Read full review
2019-06-11
1860 views
早排想喺尖沙咀搵一間中餐廳同屋企人食,有朋友推介東來順食淮揚菜,所以過咗嚟使下,真係一啲都冇失望!第一次嚟梗係要點一啲招牌名菜,好似「鶴湖蟹影」呢道菜,非常之有意境,真係色香味俱全!影相一流~蟹形狀嘅係用胖大海做嘅啫喱,圓圈嘅係芋片,再配上鮮味嘅蟹黃同鍋粑,食起來味道鮮甜又可口……再帶點涼涼地,非常特別。另外推介「內蒙古烤羊肉串」(唔記得影相),本身個人係好鍾意食蒙古嘅串燒,因為覺得孜然粉配埋羊肉嘅味道非常好。東來順嘅羊肉串肉味好濃郁肉質亦都比較嫩,在沾上一啲孜然粉食,不知幾有口福~打電話book位嘅時候我亦都預留左一份「蒙古烤羊肉」,肉質非常細嫩,色澤好好,切得厚薄均勻,又再一次加上孜然粉⋯⋯微辣中帶出羊嘅鮮味其實我覺得烤羊肉下次可以預訂兩份,每人食一條骨其實唔係好夠!之後點左湯品「富貴全家福」,湯底係清甜嘅天津白菜,配上魚翅、鮑魚、海參同埋乾鴨絲,成個湯feel到有好多精華,湯料份量亦都唔少。甜品方面叫咗驢打滾,荔枝玫瑰糕同酒釀丸子,糕點幾唔錯,但最出色嘅係個酒釀丸子。酒釀丸子嘅酒味非常香甜,煮得好入味,丸子質地煙韌有咬口。
第一次嚟梗係要點一啲招牌名菜,好似「鶴湖蟹影」呢道菜,非常之有意境,真係色香味俱全!影相一流~
蟹形狀嘅係用胖大海做嘅啫喱,圓圈嘅係芋片,再配上鮮味嘅蟹黃同鍋粑,食起來味道鮮甜又可口……再帶點涼涼地,非常特別。
另外推介「內蒙古烤羊肉串」(唔記得影相),本身個人係好鍾意食蒙古嘅串燒,因為覺得孜然粉配埋羊肉嘅味道非常好。東來順嘅羊肉串肉味好濃郁肉質亦都比較嫩,在沾上一啲孜然粉食,不知幾有口福~
打電話book位嘅時候我亦都預留左一份「蒙古烤羊肉」,肉質非常細嫩,色澤好好,切得厚薄均勻,又再一次加上孜然粉⋯⋯微辣中帶出羊嘅鮮味其實我覺得烤羊肉下次可以預訂兩份,每人食一條骨其實唔係好夠!
之後點左湯品「富貴全家福」,湯底係清甜嘅天津白菜,配上魚翅、鮑魚、海參同埋乾鴨絲,成個湯feel到有好多精華,湯料份量亦都唔少。
甜品方面叫咗驢打滾,荔枝玫瑰糕同酒釀丸子,糕點幾唔錯,但最出色嘅係個酒釀丸子。酒釀丸子嘅酒味非常香甜,煮得好入味,丸子質地煙韌有咬口。
Post