809
45
13
Exit D3, Wong Tai Sin MTR Station continue reading
All Branches (2)
Telephone
26418829
Opening Hours
Today
11:00 - 23:00
Mon - Sun
11:00 - 23:00
Payment Methods
Visa Master AlipayHK Alipay Cash UnionPay
Other Info
Spot payment
Review (933)
Level4 2021-08-08
1075 views
朋友聚會再次選擇哩間餐廳,因為餐廳食物款式多選擇,份量多就不在話下,每次食完令人都會想回頭再食下其它野,今次我地除左叫溫泉蛋牛油果沙律作頭盤外,仲叫左千回火鳥、燒日本廣島蠔。溫泉蛋牛油果沙律:沙律用個大兜盛載,方便自己撈混醬汁,溫泉蛋輕輕開蛋汁就自動流落在下面的蔬菜中,清淡得黎又Fresh,作為開胃既頭盤就岩哂。千回火鳥:燒到金黃色,擺放於精美的日式碟上加上檸檬作配襯,簡直如同係日本食到既擺放方式,令我有一刻感覺如同係日本既感覺,咬落外皮微脆肉汁伴隨嫩滑既雞肉當中,美味可口。燒日本廣島蠔:香噴噴,一碟4隻,有兩款口味,分別惹味多蒜的蒜蓉燒法及芝味無窮的水牛芝士燒法,兩款口味都好正兼保持到蠔的滑溜口感,正。到主菜,我地分別叫左厚燒鰻魚牛油果卷及大板豬扒丼。厚燒鰻魚牛油果卷:個碟又係日式精美碟,觀感巳經飽足,鰻魚汁甜甜地配上淡味的牛油果、魚子和飯,成為美味的配搭。大板豬扒丼:嘩,外形好高,似座雪山一樣,原來係用椰菜絲堆砌而成,下面是大大塊既吉列豬扒配上滑蛋同醬汁,天氣熱時,濕濕地食無甘dry。最後叫埋哩度出名既軟雪糕:糯米糍紅豆抹茶牛乳雪糕,為哩餐劃上完美的句號。 continue reading
(The above review is the personal opinion of a user which does not represent OpenRice's point of view.)
Level4 2021-07-09
366 views
呢到簡直係朋友既飯堂,去佢到落街通常都係食呢間😂😂講真和氣食堂d野又真係幾抵食又有質素😋😋🎈電擊雞翼+薯條+宇治抹茶芭菲 $78呢個係優惠推廣,真係超抵,仲要3樣都岩食😋😋個宇治抹茶芭菲真係好足料,仲要係日本原料直送,抹茶味都幾夠,仲有小丸子、厥餅、紅豆、粟米片等等💚電擊雞翼係凍食既,味道係甜辣既醬油炸雞,可能因為受到電擊,我覺得偏乾左少少🙈另外配埋芝士粉幼薯條,真係好邪惡,不過我地食晒😈🎈4點刺身盛 $188唔洗二百蚊就有齊海膽、三文魚、鮮𩶘魚同埋珍寶赤蝦刺身,當中我地都覺得最出色係海膽,幾重海膽味👍🏻另外赤蝦都真係幾大隻又甜😋🎈網燒美國牛扒 $92其實我都幾鍾意食日式煎扒既方式,有燒汁之後再灑上炸蒜、蔥花。帶少少甜味好惹味😋😋🎈黑松露香芒甜蝦卷 $92呢個配搭又幾新鮮未試過,入口有幾香既黑松露味之後食到芒果既甜味,甜蝦就增加左個卷creamy程度😆🎈大阪豬扒丼 $88呢個飯打卡好震撼,佢簡直係將個椰菜絲沙律放左上去😆下面塊豬扒雖然係厚切,不過保持到好淋,唔會好鞋👍🏻👍🏻好彩有咁多菜絲可以減低下呢餐既罪惡感🙈因為份量真係堅大份😂😂 continue reading
(The above review is the personal opinion of a user which does not represent OpenRice's point of view.)
每次來到黃大仙中心南館揾嘢食,我都忍吾住要返去<和氣食堂>,無它嘅,都係因為呢間餐廳次次都吾會失手,不單止價錢平,而且食物質素水準有保證,可以話係大件夾抵食,所以已經成為我地嘅日式飯堂之選。今晚七點幾來到,餐廳依然人氣高企,我地快快手撳飛仔攞定位先,然後係商場行一陣街,十多分鐘就有位。好開心今晚被安排到一張好舒服嘅枱,兩個人都吾會覺得好迫,甘叫多d野食都夠位放啦!~<白咖哩烏冬配炸雞塊 $88>呢道嘅白咖哩烏冬非常人氣,因為真係好好食,日式咖哩本身吾太辣,反而帶甜,而上面鋪滿濃厚嘅cream同薯蓉,食嘅時候將上層嘅cream同底層嘅咖哩烏冬撈埋一齊就可以,非常特別。另外佢仲配有兩件炸雞,炸得夠脆夠juicy,雞肉又夠厚。<溫泉玉子牛油果凱撒沙律 $59>呢個沙律屬King Size份量,好大碗好抵食,有吾少牛油果同沙律菜,而且都好新鮮,味道仲好開胃!!~<大阪豬扒丼 $85>呢個豬扒飯又係超正,上面鋪到成座山咁嘅其實係生菜絲,仲有木魚絲同沙律醬汁,下層就係大大塊炸豬扒,豬扒夠厚,肉質不錯,而底層就係有醬油嘅飯,呢個豬扒飯唔會好似坊間嘅日式豬扒飯咁單調,反而充滿層次感,而且份量重好足,係必食之選吖!!~<泡菜黑豚腩鍋 $92>呢個黑豚腩鍋其實我都係第一次叫,不過真心充滿驚喜,因為有好多好多嘅黑豚腩肉,而且仲有好多泡菜、金菇、冬菇同豆腐,以泡菜嚟講,味道唔算好辣,但好惹味,味道反而更加容易接受,我個人覺得非常好食。<燒日本廣島蠔兩隻$48>廣島蠔屬中等size,有蒜蓉燒同芝士燒各一隻,蒜蓉味同芝士味道都勁濃郁,勁香口惹味,食完有d覺得吾夠喉,如果份量可以再多d會更加好。<千回火鳥三隻 $38>雞全翼燒得外脆內嫩,味道帶微辣,而且都幾惹味,質素不錯。兩個人食真係超級大滿足,個人非常欣賞餐廳安排食物嘅份量,因為真係好足料,交足課。<宇治抹茶芭菲 $58>最後當然要食埋佢哋嘅甜品宇治抹茶芭菲,抹茶雪糕都幾大杯,雪糕好細滑,仲配有好多日式麻糬,入口煙煙韌韌,配埋香滑雪糕,非常好食!!~整體來講,餐廳嘅食物質素多年來都保持得非常之好,價錢一直以來都偏向低位,可以話真心大件夾抵食,雖然人客眾多,有時可能都要等一陣位,但係我覺得絕對值得等,人氣食堂嘛!下次一定會再來吖!!~ continue reading
(The above review is the personal opinion of a user which does not represent OpenRice's point of view.)
作為黃大仙街坊,一間性價比極高,亦係我日常和食街坊look都會去的首選日本菜館,和氣食堂,位於黃大仙中心南館,一出站C出口左轉,6:30時到門口已經見到佢嘅人氣滿座,又係平日夜晚都會坐滿哂鋪的旺店。日系和風的裝修,座位鬆動空間感夠大,店員服務貼心,點單到菜收碟時間理想,所以黃大仙同沙田兩間分店能夠保持好評也有原因的。Menu花多眼亂,前菜小食、刺身壽司、炸物天婦羅、丼飯烏冬、雪糕特飲等樣樣齊全,=̶4點刺身盛=̶ $178推介:⭐️⭐️⭐️⭐️3片厚切三文魚、鮮甜海膽、2隻牡丹蝦再加2片是日精選謎之魚,蝦身肥美,蝦頭仍保存著海水味,三文魚足量厚切,海膽無腥味都值得加分,價位中等,期待多人食可以點廣島蠔刺身一嗜。=̶大阪豬扒丼=̶ $85推介:⭐️⭐️⭐️⭐️招牌之一,必飽系到丼飯,大旺麻醬椰菜絲高山作為沙律配菜,中層是滑蛋厚身吉列豬扒主菜,飯量驚人係兩個人先食得哂嘅一款。=̶田樂麵豉燒日本米茄子= ̶$48推介:⭐️⭐️⭐️⭐️田樂麵豉汁燒至茄子乾身吸味,灑上芝麻增其香口感,較其他日本菜館比較特別的一款小食。=̶鐵板煎牛舌=̶ $68推介:⭐️⭐️⭐️⭐️⭐️八大片煎香牛舌CP值極高,蒜香入味,咬口彈牙,略為有少少咸,建議將底下炒過嘅洋蔥、蒜粒蔥粒拌勻一齊放落口,重口味控一定倍感滋味。👇推廣抵食必點👇$72=̶宇治抹茶芭菲+電擊雞翼配北海道Bangbang炸薯條=̶推介:⭐️⭐️⭐️⭐️⭐️開胃凍食嘅蜜糖冰鎮雞翼,表皮脆甜,蜜糖味重中帶點惹味甜辣,炸薯條沾上車打芝士粉,甜咸中和貶眼被小編清哂🙈日本原料直送自家制甜品芭菲,雪糕結實唔易溶,但又不失幼滑,配料有白玉蕨餅紅豆粟米片等口感豐富可口。款式其多,還有丼飯石鍋飯都係吸引之選,總有機會同大家再分享呢間街坊日本菜。😋👅美味: 8/10 😮驚喜: 8/10✨環境: 8/10 💆‍♂️服務: 8/10💡性價: 7/10 🐽飽肚: 9/10💫回頭: 7/10 👍推薦: 8/10 continue reading
(The above review is the personal opinion of a user which does not represent OpenRice's point of view.)
一餐美味豐富嘅晚餐可以彌補我哋一日工作的辛勞⋯⋯會令到我哋充滿活力!🥰叉滿電之後又可以迎接下一日!😍每次嚟到呢間餐廳都會全場爆滿🤩所以今次我哋好醒目book咗6:00晚餐🥣🍣🍣和氣食堂🍢🍡三點刺身盛油甘魚肉質細緻甘甜,配以特製嘅醬汁⋯⋯鮮味突出🤩三文魚肉質非常光澤,鮮甜無比!甜蝦刺身肉質都非常甜美!而且好大隻⋯⋯火焰左口魚邊牛油果沙律不負眾望份量超大⋯⋯左口魚邊燒過後甘香油脂慢慢滲出⋯⋯超甘香!配以冰凍爽脆的沙律菜丶牛油果🥑、粟米🌽⋯⋯仲有我最愛嘅黑松露醬和特製沙律醬汁!超正🥰日本廣島蠔🦪蠔味非常濃郁,肉質鮮甜😍蒜蓉味非常香口,芝士味非常creamy😋鹽味燒牛舌口感軟脆,加上檸檬汁感覺爽口,肉味濃厚⋯⋯黑豚肩燒丼飯粒晶瑩有咬口!黑豚肩肉質上乘⋯⋯味道鮮甜美味!加上大量蔥花和秘製醬汁!好味到停唔到口!😋😋電擊雞翼配薯條電擊雞翼是凍食的!雞翼外層香脆又香甜!啱晒夏天食!不得不講佢嘅炸薯條🍟超香脆⋯⋯仲有好香嘅芝士粉包裹着😍🤩食到最後仍然係脆嘅🤩石狩鍋豬骨湯底有超大件嘅三文魚頭和三文魚鮫經過香煎非常香口!肉質嫩滑😋而且有大量黃芽白丶金菇丶粉絲配以香濃嘅豬骨湯底!🤩😋宇治抹茶芭菲嚟到呢度如果唔食埋杯雪糕真係白來!因為佢嘅雪糕真係非常香滑⋯⋯綠茶雪糕好香滑⋯⋯配以紅豆丶小丸子🧆丶粟米片丶朱古力條🤩一個完美句號⋯⋯其實每次嚟到和氣食堂都有驚喜⋯⋯係非常期待😚最重要價錢超值😍🥰🤩 continue reading
(The above review is the personal opinion of a user which does not represent OpenRice's point of view.)