鮮入圍煮 (Moved) New Location

現場好似身處喺懷舊街市之中，喺呢度打邊爐，好有特色，另外呢度仲設有好似街市咁嘅海鮮檔，可以打邊爐之餘仲食到新鮮海鮮食材。街市漁市場特色芫荽皮蛋湯底，滿滿的芫荽早前食過呢度最出名嘅花膠湯底，好足料好補身🥰而今次就試吓其他湯底，芫荽皮蛋湯，食正左依家芫荽嘅潮流，個人都幾鍾意芫荽嘅口味，入邊仲有啲皮蛋，而湯底係奶白色嘅，飲落好清甜。全部材料份量都幾多炸響鈴（豆皮）炸響鈴，口感唔錯，比一般出面食到嘅厚身，而且唔油膩，輕輕一滾，再吸收醬汁嘅精華，好好味。新鮮鵝腸好爽口，咬落好有口感，而且入面仲有少少膏，好有油脂香，味道好香口。鱔片肉質滑嫩，口感爽脆，味道鮮甜，完全無腥味。西班牙午餐肉午餐肉厚切好正，極具咬口，而且瘦肉比例較多，好入味，而且西班牙午餐肉比起其他地方出產嘅午餐肉健康。