Video
Opening Hours
Today
11:30 - 21:00
Mon - Thu
11:30 - 21:00
Fri
11:30 - 21:30
Sat
09:00 - 21:30
Sun
09:00 - 21:00
*Last Order: 20:00 (Mon-Thu, Sun); Last Order: 20:30 (Fri & Sat)
Above information is for reference only. Please check details with the restaurant.
About Reward Scheme
Recommended Dishes
全城大熱的澳洲西瓜蛋糕最近亦推出咗全新餐單，加入多款頭盤、沙律、主菜和意粉，如此喜歡西餐的我怎會錯過？是日餐湯土豆濃湯濃郁香醇，盛湯的碗是加熱過的，服務品質可想而知，勘比米其林。生酮忌廉金目鱸魚魚肉厚實緊致，香煎後鮮美可口，令人胃口大開，配菜豐富，可愛的小番茄🍅酸甜開胃，迷你甘筍和玉米香甜可口，最驚艷的還是橙色的甜椒汁，配上滑嫩土豆泥，太美味了！黑松露雜菌意大利粉用上黑松露醬和乾雜菌，香氣十足，意粉口感彈牙，推介！招牌草莓西瓜蛋糕頂層用了洛神花果凍夾著鮮草莓果肉，清甜不膩，再以原片西瓜和玫瑰味忌廉做夾層，口口馥郁的花果滋味榴蓮芝士蛋糕表面散滿了脆脆的椰子片，滿滿榴蓮肉絲滑無比，濃郁的香氣撲鼻而來，芝士的搭配令口感更加綿密，蛋糕體濕潤綿軟，非常高質！值得一提，盛蛋糕的小碟子是冰凍的，叉子是特製的甜品叉，如此專業的服務，值得再訪！LIFETASTIC BISTRO (PopCorn 1) (將軍澳)將軍澳唐賢街9號PopCorn 1地下G19號鋪
continue reading
LIFETASTIC BISTRO 將軍澳唐賢街9號PopCorn 1地下G19號舖LIFETASTIC signature既草莓西瓜蛋糕我諗大家都應該有食過，朋友生日都成日訂🍰近年佢地由蛋糕店發展到餐廳啦！食物依然有水準，而且環境舒適，以後同朋友食飯又多一個選擇啦。白酒蜆肉意大利粉 $128評分：🌕🌕🌕🌕🌑評語：蜆肉份量一d都唔小，意粉軟硬適中，酒味唔會太過重，所以唔好酒既朋友仔都唔洗驚食唔到！鹹蛋黃雞肉雜菌扁意粉 $138 評分：🌕🌕🌕🌕🌗評語：嫩滑嘅雞肉沽滿鹹蛋黃汁，味道濃郁。扁意粉好掛汁，值得一試。🌟可以以優惠或者半價加選餐湯，飲品同蛋糕 草莓西瓜蛋糕 $39 （原價$78）評分：🌕🌕🌕🌕🌑評語：呢個係一如以往咁好味，鍾意佢味道夠清新，食落好light，每一啖都食到西瓜同玫瑰花既清甜味道，層次分明 ，仲係gluten free架！班蘭芒果紫米蛋糕 $34 (原價：$68）評分：🌕🌕🌕🌕🌑評語：我係班蘭既fan，見到呢個蛋糕已經好吸引到我，面頭有芒果啫喱，香甜彈牙，中間有班蘭cream同芒果，再配埋紫米，口感豐富。
continue reading
第一次去Lifetastic就係食佢嘅草莓西瓜蛋糕🍰仲記得果陣成日都要排長龍～宜家出咗愈黎愈多唔同款式嘅蛋糕，堂食Menu款式雖然唔算太多，但多數都係非常經典嘅Cafe菜式，重點係味道有驚喜！1. 炭燒澳洲穀飼黑安格斯封門柳（$198）見到相得五六塊牛肉都覺得有少少貴🙊但食咗之後完全冇後悔嗌！牛肉厚度同熟度掌握得恰到好處，肉質唔會太軟爛但又唔會好韌，全部嘢都係啱啱好🥹另外仲配咗好多薯蓉同少量蔬果，一個人食都夠飽👍🏻評分🌕🌕🌕🌕🌕2. 泰式冬蔭功扁意粉（$138）見到呢個名已經一眼鎖定🤣好少見好特別嘅口味，將泰式風味喺cafe菜式上展示得淋漓盡致，幾有創意！評分🌕🌕🌕🌕🌗3. 檸檬蘆薈梳打（原價$52，跟餐可半價加配）檸檬同梳打呢個組合清新酸爽，不過甜咗啲😥一定一定記得嗌少甜！唔知店家係咪比錯飲筒，明明有蘆薈但比咗支幼飲筒😂少少扣分評分🌕🌕🌕🌗🌑4. 荔枝烏龍茶蛋糕（原價$68，跟餐可半價加配）半價超抵食，一定要食！呢款係海綿蛋糕含做底，中間兩層分別係荔枝凍同朱古力醬，整體荔枝味比較突出，酸甜可口，唔太食得出伯爵茶味～評分🌕🌕🌕🌕🌗
continue reading
餐廳位置坐落於將軍澳地鐵站C出口一出轉右直行，電梯旁邊，巴士總站在其右邊，可算方便。我成日搭電梯都會望住啲人食嘢，不過到自己真係坐落去餐廳，又唔會太受搭電梯嘅人嘅目光影響，介意的話都可以揀坐電梯底，就唔會俾人望住🤣 餐廳雖然唔算大，但係都坐得舒服👍🏻今次趁放假，去試吓佢個lunch set，有餐湯同埋飲品，仲可以用半價加件裝蛋糕同埋會員仲有九折優惠 (即係冇左加一)🤘🏻會員係我之前download Apps免費登記👍🏻是日餐湯：蘑菇忌廉湯忌廉湯口感豐富，滿滿打碎咗嘅蘑菇粒，好飲🤌LIFETASTIC All Day Breakfast ($118)而吸引我叫全日早餐嘅原因就係佢特別嘅配搭。有出邊少見嘅乳酪、牛油果、大啡菇加埋一齊，仲有煙三文魚、煙肉、沙律等等，都好match我嘅口味，加埋飽肚嘅薯餅、麵包、香腸，其實都已經好夠飽。味道我就覺得係正常發揮，炒蛋滑嫩、牛油果唔苦的，不過其實以上嘅食物我自己覺得都好難唔好食？🤣🤣 飲品：英式早餐茶茶一杯🙈但係份量好足夠，適合有時間慢慢嘆嘅人🫶甜品：朱古力香蕉蛋糕($34半價價錢）蛋糕味道濃郁，係大家想像到朱古力加香蕉嘅味道，但係係好食嘅，因為佢仲有一層層嘅慕絲、蛋糕同埋朱古力配搭，食晒成個蛋糕會好飽，同埋有啲甜。不過我都會有興趣下次試埋其他蛋糕👍🏻整體來講，食物正常發揮，不過不失，侍應態度亦誠懇有禮，想chill下me time 一下個感覺都唔錯🫰
continue reading
餐廳位於將軍澳popcorn ，地鐵一出站嘅右手邊電梯口嘅位置。每次行過都想order 甜品櫃嘅蛋糕🍰。不過一件細細件埋單都成80元，就真係唔係幾捨得！想食又想平啲啲？嘿，有個好方法🤭 幫襯佢晚市，半價就加購，圍起40元，係咪抵先！望下餐單，晚餐反而好公道，最平98元就有交易，仲有齊湯同餐飲喎，西餐嚟講都okie!! //麻辣醬汁大蝦意大利粉🍝// 未試過麻辣意粉，估唔到幾得意！佢個source唔辣，椒麻比較重，幾開胃，意粉唔會過淋，大蝦都好爽口！98呢個價錢，抵食！//炭燒澳洲穀飼黑安格斯封門柳// 198價錢仲有牛排🥩封門肉味比較濃厚，脂肪不多，相對質感。處理得幾好，無話咬唔到情況。// 蜜柑西瓜蛋糕LIGHT 招牌草莓西瓜蛋糕//試下蜜柑，都好味！好清甜嘅橘子蜜柑味，好清新！下層有西瓜，好爽好味！蛋糕係無麩質，當然無海綿蛋糕咁鬆軟，但口感好好！但要二揀一的話，都會揀返士多啤梨版！
continue reading