鮮入圍煮 (Moved) New Location

主打原隻雞煲花膠鍋的「鮮入圍煮」出名多Gimmick，舊式街市的海鮮檔、扮九龍皇帝塗鴉的石屎牆身、舊年代的海報，仿似置身於懷舊大排檔。店員會幫手切雞，雞湯煮滾後，大家二話不説即刻試試個湯頭，入口有濃稠質感而不太油膩，雖然無想象中的鮮美滋味，不過食到黏口膠質感，有唔少花膠仔，感覺有滿滿的骨膠原，特別養顏。手切安格斯牛肉擺盤精美，一塊塊曡放碎冰上，色澤紅潤新鮮，油花分佈平均，短短淥幾下即刻食得，肉質爽滑，肉味濃郁。西班牙豬腩片，賣相靚仔，肉質柔軟有彈性，豬味香濃。皇帝菜沾滿花膠湯更顯鮮甜，帶起湯的鮮味，爽口新鮮。冰豆腐大大件，好似海綿咁吸盡湯底精華，食落軟綿綿又多汁。