689
39
7
Exit D3, Wong Tai Sin MTR Station continue reading
All Branches (2)
Telephone
26418829
Opening Hours
Today
11:00 - 21:00
Mon - Sun
11:00 - 21:00
Public Holiday
11:00 - 21:00
Public Holiday Eve
11:00 - 21:00
Payment Methods
AlipayHK Alipay Cash
Other Info
Spot payment
Review (791)
Level4 2020-06-27
1604 views
今日嚟到黃大仙約好朋友食飯聚舊,好友推介食日本嘢,話係親民價錢嘅居酒屋,入到餐廳果然人氣鼎盛!餐廳好易搵喺正地鐵站出口位,非常方便,裝修和風日系居酒屋風格。食物有 刺身、壽司、丼飯、鍋物、串燒,款式都幾全面!辛味吞拿魚牛油果卷吞拿魚厚身肥美,新鮮嫩滑。牛油果嫩滑營養豐富。 壽司沒有辛辣味,有很多芝麻香味,脆口甘香。4點刺身盛三文魚、甜蝦、油甘魚和生蠔, 四款海鮮刺身。三文魚肥美,油脂甘香。油甘魚薄切晶瑩剔透,肉質鮮嫩爽脆。甜蝦鮮甜爽口。蠔身肥美creamy爽滑!黑豚腩燒丼黑豚腩為豬腩肉,油脂豐富,特製醬汁醃得入味,外層微微燒焦,肉香撲鼻,非常惹味,拌飯一流。田樂麵豉燒日本米茄子日本米茄子短身肉厚嫩滑多汁,估唔到加咗麵豉醬嚟燒烤有驚喜,特別惹味,真係食到流曬口水。青蘋果奇異果梳打、檸檬藍柑梳打顏色鮮豔,造型吸引,最啱打卡。味道酸酸甜甜,冰凍解渴,開胃醒神! continue reading
(The above review is the personal opinion of a user which does not represent OpenRice's point of view.)
Level4 2020-06-14
1357 views
平時都好鍾意嚟呢度食嘢,😋最近佢好似更新咗佢個餐牌,所以叫咗啲平時唔會叫嘅嘢食。😍果然冇令我失望,係我最鍾意嘅黃大仙食堂。👍🏼1️⃣溫泉玉子牛油果凱撒沙律🥗真材實料,佢俾咗好多牛油果🥑,而且佢啲菜都好新鮮又爽口,上邊打咗一隻溫泉玉子,🍳吉爆佢可以當汁咁樣撈,再加埋本身底部佢有沙律醬,令到個沙律味道更加豐富!😋2️⃣三文魚椎茸燒🐟近排疫情關係都唔夠膽食生嘢,但係又好想食三文魚,所以叫咗個串燒。 🍢三文魚椎真係好正啊!好香又重魚油味。3️⃣鰻魚牛油果班戟🥑包到好似壽司飯卷咁,但係佢唔係用返係用班戟,啱晒我啲減緊肥唔想食咁多碳水化合物嘅人。4️⃣炸雞白咖喱烏冬👍🏼每次我都會叫呢個白咖喱烏冬,佢白色嗰啲係薯粉溝忌廉,將白色嘅薯粉忌廉再溝埋咖喱,個醬超正!🤤5️⃣黑豚肩燒丼😍呢一個意想不到地好食,佢係韓式嘅燒豚肉飯,仲會配上泡菜。個豚肉燒得好好食,啲邊位燒得好乾脆,中間又好林!6️⃣培茶芭菲🍦我上次嚟都仲未有培茶㗎,佢新出左一定要叫黎試吓!個雪糕食落有啲粉嘅感覺,應該係撈左陪茶粉整出嚟嘅。🍵7️⃣燒日本廣島蠔蒜蓉燒芝士燒🧀超正嘅廣島蠔燒!我就係芝士控嚟嘅,超鍾意佢個芝士燒!🧀 continue reading
(The above review is the personal opinion of a user which does not represent OpenRice's point of view.)
Level4 2020-06-10
1117 views
今晚二人去左黃大仙撐枱腳,<和氣食堂>一直人氣高企,一定有佢既原因,今晚我地都比佢吸引住,好彩等左吾係好耐,十分鐘左右,便有二人枱。睇完個Menu,真係超級勁多選擇,沙律、魚生、刺身、卷物、定食、冷麵、鍋物、甜品樣樣都有,簡來簡去,因為有太多野想試,有選擇困難症既我,都花左少少時間先落到單。<火焰左口魚邊牛油果沙律>沙律用金屬碗上,可以保持冷凍感。牛油果同沙律菜好新鮮。火焰左口魚好肥美,入口好嫰滑,仲帶有魚油味,上面仲有黑松露醬,感覺好清新開胃。<芝士軟殼蟹卷>呢個芝士軟殼蟹卷,上面有好多蟹子,軟殼蟹微脆,放滿整個飯卷入面,仲有芝士同沙律醬配襯,非常好食。<燒鱈魚棒>燒鱈魚棒非常香脆,入口甜甜地,作為前菜,絕對係驚喜之作!!~<珍寶赤蝦海鮮丼>主食叫左魚生飯,赤蝦勁大隻吖!!有成隻女仔手掌甘長,而且肉質夠彈牙,仲好甜好新鮮。其它刺身有帶子同三文魚,同樣鮮甜肥美,仲有爆多蟹子鋪係面。大讚吖!!~<海膽冷素麵>海膽冷麵份量好多,可以足夠二人分享。上面除左有4大片海膽,冷麵下面仲有好多好creamy 既海膽醬。冷麵入口非常細滑,撈埋滿滿既海膽醬,清新得來,完全不帶膩感,真係大滿足吖!!~見到唔少客人都order左雪糕甜品,我地都按耐不住,叫左個<糯米糍紅豆培茶牛奶雪糕>。培茶牛奶雪糕有淡淡既培茶味,牛奶雪糕非常香滑,仲有紅豆蓉同少女味勁濃既粉色系粒粒Q彈糯米糍,真係吾好講少,真心好食!! 係至強推介吖!!~另外我地仲試左兩杯特飲,分別係<檸檬藍柑梳打>同<藍柑白桃梳打>,單睇呢個海天藍色已經令人無法抗拒,兩杯都係帶酸酸甜甜口味,清甜口感,夠曬冰涼,啱曬炎炎夏日。成餐日式料理,二個人都係五百幾蚊,已經飽到上心口。值得一讚既係,餐廳雖然客人不少,但上菜速度好快,效率好高,而且服務質素不錯,價格亦非常大眾化,絕對係值得再來既食堂吖!!~ continue reading
(The above review is the personal opinion of a user which does not represent OpenRice's point of view.)
Level4 2020-06-03
1094 views
#和氣食堂 #黃大仙今日同媽咪黎到黃大仙中心行街買新枕頭,晚餐都喺南館度揀咗間餐廳食。我揀咗和氣食堂。🍜 白咖喱烏冬 ($88)白咖喱烏冬上枱嘅時候只見一碗cream狀物體,夾開先知原來就係咖喱烏冬,都幾特別!佢另外仲內兩舊有返咁上下大嘅炸雞添,好味!香芒燻鴨胸沙律($68)沙律比想像中大份,而且芒果同鴨胸都各有五舊咁多,沙律有加啲黑醋,特別香☺️一口炸芝士 ($42)炸芝士超級邪惡但勁勁勁好食,好推薦!甘粟薯餅 ($28)廿八蚊嘅呢個紫薯薯餅都算抵食,入面嘅紫薯好多!培茶芭菲 ($72)芭菲入面好多材料!有麻糬、小丸子、紅豆、粟米片... 仲有最重要同最好味嘅培茶雪糕,好清新好fresh,唔會好甜,好鍾意💛 continue reading
(The above review is the personal opinion of a user which does not represent OpenRice's point of view.)
Level4 2020-06-01
851 views
今日早少少放工,舖頭已經好多人好在等一陣就入得,一睇到個餐牌真係心多眼亂,勁多頁勁多選擇設計得好吸引!每樣都想叫黎食最後簡左一個有優惠既 電擊雞翼+ 薯條 x 培茶芭菲 $78 勁抵食溫泉玉子牛油果🥑沙律黑松露甜蝦芒果反卷三點刺身盛同埋 三隻燒雞全翼首先個電擊雞翼,幾開胃,係酸酸甜甜類似蜂蜜醬汁既雞翼,冇expect過佢係涷的,果然夠衝擊,食落又幾正,好有韓式雞既feel 。 薯條上面有d甜甜地既粉,好似食緊番薯條咁。溫泉玉子沙律, 勁多牛油果🥑,好健康, 沙律茶好fresh,食完都幾飽肚。醬汁落得岩岩好, 酸酸地幾開胃,撈完個溫泉蛋 蛋漿滿哂成個沙律🥗!黑松露甜蝦芒果反卷勁推介,甜蝦係面,有好多黑松露醬,好香,岩哂我呢d勁中意黑松露既人。芒果好甜, 呢個配搭好襯, 三點刺身盛, 有三文魚🍣、甜蝦同油甘魚,好新鮮同埋厚切三文魚,紋理好靚, 油脂分布平均燒雞全翼都係勁正, 燒到岩岩好,外皮好脆好香口,入面好多汁好juicy, 配埋檸檬🍋 吊味, 師傅功力唔錯唔怪得間野咁多人幫襯,果然係性價比幾好,最後一人埋單$200 左右。 食埋個甜品芭菲,好滿足, 個芭菲雪糕勁多配料,個雪榚好香培茶味,唔會太甜, 勁岩我呢d唔中意食甜既人, 同埋有d 白玉。 continue reading
(The above review is the personal opinion of a user which does not represent OpenRice's point of view.)