中西∙環 (Closed)

好耐無食自助餐，因為疫情影響，好多酒店都做特價，今日同朋友嚟食 lunch buffet 。揀咗位於西營盤嘅港島太平洋酒店中西環餐廳食自助午餐，因為環境唔錯同價錢平。幾年前嚟食過dinner buffet，係生日優惠買一送一，選擇頗多質素亦唔錯，印象幾好，但當時仍未有西鐵，我嫌偏遠故無再去。今次第二次光顧呢度，感覺竟然好唔同。首先，長者除咗有特價優惠，用指定信用咭再有折，祇需百幾蚊就有得食，所以都幾多長者嚟食，另外，食物一出就俾人攞哂，估唔到啲長者咁擦得其次，自助午餐食物選擇好少，海鮮得凍蝦、凍蜆、凍青口，刺身同壽司。我衹揀蝦同青口食，朋友話蜆有沙，刺身同壽司唔吸引我。餐湯有兩款，一中一西，味道普通，無乜特別。熟食選擇亦一般，蒸魚、海南雞飯、意大利薄餅、燒美國西冷、烤焗蜜糖火腿等，而薄餅同海南雞飯做得比較好，海南雞肉嫩滑，薄餅有好多芝士，餅底夠脆，幾好食蒸魚魚肉不新鲜，食到霉嘅魚肉豬腳薑隻蛋幾好食，唔會死實實，但我嫌薑醋味偏甜甜品方面，有熱豆腐花、芝麻糊、迷你蛋糕、即叫即製雞蛋仔，Häagen-Dazs 雪糕係迷你杯装，衹得雲呢拿、朱古力、士多啤梨三款，無我鍾意嘅綠茶味，其他甜品亦普通