凡高廚房

Open Now

Now Closed

銅鑼灣樓上cafe林立，但質素參差，想搵一間質素好嘅真係要有冒險精神😆，然而都係決定揀返呢間好評如潮嘅凡高，有信心保證啲😝。每個餐都包頭盤/餐湯+餐包餐湯係洋蔥湯，真材實料，飲得出無味精，仲有勁多洋蔥，配上麵包粒可謂錦上添花🥰。頭盤係田園沙律，新鮮蔬菜配上黑醋同橄欖油，好開胃又健康。餐包係鬆軟型，配上牛油係最經典。煙三文魚BB蘆筍櫻桃番茄汁意粉（$88）平時出去食意粉一般係用茄膏，好少可係用番茄汁配櫻桃，好特別，酸酸地幾開胃。另外三文魚都好大片，可謂值回票價。意大利開心果仁腸香菌松露意大利飯（$98）好香松露味，飯嘅軟硬度同濕潤度適中，份量亦岩岩好，唔會太滯。套餐另加海鮮拼盤（+$58）有時令活生蠔x1+新鮮太平洋虎蝦x3+加拿大翡翠螺x1+煮澳洲青口仔x2，全部都好新鮮，當中最滿意係生蠔甜而無腥味👍🏻，配上鮮檸檬汁無得彈，其他都不俗，絕對對得起價錢。餐飲有咖啡/茶，我就揀左凍檸茶。甜品上層係芒果汁配士多啤梨，下層係好滑嘅奶凍，食完呢餐午餐好有滿足感。