鮮入圍煮 (Moved) New Location

上星期五同班friend一行四人去食，果然big surprise：湯底點了花膠雞湯及沙嗲湯底雙併，之後來了雞湯，我地問店員，佢首先向另一店員問係咪入錯單，之後就同我地講，個安排係咁，先上雞湯等你飲湯先，之後先再上另一個湯，無人會用雞湯打邊爐。我地反問：咁都叫雙併？佢就答：一陣另一個湯都只會比清湯你。我極懷疑佢係上錯湯之後亂up蒙混過去，不過都算。飲完雞湯，佢淨係比個沙嗲湯我地，我將頭先同店員嘅對話講一次，另一個店完堅持要加錢（即係變相要我地叫兩個湯底，一個雞湯，一個沙嗲及清湯雙併），由於我地有人唔食沙嗲，只有無奈接受。上菜時不斷嚟錯食物，叫左牛丸無出現過，無叫公仔面，就嚟左，我地話唔係我地叫，店員就好質疑咁望住我地。完全唔會主動加水，叫左兩三次先幫我地，表情仲要西口西面，貼錢買難受。食物方面，墨魚滑完全唔新鮮，肥牛尚可，響鈴真係不知所謂，完全唔香脆，仲有少少油溢味。埋單四個人喺無叫海鮮嘅情況下食左1600蚊，事後仲有人半夜係咁痾，可能太油佢腸胃受不了，可能食物問題，我地無證據唔會隨便指控，各位自行判斷。以後不會再來。