當你食完龍蝦嘅肉,廚師就會將隻龍蝦,拎去煲湯或者煲粥。而我就選擇咗將隻龍蝦拎去煲湯。龍蝦湯味道非常濃郁。而且入面有菇,娃娃菜同埋豆腐等配料。可以話非常之豐富。整體來講呢一餐簡直係超晒班,無論係食物嘅質素。定係侍應嘅服務,可以話係一百分。 continue reading
(The above review is the personal opinion of a user which does not represent OpenRice's point of view.)