Video
Read full review
2023-05-21
309 views
肥妹仔今晚約咗朋友去食呢一間印度菜，肥妹仔嘅同事話呢一間係佢哋屋企嘅飯堂，所以肥妹仔都好期待。Chicken $65肥妹仔成日見到印度嘅炸雞都會包扶住一層紅紅嘅醬料。呢一個炸雞炸得超級嫩滑，好香香料味，一啲都唔辣，作為餐前小食真係一流。Pudhina murgh tikka $140其實肥妹仔係未食過綠色嘅雞，只不過貪佢好似好得意，叫咗嚟試一試。佢既醬料微辣，有好多炒香嘅洋蔥絲同埋椰菜絲，所以食落去其實個味道同埋個質地都好豐富。佢嘅肉質相對地比較柴，如果對比起炸雞嘅話，肥妹仔鍾意炸雞嗰一款多啲。Butter dosa $80肥妹仔嚟到呢一間餐廳想試嘅其中一款。超級好食，唔係講笑！煎到好薄脆，食落去勁香芝士味，但問番店員一啲芝士都冇落。食落去鹹鹹香香。仲有四款醬汁，一個扁豆，一款就咖喱醬。妹仔覺得就算唔點醬汁嘅話呢就咁食已經超級好食，點咗就有其他風味。Palak Paneer菠菜咖喱芝士，佢嘅芝士呢其實冇乜芝士味就真係好似我哋食嘅豆腐，但係食落去就好綿密，個菠菜咖喱好香，點naan 一流Garlic naan咖喱味好濃，牛油味好香，同埋有少少芫荽味，食落去外脆內軟，正。Butter ch
Chicken $65
肥妹仔成日見到印度嘅炸雞都會包扶住一層紅紅嘅醬料。呢一個炸雞炸得超級嫩滑，好香香料味，一啲都唔辣，作為餐前小食真係一流。
Pudhina murgh tikka $140
其實肥妹仔係未食過綠色嘅雞，只不過貪佢好似好得意，叫咗嚟試一試。佢既醬料微辣，有好多炒香嘅洋蔥絲同埋椰菜絲，所以食落去其實個味道同埋個質地都好豐富。佢嘅肉質相對地比較柴，如果對比起炸雞嘅話，肥妹仔鍾意炸雞嗰一款多啲。
Butter dosa $80
肥妹仔嚟到呢一間餐廳想試嘅其中一款。超級好食，唔係講笑！煎到好薄脆，食落去勁香芝士味，但問番店員一啲芝士都冇落。食落去鹹鹹香香。仲有四款醬汁，一個扁豆，一款就咖喱醬。妹仔覺得就算唔點醬汁嘅話呢就咁食已經超級好食，點咗就有其他風味。
Palak Paneer
菠菜咖喱芝士，佢嘅芝士呢其實冇乜芝士味就真係好似我哋食嘅豆腐，但係食落去就好綿密，個菠菜咖喱好香，點naan 一流
Garlic naan
咖喱味好濃，牛油味好香，同埋有少少芫荽味，食落去外脆內軟，正。
Butter chicken masala
印度菜嘅入門菜色，印度嘅咖喱真係好香香料味，啲雞呢就係比較散，方便我哋點麵包食。
Mango lassi
唔會死甜，，真係似飲咁芒果乳酪味嘅飲品，同埋佢嘅質地都比較杰身。
Chai tea
唔算好重嗰浸香料味，肥妹仔好容易接受到，而且唔落糖的話其實有少少似港式熱奶茶好好飲。
Post
