Read full review
2017-06-24
683 views
今日起身難得見到陽光🌞, 同老婆食左個快早餐後洗埋衫執執屋之後就打算出發去山頂, 享受一下久違了的晴天周末。可惜我地一出灣仔地鐵站又落起雨來。😌唯有即時改改行程, 食個Late lunch, 睇戲再直落啦。😁行出灣仔地鐵站記得朋友曾推介駱克道有一間美式餐廳叫Burger Joys, 漢堡非常出名, 雖然老婆唔食牛, 但佢非常鍾意食好味嘅麵包, 而Burger Joys嘅漢堡係用法國米芝蓮麵包製作, 所以決定帶佢過去試一試。😋係灣仔地鐵站C出口左轉直行幾分鐘就到, 雖然落緊雨加上已過午市繁忙時間, 不過客人都唔少。店入面不論係店員定係客人都不乏外藉人士, 落單亦係用英文, 入到去好似瞬間身處外國嘅餐廳用餐。餐廳店面唔大, 不過店員數量充足亦好有禮貌。👍裝修佈局有d似酒吧, 如果約老友黎邊食薯條漢堡邊飲啤酒應該好有氣氛。餐牌除左漢堡其實都仲有其他Side dish比如黑松露薯條，水牛城雞翼等食物都好吸引, 不過因為老婆唔食牛, 我地一人一個漢堡應該都食唔落其他野, 所以都係留返下次同朋友黎再試啦。😝漢堡可加$30轉套餐都幾抵👍, 不過我地兩個食唔哂就無謂浪費啦。老婆點的雜菌磨菇芝士漢堡,
行出灣仔地鐵站記得朋友曾推介駱克道有一間美式餐廳叫Burger Joys, 漢堡非常出名, 雖然老婆唔食牛, 但佢非常鍾意食好味嘅麵包, 而Burger Joys嘅漢堡係用法國米芝蓮麵包製作, 所以決定帶佢過去試一試。😋
係灣仔地鐵站C出口左轉直行幾分鐘就到, 雖然落緊雨加上已過午市繁忙時間, 不過客人都唔少。店入面不論係店員定係客人都不乏外藉人士, 落單亦係用英文, 入到去好似瞬間身處外國嘅餐廳用餐。
餐廳店面唔大, 不過店員數量充足亦好有禮貌。👍
裝修佈局有d似酒吧, 如果約老友黎邊食薯條漢堡邊飲啤酒應該好有氣氛。
餐牌除左漢堡其實都仲有其他Side dish比如黑松露薯條，水牛城雞翼等食物都好吸引, 不過因為老婆唔食牛, 我地一人一個漢堡應該都食唔落其他野, 所以都係留返下次同朋友黎再試啦。😝
漢堡可加$30轉套餐都幾抵👍, 不過我地兩個食唔哂就無謂浪費啦。
老婆點的雜菌磨菇芝士漢堡, 呢個係素食漢堡, 磨菇同其他雜菌打碎製成漢堡, 外層超香脆, 每一啖除左感受到磨菇嘅味道其他配料亦好新鮮, 不過老婆最Like嘅係層麵包, 米芝蓮麵包果然有過人之處, 超級香甜鬆軟, 口感有D似日式豆沙餅又有d似Pancake, 好難形容, 超讚。👍😋
雜菌磨菇芝士漢堡
$88
24 views
0 likes
0 comments
雜菌磨菇芝士漢堡
$88
16 views
0 likes
0 comments
芝士牛肉漢堡對於我呢個牛肉迷黎講簡直冇得彈, 牛肉味超濃郁, 又多汁, 芝士份量唔算特別多冇搶去漢堡嘅味道, 配料同磨菇漢堡差不多, 都係咁新鮮, 用米芝蓮麵包製, 整個配搭非常完美。😍
芝士牛肉漢堡
$108
44 views
0 likes
0 comments
芝士牛肉漢堡
$108
34 views
0 likes
0 comments
飲品我地點左雲呢拿奶昔同小莓子汁, 漢堡配奶昔是常識吧!可惜老婆怕太Heavy🙈個奶昔口感好綿滑, 雲呢拿味濃, 雖然都唔細杯, 不過食完全個漢堡飲一杯感覺唔太夠。😝
雲呢拿奶昔
$58
21 views
0 likes
0 comments
小紅莓汁
$39
23 views
0 likes
0 comments
呢個質素嘅漢堡價錢絕對唔貴, 下次同老友黎會跟埋套餐, 更豐富超值。😙
食完到走時又有返陽光。😃🌈
Post
