Video
Read full review
2018-02-13
1144 views
行完飛鵝山，落到彩虹，有啲口痕想食日本野，就睇下附近有冇好食嘅日本菜，搵咗一輪都無乜邊間係岩心水，就決定擴大範圍，最後見到呢間嚮黃大仙嘅和氣食堂，好似唔錯又唔算太貴，就決定試下～北海道芝士炸薯條本身以為呢款薯條應該同麥記嘅薯條差唔多，所以無乜特別期望，諗住當係個Promotion Set附送嘅Bonus小食。點知佢食落幾令人印象深刻，就算攤凍咗一陣都仍然薯味十足，好似甜薯一樣甜甜地。北海道芝士粉好平均咁灑滿嚮每一條薯條嘅表面，帶淡淡嘅芝味，香得嚟唔會霸道，食再多都唔覺口乾，正～雖然味道唔錯，不過如果要我食返原價38蚊，我就會嫌貴。電擊雞翼電擊雞翼，呢個名我諗咗好耐，就算食完之後，都諗唔到雞翼同電擊有咩關係⋯細心啲睇就會發現，佢每「隻」雞翼，其實都係一隻完整嘅雞翼嘅一半。一擺落口嗰刻，真係好驚喜，因為佢係凍架！然後味道就係甜甜地，唔知仲以為自己食緊甜品，的確幾特別同開胃。蒜蓉/芝士燒日本廣島蠔 HKD88/4隻每次去到一間餐廳，如果見到menu上有蠔嘅話，都總會叫返款嚟試下，今次我地點咗芝士同蒜蓉燒蠔。芝士個款雖不及日木宮島嘅咁芝味，不過勝在唔膩，連埋中型size嘅蠔肉食，作為小食係唔錯
北海道芝士炸薯條
本身以為呢款薯條應該同麥記嘅薯條差唔多，所以無乜特別期望，諗住當係個Promotion Set附送嘅Bonus小食。點知佢食落幾令人印象深刻，就算攤凍咗一陣都仍然薯味十足，好似甜薯一樣甜甜地。北海道芝士粉好平均咁灑滿嚮每一條薯條嘅表面，帶淡淡嘅芝味，香得嚟唔會霸道，食再多都唔覺口乾，正～雖然味道唔錯，不過如果要我食返原價38蚊，我就會嫌貴。
北海道芝士炸薯條
48 views
0 likes
0 comments
電擊雞翼
電擊雞翼，呢個名我諗咗好耐，就算食完之後，都諗唔到雞翼同電擊有咩關係⋯細心啲睇就會發現，佢每「隻」雞翼，其實都係一隻完整嘅雞翼嘅一半。一擺落口嗰刻，真係好驚喜，因為佢係凍架！然後味道就係甜甜地，唔知仲以為自己食緊甜品，的確幾特別同開胃。
電擊雞翼
26 views
0 likes
0 comments
蒜蓉/芝士燒日本廣島蠔 HKD88/4隻
每次去到一間餐廳，如果見到menu上有蠔嘅話，都總會叫返款嚟試下，今次我地點咗芝士同蒜蓉燒蠔。芝士個款雖不及日木宮島嘅咁芝味，不過勝在唔膩，連埋中型size嘅蠔肉食，作為小食係唔錯嘅選擇。不過，蒜蓉個款就令我地有啲失望⋯食落肉質唔單只有啲老，仲乾乾地，而且只係得蒜味，無乜蠔味⋯
蒜蓉/芝士燒日本廣島蠔
$88
24 views
0 likes
0 comments
芝麻雞翼 HKD36/2隻
芝麻雞翼可以話係日式餐廳最常見嘅小食。而和氣嘅芝麻雞翼真心唔錯，雖然佢size細少少，但肉嫩嘅程度絕對唔輸蝕，唔痴骨又唔痴牙，食完都唔會一口油。如果口痕想食下肉嘅話，一定要試下。
芝麻雞翼
$36
31 views
0 likes
0 comments
芒果三文魚加州卷 HKD58/3件
每次食壽司，「加州卷」都係我嘅必點之選～今次呢個同平時嘅有啲唔同，加多左油脂分佈尚算均勻嘅三文魚、香甜嘅芒果同蟹子。連埋青瓜、蟹柳、玉子，同微溫既壽司飯一齊食，口感好過癮～！
芒果三文魚加州卷
$58
41 views
0 likes
0 comments
虎蝦刺身8隻 HKD48、帆立貝 6切 HKD60、大甘蝦刺身 4隻 HKD48
經過我嘅婆仔計算，分散叫想食嘅刺身係划算過叫任何一款刺身拼盤架！先講我最常點嘅帆立貝，坦白講，以呢個價錢嚟講，鮮甜味唔算出色，但都算啖啖肉。反而甜蝦同虎蝦就幾滋味，唔單止厚肉感，仲唔會有種「死蝦」嘅feel，好有咬口。最正嘅係，啲冰雖然擺咗成半個幾鐘，但都依然無乜點溶過，每件刺身食落都好似嚮雪櫃啱啱拎出黎咁，冰凍感十足，真·抵讚！
自選刺身
19 views
0 likes
0 comments
火炙芝士三文魚腩 HKD30、火炙海膽帆立貝 HKD48、火炙海膽左口魚邊 HKD45
雖然話火炙可以令到件壽司更加惹味，但同時亦都因為高溫，而將魚生嘅脂肪逼咗出嚟，食落就會好似好油膩咁，所以我都係比較鍾意原汁原味嘅鮮味魚生～
火炙壽司
41 views
0 likes
0 comments
鹽味燒牛舌 HKD38
串燒嚟講，我最鍾意就係牛舌，幾乎去到每一間餐廳，只要有牛舌，我都一定唔會放過。至於和氣嘅鹽燒牛舌，整體嚟講都唔錯，表面燒到焦香脆身，內層就好爽口，而且仲好有肉汁添～
鹽味燒牛舌
$38
30 views
0 likes
0 comments
一頓簡簡單單嘅晚餐，唔算話令人好驚喜，但大部分食物嘅味道都唔錯，而且價錢合理，算係一間平民日式美食～
Post
