742
43
11
Exit D3, Wong Tai Sin MTR Station continue reading
All Branches (2)
Telephone
26418829
Opening Hours
Today
11:00 - 23:00
Mon - Sun
11:00 - 23:00
Payment Methods
AlipayHK Alipay Cash
Other Info
Spot payment
Review (857)
Level4 2021-04-16
836 views
今次已經第三次食,帶埋曾經推介過佢去食嘅朋友一齊黎,因為呢間嘅款式好多,而且成日有新嘢,大家Share可以試多D款式。而今次亦再一次令我地感受到誠意同進步。之前兩次都係食沙田河畔分店,今次黎黃大仙呢間地方較大,2個人都可以坐四人卡位,坐得鬆動之餘,張檯夠大可以擺多D食物。餐具都好有主題同設計。打開Menu見到好多得意有趣嘅選擇,同個FD爭住叫左唔少,甚至有D唔係好記得叫左乜XD先黎2杯好有酒吧Cocktail設計嘅特飲,分別係檸檬藍柑梳打同青蘋果奇異果梳打。我自己係鍾意綠色多D於是揀青蘋果奇異果梳打。大杯上面倒插左一樽檸檬汁,飲起黎非常清爽,而且份量超多,好抵飲,食完成餐飯都仲飲緊。加上甜度適中,唔會有糖漿漿住喉嚨,同朋友慢慢吹水都得。首先黎左白咖喱烏冬。好似係Cream咁嘅白咖喱。裡面都有黃色咖喱,白色嘅部分令咖喱汁更加滑。烏冬好有水準,煙韌彈牙,滑得黎嘅同時掛到咖喱汁。有兩舊炸雞,裡面軟滑多汁自唔在講,表皮可以炸得好似串燒雞皮一樣又香又脆又唔油。應該屬於小食嘅電擊雞翼+炸薯條,兩樣都係常見嘅食物,但同樣做出左分別。薯條係有灑上甜味嘅粉,出奇地食唔停口,好邪惡。而雞翼咬落口,係凍嘅。用左冰鎮咕嚕肉嘅方式黎整,表皮脆加甜,裡面鎖住雞肉嘅鮮味同滑。常見嘅食物竟然食到意想不到嘅變化。冇錯,又係我最愛嘅黑松露。講返前少少,呢度嘅食物氣味都好突出,一坐低就聞到好大陣蝦頭嘅鮮味(所以自己都點左)慣左手勢點醬油食,其實唔洗,建議咬落去唔好咁快吞,你會發現慢慢咀嚼可以感受到各種配料嘅調味混合起黎有非常滿足嘅味覺享受。值得補充一讃係連飯都握得好好,點落醬油都唔會甩。黎親呢度都會食嘅就係刺身。三文魚好肥美。先前講過聞到嘅蝦頭味應該就係黎其他人客嘅呢個牡丹蝦嘅頭。除左鮮甜爽脆嘅蝦身之外,蝦頭先係精華所在,咬開之後果陣腦漿嘅鮮味湧入個口。朋友居然咁大個人未食過,我當然食埋佢果份。我自己就減緊澱粉質,不過朋友係大食肥佬,叫多左個主食大阪豬扒丼。睇個份量真係驚佢都食唔曬。但原來好健康,堆得高過筷子嘅係椰菜絲,加左章魚片同大阪燒醬汁調味真係好似食緊大阪燒咁樣。某一日喺第度食過酸嘅豬扒,因此食到呢塊完全冇冰鮮味而且又滑又爽口嘅豬扒好大對比。各樣嘢都咁好食,叫埋個甜品更加完滿。係宇治抹茶芭菲。睇相都可以睇到抹茶雪糕係幾咁滑同濃郁。一D氣泡同冰粒都冇。而抹茶味係我呢個連朱古力都唔鍾意嘅人都沉迷嘅苦味。但又唔苦,因為底座下面又好多甜嘅紅豆,紅豆同抹茶又幾夾相信唔洗多講了。今餐真係飽到捧住個肚走,超滿足。期待下次幫襯時又再有創新嘅菜式! continue reading
(The above review is the personal opinion of a user which does not represent OpenRice's point of view.)
Level4 2021-02-27
1824 views
拜完黃大仙之後,當然又要嚟和氣食堂食餐好架啦😆諗唔到食咩既話去哩到一定無錯!最開心既係佢嘅食物質素一直保持住,每次食都覺得正。今次除咗每次黎食都一定會叫嘅三文魚腩刺身同生虎蝦刺身之外,仲試咗其他嘢食,原來呢度嘅電擊雞翼同埋白咖喱烏冬都好正😋🎈三文魚腩刺身🎈生虎蝦刺身哩間嘅三文魚腩刺身真係我嘅必食推介👍🏻每次嚟食都係咁肥美,接近入口即溶超正。虎蝦刺身都係咁好味,一定要連埋佢啲配料一齊食!🎈電擊雞翼(單骨)加薯條佢既餐牌最後有一個好抵嘅set,係包電擊雞翼、薯條同埋特濃牛奶芭菲,所以我哋就叫咗一個嚟試吓。佢嘅電擊雞翼食第一啖嘅時候我呆咗一呆,因為冇諗過原來佢啲雞翼係凍嘅,一開頭食覺得有啲奇怪,但係越食越好食😂面頭係凝固咗嘅蜜糖,雞翼食落甜甜地,鍾意食甜野嘅人應該會鍾意。而薯條就普普通通,都係正常薯條嘅味😂🎈白咖喱烏冬哩個白咖喱烏冬好creamy,面頭係忌廉汁,底層係咖喱汁,溝埋之後成個醬汁勁滑,連埋烏冬一齊食好好食。叫烏冬嘅話會配埋炸雞🍗炸雞嘅味道正常,唔係話好突出。🎈串燒牛舌哩個牛舌都好好食,燒得好香,而且充滿油脂。🎈特濃牛奶芭菲反而哩一個芭菲有少少失望,佢嘅雪糕唔係咁好食,其他配料都麻麻,唔太推介哩個。整體黎講,佢啲食物大部份都非常出色,而且性價比好高,值得推介👍🏻 continue reading
(The above review is the personal opinion of a user which does not represent OpenRice's point of view.)
Level4 2020-11-27
2934 views
拍拖行街後,好想食日本野,但又想經濟實惠,仲要食得飽,我哋就來左一直人氣高企嘅<和氣食堂>啦!!~ 雖然之前已經來過,不過由於佢哋供應既食物實在太多選擇,所以真係每一次來幫襯,都可以試下吾同嘅日式料理。<5點刺身盛>刺身有兩款魚生、甜蝦、青瓜吞拿魚卷、生蠔,全部都非常新鮮,而且仲非常大件厚肉,入口味道又十分鮮甜。<厚燒鰻魚牛油果卷 6件>呢個厚燒鰻魚牛油果卷,每一件都好大件,鰻魚肉非常厚身多肉,而且燒得香甜好味,入口彈牙,配埋半溶的牛油果餡料,非常好味,值得推薦!!~<大阪豬扒丼>豬扒飯成座山甘上枱,賣相超級驚喜,上面係好多好多嘅生菜絲,有醬油配埋可以一齊食。食完菜絲後,就見到一塊又大又厚嘅豬扒,目測豬扒都有成吋厚吖!!~ 豬扒入口亦非常鬆軟,連埋大碗飯一齊食,真心超大滿足感!!~<甘粟薯餅>薯餅外面炸得金黃香脆,咬落去夠曬鬆化,入面嘅甘粟同紫薯餡料帶微甜,好好味呢!!~ 大推必試之選吖!!~<宇治抹茶芭菲>最後當然要試下佢哋嘅雪糕甜品,抹茶芭菲帶有淡淡嘅綠茶香味,旁邊仲有幾款細細粒嘅日式抹茶小丸子,非常Q彈美味,底層仲有紅豆溶同粟米片脆脆,配埋幼滑嘅抹茶雪糕一齊食,真係一流享受。整體來講,餐廳嘅食物質素水準非常高,而且日式料理食物選擇亦都好多,價錢亦相當經濟實惠,非常適合同朋友嚟聚餐,真心抵食,下次都要再嚟呀!!~ continue reading
(The above review is the personal opinion of a user which does not represent OpenRice's point of view.)
Level4 2020-11-20
1722 views
呢半年都好少見朋友 今日難得約咗個友人 就食佢好喜歡嘅和氣食堂啦 之前都嚟過呢間餐廳 覺得都幾有水準 唔知質素係咪仲同之前一樣呢😮 安格斯牛扒他他沙律 配黑醋 牛嘅份量好多 生熟嘅程度亦都好適中 呢個沙律作為前菜 又唔會太膩🥗鰻魚牛油果班戟2件 好罕見嘅菜式 通常日式餐廳都係用壽司卷嘅形式將鰻魚同牛油果放埋一齊 用班戟包住晒佢哋都好驚喜 俾用壽司飯包住light好多 可以食多啲其他嘢😛千回火鳥 3隻 唔好以為佢係好普通嘅燒雞翼 佢除左有蜜糖味仲有少少微辣 令到你想追住嚟食 可能係我都幾鍾意食辣 所以覺得可以再辣啲😉3點刺身盛 有三文魚 章紅魚 同甜蝦 刺身好肥美 又厚身 係個好豐富嘅刺身盛😻 第一次食章紅魚 口感唔錯 有陣淡淡嘅魚油味白咖哩烏冬 上次嚟覺得好食 所以又再點 咖哩唔會太辣 烏冬都幾彈牙 食落個白咖喱有種薯蓉嘅口感 好特別 再配埋唔係太厚粉嘅炸雞 份量都足夠🙊黑豚肩燒丼 上碟時配埋一碟細細嘅泡菜 豚肉唔會燒得太乾 再加埋秘製醬汁 甜甜地咁好好送飯🐷凍抹茶鮮奶 唔會太甜 抹茶味都好重🍵阿法奇朵 雲呢拿雪糕再加espresso ☕️ 好重牛乳味 甜度可以由咖啡多少去控制🙊呢餐日本菜好豐富 真係食過翻尋味😋 continue reading
(The above review is the personal opinion of a user which does not represent OpenRice's point of view.)
Level4 2020-11-16
1350 views
今日小妹又同男友黎真。食堂食野啦。平時我地多數都係星期六日黎食lunch,晚市就真係比較耐啦。首先就緊係點返個沙律開一開胃先啦。我地點了火焰左口魚邊牛油果沙律,沙律上的黑松露非常之多。Mix埋沙律當中為成個沙律增添了一層濃厚既香味與香氣,超正!左口魚依舊鮮味,而且份量仲一d都唔少。沙律菜都好新鮮,咬落食得出既爽口。仲有足料又大大片既牛油果,夠晒都幾開胃飽肚。再黎每次都必點既刺身拼盤。當中既海鮮魚生keep住一直既高水準!三文魚係厚切新鮮肉嫩。油甘魚爽口而蝦刺身就鮮味十足啦!正!千回火鳥就係燒雞翼啦。雞翼外皮香脆,有食到少少燒過既焦香。而雞肉亦嫩滑非常!依款係牛油果芒果三文魚班戟。入面既芒果非常好味,連唔鐘意食芒果既男友都覺得好味!班戟皮相對就厚了一點點!主食方面我地點了「白咖哩烏冬」,烏冬上面既白色既薯蓉好似CREAM一般順滑。而當中既咖哩唔會太重味,微辣既烏冬同CREAM搭埋一齊食仲異常地夾。炸雞分量都好大件,而且岩岩炸好,味道幾好!另外還點了大阪豬扒丼,上面堆到勁多椰菜絲,再配上醬汁好有大阪風味。分量真係超多!在滿滿的椰菜下就係滑蛋吉列豬扒啦。嫩滑滑蛋包裹住香脆既吉列豬扒,勁香口。今次我地都試左唔少平時無點過既食物,都幾有驚喜!值得一值光顧。 continue reading
(The above review is the personal opinion of a user which does not represent OpenRice's point of view.)