Video
Read full review
2007-02-04
27 views
是晚放工夜了, 急急腳搭船返香港見阿K , 驚佢電完頭髮等我等到頸都長. 好彩我到嘅時候佢仲响度電緊. 電完一把靚頭髮之後, 我地一齊行去西環附近一間食煲仔菜好出名嘅「坤記」. 未行到去間舖頭, 响街角已經聞到陣陣煲仔飯嘅香味. 由於阿K唔係太肚餓嘅關係, 我地只係嗌咗一個海鮮雜菜煲再加一個臘味煲仔飯.當我地等緊嘅時候, 見到隔離嚟咗一碟灼勝瓜, 勝瓜面上放咗啲炸蒜碎, 簡簡單單就已經令成碟勝瓜好香. 正當我地就嚟望到口水都流埋之際, 煲海鮮雜菜已經嚟到. 為咗控制成本, 唔好祈望有好多嘅海鮮料响入面. 不過, 裡面嘅蝦米就一啲都唔馬虎, 好香而且帶有好濃嘅蝦味, 唔似得一般嘅蝦米, 又乾身兼且淡而無味. 食到一半, 主角煲仔飯終於出場. 我粗略計過, 我地等呢煲飯等咗成差唔多十五分鐘. 不過我地等係值得嘅 , 因為煲飯真係煲得十分出色. 响銅鑼灣馳名嘅「新翠華」固然冇得揮, 就算係「永合成」嘅煲仔飯都要輸一個馬鼻. 飯嘅乾身程度啱啱好, 太乾身會變得太硬, 太軟又唔夠煲仔飯嘅風味. 配合各種臘味, 混上臘味滲出嘅油份令飯更加香口. 當然這些都仲係次要, 主角中嘅主角就一定係飯焦, 又
當我地等緊嘅時候, 見到隔離嚟咗一碟灼勝瓜, 勝瓜面上放咗啲炸蒜碎, 簡簡單單就已經令成碟勝瓜好香. 正當我地就嚟望到口水都流埋之際, 煲海鮮雜菜已經嚟到. 為咗控制成本, 唔好祈望有好多嘅海鮮料响入面. 不過, 裡面嘅蝦米就一啲都唔馬虎, 好香而且帶有好濃嘅蝦味, 唔似得一般嘅蝦米, 又乾身兼且淡而無味. 食到一半, 主角煲仔飯終於出場.
我粗略計過, 我地等呢煲飯等咗成差唔多十五分鐘. 不過我地等係值得嘅 , 因為煲飯真係煲得十分出色. 响銅鑼灣馳名嘅「新翠華」固然冇得揮, 就算係「永合成」嘅煲仔飯都要輸一個馬鼻. 飯嘅乾身程度啱啱好, 太乾身會變得太硬, 太軟又唔夠煲仔飯嘅風味. 配合各種臘味, 混上臘味滲出嘅油份令飯更加香口. 當然這些都仲係次要, 主角中嘅主角就一定係飯焦, 又或者叫做「鍋巴」. 呢度嘅飯焦係好容易從煲身刮出嚟 , 而且係可以一大塊一大塊咁夾起來食, 過足口癮. 雖然食到最後因為要咬飯焦令牙關有少少軟, 不過冇影響我對呢煲飯嘅評價.
兩煲夾埋一共七十六蚊, 好味兼抵食, 唔怪得每次夜晚經過這裡都係一樣其門如市.
Post
