大坑出名好多好嘢食
而且環境都好舒服同埋好道地
所以就同朋友嚟試吓日本野
因為我已經兩年冇去過日本呀
所以我哋想食一啲有大阪同埋東京感覺嘅嘢
所以就嚟咗呢一間鋪頭啦
你入到黎嗰啲一間鋪頭嘅風格都好似日本
而且嘅嘢食亦都係比較道地
而且價錢都可以接受所以就黎試吓啦
首先就有枝豆
覺得佢好清甜好適合開胃
日本凍番茄配柚子汁
好香嘅凍蕃茄
而且配有酸酸甜甜嘅柚子汁
令到成個味道更加突出
再加上生食都好香好滑
所以呢一個就算單食唔作前菜都幾好
因為佢嘅番茄係比香港番茄硬身同埋更加香
海膽壽司
好足料嘅壽司
見到佢免層有好厚嘅海膽
食落去淡淡都有海膽味
即係唔會好腥好鮮甜
同出面嘅海膽相差好遠
呢個係好食好多
銀雪魚壽司
食落去亦都好滑
而且佢都幾大舊
再加上有小小蔥面層
覺得更加好食
赤身及拖羅
到咗我最鍾意嘅刺身啦
我覺得最值得一讚就係拖羅啦
真係食到黑門市場嘅味道
係食過咁多間最似嘅
因為佢嘅油脂分布較多
食落去會入口即溶
再加上聞落去都聞到好香嘅拖羅油脂味
而且赤身都係好新鮮
最後就食咗一個冷烏冬
質地好彈牙再加上有薑同埋沖嘅味道會更加清香
