Video
Exit E1, Mong Kok MTR Station, Exit B, Mong Kok East MTR Station, Exit A1, Yau Ma Tei MTR Station
continue reading
Telephone
31882660
31882661
Opening Hours
Today
12:00 - 16:00
17:00 - 23:00
Mon - Sun
12:00 - 16:00
17:00 - 23:00
Public Holiday
12:00 - 16:00
17:00 - 23:00
Above information is for reference only. Please check details with the restaurant.
每次去創興$12店都會見到牛站好多人等緊位🤩今次終於拉到朋友同我去食😎為食牛魔王表示無得輸💖7:30前離枱可以用$258就食到SRF美國極黑和牛片個套餐🥰湯底都有10幾款可以選擇，我地要咗好滋潤嘅清甜椰子雞鍋，食完都唔覺得熱氣😆美國極黑和牛片🌟大大片，厚薄適中，肉質嫩滑！美國安格斯牛板腱🌟中間有條彈牙嘅筋，肉味香濃！美國肩胛肉🌟油花豐富，肉質厚實！出邊個自助吧係我食過最多款食物嘅牛肉火鍋放題😍就連麻辣小龍蝦都有得食，蔬菜種類擺滿兩大個雪櫃，可以唔重複！丸類都有好多種，有年糕福袋、企鵝造型嘅墨魚丸、奶皇包味道嘅奶黃丸🥰飲品都仲厲害，有梅酒、清酒、啤酒、羅漢果茶、奶茶、咖啡、茶包、重點竟然有波霸珍珠奶茶🧋為咗食多幾碟牛肉，我梗係飲返佢地冷泡茶😎最後要預留時間食甜品呀，雪糕有Häagen-Dazs、另外牌子有益力多味同海鹽口味😚唔鍾意食一杯杯嘅仲有軟雪糕可以唧，仲有好多唔同嘅雪條！另外一邊甜品櫃有多款自家製嘅甜品，伯爵茶奶凍勁香茶香😌
continue reading
打邊爐愛好者冇理由唔識牛站呢間火鍋店，好出名，因為性價比真係好高之餘，食材種類多又高質，呢日約左朋友黎旺角分店試一試。位置好方便，喺創興廣場2樓，唔洗等嗰架人龍長長嘅lift，扶手梯已經可以去到。 我地預約左7點半，平日，都坐爆哂，可見受歡迎程度極高。 可以用手機落單，非常方便，見有龍蝦頭湯，好特別，所以揀黎試一試。我地揀左2號餐（$298@），係中間價位。實在太多好野食，講下特別印像深刻的。 湯底真係食到龍蝦味，好有驚喜，而且會配有菇。 SRF美國極黑和牛片，脂肪位相對少，肉味相對較濃，大大片。 美國安格斯牛板腱，肥少少，食落油脂好香口，而且肉質嫩滑。 西班牙豬五花片，肥瘦適中，煮耐左都唔會鞋，肉味甜。 鮮甜海蝦，好新鮮，而且好易離殼。 鮮甜沙白，冇沙，大大隻，而且非常鮮甜。 海參，打邊爐可以食海參都係第一次，爽口彈牙。 田雞脾，大大隻，係肉質最豐富的田雞部位，肉質嫩滑。 竹笙釀蝦滑，一向喜歡竹苼和蝦，二合一咁食都係第一次，原來都好夾，好爽口。 手包蝦肉雲吞，皮薄餡靚而且大大粒，充滿蝦肉。 乳鴿，打邊爐都可以食乳鴿，1／4隻份量啱啱好，皮脆肉嫩，好香口。 菜，種類選擇好多，基本生菜油麥菜，仲有冰菜同羽衣甘藍。 甜品選擇好多，啱哂打完邊爐食，楊枝金露，榴槤大福等等。 麻辣小食，辣味好香口，很開胃。 自家制奶茶，香濃幼滑，鍾意飲奶茶就一定要試下。 食完真係會明白點解咁出名咁多客，食完好滿足，仲可以食兩個鐘，夠哂時間，而且上菜又快，冇漏過單。
continue reading
真係要抓住凍天氣嘅尾巴，趕快食多幾餐火鍋放題。友人之前食過呢間，今晚帶我去見識見識何謂”火鍋放題中的天花板”。佔地二樓全層，未入座先見到侍應不斷送食材及湯底，人客滿滿，好彩預先訂咗位。任飲任食120分鐘，三個套餐選擇，今晚係食中間價位 ($298) SRF美國極黑和牛片。入坐安頓好後就行出去拎飲品及”混醬”，有各類冷泡茶，汽水，特色罐裝飲品，連樽裝奶茶及日本果味氣酒都有。白酒，熱清酒，羅漢果茶，熱泡茶可以自己隨意酙特設炸物保溫箱，炸物配凍飲，爽呀。各式丸/腸類，芋絲，巨型蟹柳，蛋餃，凍豆腐，蟲草花，豬紅等整齊等候大家用手機掃二維碼落單，簡單方便。幾款特色湯底，有辣有唔辣，點選椰子鷄鍋，真材實料，有海底椰，椰子肉，紅棗及鷄件，椰香味甜。發現炸物小食類除咗外出自取外，可以點埋炸乳鴿，芝麻鷄翼及鹽酥鷄。 炸乳鴿每客係1/4件，同芝麻鷄翼一樣夠熱度，有驚喜呀。仲食緊隻鷄翼之時，火鍋食材已幾盤幾盤咁上枱。首先有美國極黑和牛片，夠大片。烚完後無咩走樣，肉質鬆軟。一啖一片夠滿足。試埋安格斯牛板腱，較少脂肪位，可以食多幾片。脂肪少唔會令佢入口變嚡，仲係細嫩口感。美國肩胛肉食起黎肉味仲出，仲有牛舌都有濃香牛舌味，私心推介。海鮮類代表有帆立貝，蝦，青口及沙白，以冰粒保持鮮度。仲有竹笙釀蝦滑，唔係咁多地方有得食，外爽內彈牙，仲係吸湯嘅恩物。爽脆墨魚，水魷及鮮魷，全部係口感爽脆嘅代表。蔬菜類款式多樣化，放於凍櫃自己取，特別如紫色羽衣甘藍及水蓮都有，打開咗對蔬菜類嘅眼界。原來紫色羽衣甘藍烚完係咁腍甜，有外貌亦有內涵。食完主菜，其實已經飽到咩咁，但仍然要預留位置比甜品。各式雪條雪糕杯乃是基本野，不過都花多眼亂，哈哈..仲有漿爆糍粑，一咬黑糖漿慢慢流出。冰凍野唔岩食咩?! 又有各式甜品如奶凍，意式甜品，乳酪等。細細杯可以試多幾款又唔怕浪費，個人歡喜伯爵茶奶凍。亦有生果類供應，此時只恨胃口唔夠大。今次跟友人黎試新店，無論食物或飲品方面都多選擇，有D仲係無諗到會有嘅都有，難怪全店差唔多爆滿。
continue reading
想食台式火鍋放題，除咗牛大人之外，其實都有唔少選擇，呢間喺雅蘭中心2/F全層，我叫中間套餐，SFR美國極黑和牛片$298🙈 餐廳有好多個座位，然後有一個好大嘅自助區，有好多款飲品、甜品、台灣小食、菜、唔同種類嘅丸等等，個人覺得佢自助區選擇係多過牛大人好多 幾鍾意佢嘅台灣小食，有蕎頭、魚皮等等😆 都真係好多選擇，所以特別講幾樣個人覺得係比較有特色嘅～ 胡椒豬肚鍋 推介胡椒豬肚鍋，份量好足，湯底香濃，有唔少豬肚同埋足夠胡椒！ 美國肩胛肉肉質新鮮，呈粉紅色，而且食落嫩口～ 羊肉片切到薄薄一片，好快熟～ 花雕醉雞 本身以為係一個冷盤，但原來係要自己淥，但出奇地覺得佢好食，因為醃得好入味，浸完湯之後難得保留花雕雞嘅鮮味同埋香味，唔會比胡椒湯掩蓋，足以證明佢係醃得夠長入味，而且雞肉嫩滑！沙白 沙巴新鮮，味道鮮甜，而且有個細心位係，佢會連冰一齊上，唯一唔好係佢只可以一次叫六隻左右，要分開再叫🤣 脆肉鯇 正常新鮮爽甜😌紅糖糍粑 呢個係第二個驚喜 可以用外脆內軟去形容，外皮薄薄一層，裏面糯米軟腍，紅糖爆汁流出嚟，熱辣辣😍 出邊仲有熱清酒 飲完好暖胃，身心舒暢。仲有各式各樣甜品，例如任食Häagen-Dazs，唔同日本雪糕，各類甜品等等😌
continue reading
前排朋友同我推介咗牛火鍋放題，前幾日咁啱又凍咗好多，所以就即刻去試吓，今次揀咗2號美國極黑和牛放題，包括咗美國極黑和牛片、安格斯牛板腱、海鮮、乳鴿、炸物、餃類等等，另外仲可以出去自助區拎嘢食，有多款火鍋食材同埋甜品飲品，自助區嘅位置好大，就算好多人都唔怕迫～湯底我哋揀咗龍蝦頭鍋，飲落都幾香甜濃郁，啱晒唔食辣嘅朋友😆每款牛肉都幾高質，每一款都好薄，牛味濃郁食落軟腍，油脂分布都平均，自己最鍾意SRF極黑和牛同埋肩胛肉🤤不得不提嘅就係佢哋嘅乳鴿，估唔到火鍋放題竟然會有乳鴿食，仲要係幾好食！乳鴿嘅皮脆脆地，都幾多肉同埋食落好多汁，真係唔錯😋另外仲有個竹笙釀蝦滑好特別，竹笙入面釀左蝦滑，而且仲食到粒粒蝦肉，口感唔錯，同埋當然唔少得我最鍾意嘅響鈴同埋午餐肉🤩飲品款式亦都好多，有唔同嘅罐裝飲品、支裝茶飲、酒類、仲有珍珠奶茶，今次飲過覺得佢哋嘅珍珠奶茶都幾好飲🧋最後當然要留肚食甜品，有唔同種類嘅雪糕同埋自家製甜品🍦🍨
continue reading