Video
4-min walk from Exit B6, Ngau Tau Kok MTR Station
continue reading
Telephone
65885354
Opening Hours
Today
12:00 - 15:00
18:30 - 22:30
Mon - Sat
12:00 - 15:00
18:30 - 22:30
Sun
Closed
Public Holiday
12:00 - 15:00
18:30 - 22:30
Public Holiday Eve
12:00 - 15:00
18:30 - 22:30
Above information is for reference only. Please check details with the restaurant.
About Reward Scheme
經過鴻圖道呢邊，被呢間裝修別緻嘅日式餐廳吸引咗入來！餐廳提供多種日式美食，有鐵板燒、Omakase同埋日式定食啊！於是就決定喺到嘆返餐CP值高嘅Omakase～🌟焰月價錢合理，總共有20品～✨京都湯葉日本腐皮加津菜同埋三文魚籽，風味獨特～✨沖繩白粟米、日本水母配柚子汁、蟹膏豆腐蟹膏豆腐幼滑！白粟米超鮮甜！日本水母好清新～✨北海道生蠔生蠔配搭酸汁啫喱同埋海葡萄，質感特別爽口～✨九洲深海池魚深海池魚卷住芽蔥，表面有蕃茄啫喱，底層仲有寒天海藻麵～✨岩手縣粒貝日本響螺有咬口，估唔到同青檸汁+ Wasabi都咁夾～✨北海道喜之次喜之次表面灑咗黑松露、蒜鹽，連埋底層好creamy嘅甘筍汁一齊食，完美地呈現出蔬菜嘅香甜～✨煙燻拖羅即場煙燻過嘅大拖羅同埋赤身，夾埋紫菜、香脆沙甸魚魚乾同埋紫蘇葉一齊食，層次感滿分～✨梅子素面味道酸酸哋，帶有檸檬香～✨壽司有石坦貝、帶有蜜柑味嘅蜜柑鯛、北海道甜蝦、春子鯛同埋個人最中意嘅北海道馬糞海膽！一放入口，海膽嘅鮮甜味即刻爆發出來～✨吞拿魚蓉手卷吞拿魚蓉加咗爽脆嘅黃蘿蔔整成嘅手卷！壽司飯亦充滿魚油同埋醬油香～✨魚湯魚湯呈奶白色，每一啖都散發住濃厚嘅魚香～✨甜品有奶黃蛋蛋糕、檸檬雪葩同埋抹茶蕨餅～🌟吉列豬肉眼定食吉列豬肉眼超厚切，仲有唔同醬汁可以點！個人最鍾意他他醬～
continue reading
今日落觀塘交文件，路過呢間日本餐廳幾高檔喎，咁耐都冇食過廚師發辦，不如今日試吓啦！😆裏面環境優美，乾淨企理，仲好有日本格調，很不錯！💕我哋叫咗個$980的廚師發辦：焰月湯葉腐皮前菜：上面有金箔，有三文魚子，好吸引，仲有柚子嘅味道好濃郁，腐皮超級滑，配合柚子醬，10分鮮甜😋粟米、日本水母、蟹豆腐白色嘅粟米超級爽甜，粟米香味好濃郁，實在好食，水母嘅質感有啲像海蜇，亦都10分爽甜。蟹豆腐，豆腐好滑，加埋啲胡麻醬，仲有蟹嘅香味，真係非常特別！❤️北海道厚岸蠔、酸啫喱這生蠔10分新鮮，有海水味，但係又唔會send，塊面加埋酸嘅啫喱，味道完美夾到😍深海池魚好香刺身嘅味道，10分新鮮，有柚子啫喱配合，感覺很清新! 下面有海草裝飾同增加口感😛象拔蚌刺身，山椒象拔蚌刺身，爽口彈牙同超級超級鮮甜，令我地好驚喜！😚紫海膽、魚子醬上面有金箔點綴，海膽10分新鮮，超級甜，配合魚子醬，顯得特別鮮甜！😇煙燻拖羅手卷蘋果木煙燻，烘乾魚竿一咬，外面10分脆，有紫菜、紫蘇葉同魚乾嘅脆，煙燻過拖羅仍然好鮮味，有煙燻味，拖羅好厚，口感一流！🥰梅子素面粉紅色的麵條幾幼，好細緻，口感轉煙靭，幾特別！👍🏼石垣貝壽司石垣居牛肉， 10分鮮甜，口感都好爽，一樣超級好食☺️蜜柑鯛食落有淡淡既柑味，油脂味重，掂😎金目鯛壽司，柚子胡椒厚身金目鯛，香魚味，加埋柚子胡椒，這個配搭很創新！🤩獅魚壽司肉質細嫩，魚生10分新鮮🥰海膽壽司海膽份量都幾多，鮮甜有質感，同樣新鮮😎吞拿魚手卷味道調得剛好，醬油唔會太多又唔會少，紫菜脆卜卜，裏面的菜譜亦都同吞拿魚夾得好完美😙魚湯好潔身嘅魚湯，真材實料，完全係魚嘅濃湯🤩江戶前蛋糕、開心果雪糕、抹茶麻薯呢個甜品多種類，江湖前蛋糕好香蛋黃味，開心果雪糕非常濃果仁的味道，抹茶麻薯不苦澀，口感煙靭😍仲有個吉列豬肉眼set 好大塊嘅吉列豬扒，而且炸得好脆，裏面嘅肉唔會太韌，配合為豬扒特別調配嘅醬，加埋少少沙律，非常好食！啲飯係日本珍珠米，粒粒分明，好香飯味！正👍🏼這跟廚師發辦很不錯，老闆和廚師10分用心，經過嘅朋友可以過嚟一次🥰
continue reading
之前去牛頭角菊月町食鐵板燒，今次係食omakase20品omakase $980一位，好豐富好多種類刺身、壽司，好高質👍🏻- 先付 -🥢津菜三文魚子腐皮腐皮滑溜，上面仲有金箔作裝飾，有wasabi調味▫️沖繩白粟米▫️日本水母配柚子汁▫️宮崎蟹仔白粟米淡淡甜味；水母爽口- 季節刺身 -🦪北海道生蠔配上酸汁啫喱、海葡萄，生蠔口感比較爽實🥢池魚刺身 包芽蔥配上蟹醋、柚子醉、酸汁啫喱，底層係海藻麵🥢象拔蚌兩食一部分係炙燒過，較香口；另一部分配上七味粉，鮮甜惹味🉐🥢岩手縣紫海膽原隻海膽😍配甜蝦、番茄啫喱、黑魚子醬，有金箔作裝飾，仲有紫蘇花可以一齊食用，好鮮甜😋🥢煙薰拖羅夾竹地紫菜包住以蘋果木煙薰過嘅大中拖羅、紫蘇葉、魚乾，魚乾微鹹香脆，配新鮮大中拖羅口感層次一絕🉐🍅水雲、水果番茄配可食用菊花🌼清一清口腔，再食以下美食- 手握壽司 -🍣石垣貝柚子汁，口感爽脆鮮甜，好好食🍣伊佐目一樣好新鮮，有魚鮮甜味🍣蜜柑鯛表皮炙燒過，配柚子胡椒，更香口🍣三星漬鰆魚魚肉軟滑，三星漬較濃味🍣海膽軍艦鮮甜好食- 手卷 -🍣拖羅手卷用火槍燒魚油滴到壽司飯中，再加拖羅蓉、黃瓜等配料撈勻，口感超正好有層次🉐- 吸物 -🐟魚湯奶白色超濃郁，好正🤩🉐- 時令果物 -🥭芒果雪芭💛蘭王蛋玉子燒💚抺茶蕨餅🚩菊月町 (觀塘) @2017_chutsuki_sushi 📍觀塘鴻圖道23號利登中心地下1號舖
continue reading
今日同朋友去食廚師發辦，超級期待！廚師好有心，每一道菜都為我哋講解，而且食物賣相唔單止精緻，而且仲好高質。六腐皮、津菜、根子味道清甜，撈埋一齊食感覺好fresh。前菜：粟米、水母刺身、宮崎炸蟹粟米清甜，水母刺身爽口，配柚子汁幾開胃。炸蟹好的骰，十分香脆。章紅魚刺身肉質鮮嫩，富有彈性。北海道蠔生蠔肥美，配搭酸汁啫喱，令人大滿足。日本粒貝（響螺）食落好新鮮同好有咬口。紫海膽（配魚子醬、蕃茄啫喱、北海道甜蝦）時令海膽鮮甜，十分鮮味。拖羅一次過食到蘋果木煙薰嘅拖羅同大拖羅刺身，外層仲有沙甸魚魚乾再加埋紫蘇葉、紫菜，夾埋一齊好好食！山芋水雲水果蕃茄配山藥蓉加埋豆腐手握壽司有赤貝、鰆魚、鰤魚、司魚等等，師傅仲好貼心，問我哋想要多飯、正常定係小飯。膠蝶一款生一款熟，一同進食都會感受到非常鮮味。北海道馬糞有一大排海膽已經好吸睛，而且海膽嘅味道非常濃郁，外面既紫菜好脆，真係好好味！鮮魚湯用新鮮魚淆成，味道濃郁。食完仲有甜品！一次過就可以食晒芒果雪糕、抹茶蕨餅、日本蛋糕，正！
continue reading
近排朋友介紹咗一間性價比高Omakase餐廳，今次試左焰月共20品Omakase套餐。先付🔹日本湯炎：腐皮薄嫩，入口細滑，配搭津菜、三文魚籽，加左Wasabi調味，味道酸酸甜甜，加入金箔做裝飾更顯奢華感。🔸山葵魚板：魚板口感彈牙，山葵漬微微辛辣，蘿蔔葉帶來一絲清新感。🔹柚子汁海蜇：海蜇爽脆，搭配酸酸地嘅柚子汁，口感清涼。🔸長崎炸蟹：細細隻，炸得薄脆而不油膩，口感酥脆。季節刺身🔹北海道厚岸生蠔：生蠔大大隻，肉質肥美鮮甜，入口濃郁海水味，酸汁啫喱增添淡淡清爽酸味，加上爽脆海葡萄做點綴。🔸岩手縣粒貝：粒貝經輕火炙，邊邊焦香，肉質彈牙鮮嫩。搭配生七味粉，辛香微辣的調味突出粒貝肉鮮味，底部海藻麵爽口。🔹鹿兒島鰤魚刺身鰤魚火炙後油脂豐富，與三升漬帶來的微甜與微辣和芝麻的堅果香氣相輔相成。🔸岩手縣紫海膽海膽甜美，入口即化絲絲綿滑，加入甜蝦蓉柔滑細膩，魚籽醬和紫蘇花點綴在表層，帶來微鹹和清香感。🔹吞拿魚卷用左2種吞拿魚做，拖羅用蘋果木煙燻，赤身用Wasabi調味，白飯魚乾超級脆，配搭紫蘇葉一齊食，層次感豐富。食壽司之前清一清喉嚨 - 水雲 /水果蕃茄/山芋蓉壽司：🔸象拔蚌：口感爽脆，搭配柚子汁嘅酸香，帶出象拔蚌鮮味。🔹鮫鰈魚：炙燒後魚油香更加濃郁，鮫鰈魚肉質細緻滑嫩。🔸深海池魚：魚肉柔軟細嫩。🔹梭子魚：炙燒後表皮帶有微微焦脆嘅香氣，肉質有彈性，配搭柚子胡椒。🔸海膽：入口即化，口感鮮甜。🔹吞拿魚手卷：制作用心，吞拿魚蓉加上吞拿魚魚脂，口感有驚喜。魚湯用上白身魚熬煮，湯底格外清澈，湯頭滑順而鮮甜。甜品🔸蘭王蛋江戶前玉子：玉子蛋糕軟嫩輕盈，充滿蘭王蛋的濃郁蛋香。🔹抹茶蕨餅：蕨餅柔軟Q彈，充滿抹茶香氣。🔸芒果雪糕配心形最中餅：芒果雪糕香濃，搭配心心形狀最中餅，輕薄酥脆。
continue reading