詠藜園四川擔擔麵

Open Now

Now Closed

對詠藜園一直都有幾好嘅印象, 因為之前會去鳳德村間老舖食, 佢嗰碗特濃味道嘅擔擔麵一直令我印象深刻! 今次去到位於黃埔的分店, 只覺味道不及老舖, 擔擔麵只係一般, 湯底較老店稀, 味道都淡左, 花生落得唔夠多, 醋都係, 所以唔夠酸, 唔夠味! 雞絲拉皮嘅粉皮好淋, 好似食緊河粉咁, 溝埋花生醬食好似食緊糊仔咁嘅感覺! 唔好食 小籠包都係一般, 包喺入面嘅餡, 即係豬肉就只係得豬肉味, 包之前無調過味咁, 入面嘅湯都唔夠多, 無必出嚟嘅效果.... 不過服務就唔錯, 同埋碟上海粗炒都叫做幾夠鑊氣, 加番些少分, 先唔駛我俾過喊臉佢, 但係我沒有打算去呢間食第二次呢

一心想去食好野, 想起去黃埔, 因為蔡瀾美食坊喺嗰度, 蔡生介紹到..想必係唔錯結果係... 食物質素唔好.. 或者係唔夠好, 因為可能出面會仲好食..例如唔知點解油蚊筍會好咸, 正常係甜甜地既蠔油味嚟, 筍係好大條, 但係其實真係細條會好食好多..砂鍋津白唔係喺個砂鍋度, 係喺個大湯碗度, 火腿唔係金華火腿, 係金妹火腿, 雖然個人口味唔同, 可能有d人鍾意食呢種火腿... 個湯咸少少, 唔係太大問題, 不過唔係好夠味..雞絲拉皮用上青瓜絲, 但係好少, 拉皮既皮唔好味, 唔係太滑..俾ok, 係因為服務唔係差, 而且其實又唔係真係好難食, 只係如果入得嚟蔡生既竇, 只會令大家過高既期望, 得唔到實現而已

由年初至今,這回已是第二次前往大酒店了,是次與一班同事一起悼念某同事的亡母,氣氛好不愁雲慘霧。離開大酒店後,各人已各散東西,為了令自己回復舒暢的心情,最佳的方法是吃點東西吧！ 在大酒店悼念的同時,可能未能完全投入精神悲傷,腦海中老是想著擔擔麵,很是覺得對同事亡母的不敬。 離去後,徒步往附近找有擔擔麵供應的食店。川菜不知何時已成了紅磡的標記,很久沒有吃過擔擔麵了,擇日不如撞日,既然身在黃埔,便選擇馳名擔擔麵的詠藜園吧! 這晚等位的場面有幸未能看見,當然找到個靠牆單邊四方檯便坐下來，貪其夠寬闊。坐下來後便隨即向侍應點了以下五道菜色: 擔擔麵(大辣及不辣)($18x2):沒有翡翠拉麵小籠包的酸辣味道,那是一種以麻醬為主的湯底,並附加蝦米碎、花生碎、辣油、肉碎及葱花而成的一碗大辣擔擔麵。排列得完整的擔擔麵條半浮半沉在湯面上,可能有些人會喜歡弄散麵條然後沉放於湯底內。但當麵條浸得過久便會發脹而變得較稔身,所以當侍應把擔擔麵放在我跟前時,即已最快的速度將沉底的花生蝦米肉碎輕輕淋上麵條上,好讓麵條還未變稔之前快速吃完。麵條質感並不是爽口的,但卻很滑口; 麻醬湯底頗濃杰; 蝦米碎及肉碎剁得很細碎,但略

蔕對仔女去 jusco買米, 咁順便食埋擔擔麵啦.點了擔擔麵 - 不辣 (for children, they said good)擔擔麵 - 辣 (for me, good, 再辣d會好d)小湯包 - above average上湯豆苗 - 其實是溫室翡翠豆苗...ok啦對仔女好鍾意食杏仁豆腐ga , 我話, 食晒d嘢就比佢哋一人一碗, ...兩碗鮮果杏仁豆腐, 店員一送來 對仔女好開心咁話”すごいきれい！”(超靚呀!) 睇佢哋笑晒我當然都開心晒啦!d鮮 果唔係罐頭嚟ga, 有密瓜, 橙,蘋果 & 波蘿, d 杏仁豆腐仲掂! 總之係我食過最好嘅!搞到我即刻試埋個 手磨(即磨?)紅棗合桃露, 都掂! 唔係" 杰 韃韃, 甜到嘔" 嘅 即沖貨, 好幸福呀! 以後唔會剩係食碗擔擔麵就走啦! ***鮮果杏仁豆腐 只賣 $15***手磨(即磨?)紅棗合桃露 只賣 $12

之前睇電視成日介紹，終於去左試試啦~我聽人講哩間野次次都要排隊，我已經一早訂左.8:00，不過訂左都要等成半個鍾。入到去佢會沖壺茶比你，另外加兩碟小食。一坐底肚餓到不得了，叫左一碗擔擔麵$18，一個涼拌青瓜$32，一個小湯包$29，一個媽咪蛋抄飯$38。最先黎既係涼拌青瓜好正小小辣又爽又新鮮，個擔擔麵好入味，不過真係好小麵兩啖就食晒，個小湯包入面d湯好清好好味。當我地食完哩幾樣野就開始好期待個媽咪蛋抄飯，不過得左好耐，又吹過佢地好多次，佢地不停咁話整緊整緊，點知最尾都得左成半個幾鍾先有得食~不過雖然等得好耐，雖然係好普通既抄飯，不過真係好好味，d飯一粒粒又唔會好油，。所以成餐都好滿足呀~

星期六放工後兩口子相約到黃埔睇戲，買了戲飛，已是下午茶時間，離開場還有個多小時，最o岩就係去醫肚！毛毛一向愛四川菜，剛從四川公幹回來更是念念不忘。黃埔剛好有想試好耐的詠藜園，兩口子很有共識地一同步往。館內人數不多，畢竟已是三點幾了。坐下後服務員第一句說話便是「我哋last order，仲有幾分鐘，你哋快Ｄ揀好嘢食我幫你即刻落」。亦因為這句話，我們毫無考慮一直點，完全沒有理會能否吃光光。最後我們點了 6 個 items：肉絲炒年糕：年糕非常煙韌，但不知是否趕時間的關係，年糕及其他配菜也不入味，汁還汁、餸還餸，只是後期我們把它待久了再吃才慢慢入味。原湯抄手：湯底好濃好香，很多蝦米仔令入口時有點點刺口的感覺，但又沒太多味精，吃後不會口渴，真難得！抄手皮薄肉香，可惜皮太大，包著少少的肉令餘下的雲吞皮範圍太大，一口吃下的話會分薄了肉香感。雞絲拉皮：醬很足，但可能醬不夠香，而青瓜亦相對較少，吃下去只覺有點張口，吃不出應有的層次感，是較失望的一味。担担麵：麵幼身得來卻很彈牙，花生醬亦夠多。但本身是比較愛吃甜的，不禁認為那個醬少了甜的層次，土瓜灣的小店會比這裏出色。小湯包：一打開籠蓋便見到包子的皮皺皺

詠藜園擔擔麵嘅大名, 一早有聞, 終有機會一嚐, 結果頗為失望.麵用公雞碗來, 份量不多, 一試, 不夠熱, 唔好. 味道方面普普通通, 雖不至於難食, 但感覺是過譽了一點.蒜泥白肉是當晚最好味的一味, 白肉片得薄薄的, 肥瘦相間, 與蒜泥豉油同吃, 風味甚佳. 但覺美利堅的較難忘.三鮮湯年糕, 湯及料皆不及王家沙, 有點失望. 叫了一碟肉未四季豆, 也是可以而已, 沒甚驚喜.甜品要了高力豆沙同酒釀丸子, 高力豆沙是即炸的, 可口. 酒釀丸子相教下就較平平無奇.可能冇要到佢出名嘅菜, 但碗招牌擔擔麵真的普通得無話可說. 後話: 想了好久應給予ok 定喊, 因為可能除去其他因素, 佢係ok嘅, 但對我來說, 真係覺得一次就夠. 王家沙, 美利堅, 祥記, 金滿庭.... 都較好味.

最近不少食肆都標榜自家之廚師乃清朝御廚之後人，身懷祖傳秘技，大吹大擂以招來客，好不嚇人。不幸地，詠藜園也是同屬一伙……按有關禦膳房資料記載 : 「查紫禁城內到底有多少膳房，尚無準確統計的數字，只知大大小小的宮院裏，都有各自的膳房，另在圓明園、頤和園等禦園內，也設有禦膳房，數目之多，令人咋舌。據史料記載，僅僅養心殿一個禦膳房，就有幾百人之多。還有“額外招募廚役”多人，如某王府、某大臣或飯莊所制菜點，一旦為帝後所賞識，即招其廚入宮。而實際上，有的人每年僅做一二次菜點，有的甚至從未傳制一菜一點。」關於皇帝飲食，在末代皇帝 - 溥儀一書亦有描寫：「所謂“食前方丈” 和 “玉食萬方”，在一般人想象中，天廚珍供，縱非民間傳說的龍肝鳳髓，亦必是在材料上水陸雜陳，無所不有；在烹調上，煎炒烹煮，花式繁多。事實上大謬不然。 先說材料，平淡無奇，以豬肉、羊肉、雞、鴨為主，海味極少，鮮魚罕用；素菜配料，亦不過口蘑、白菜、菠菜、山藥、茨菰、蘿蔔、豆腐、豆芽之類。不但比不上河工、鹽商的飲食，就一般富家，亦比上方玉食來得講究。 談到烹調方法，更是簡陋粗糙，大部分都是預先燉好，盛於黃砂碗中，移置鐵板之上，下燃熾炭，碗

2月4日晚同女人去左黃埔美食坊既詠藜園, 去到見間間鋪頭都唔係好多人, 詠藜園仲唔駛等就有位, 同以前蔡灡美食坊年代人頭湧湧差好遠…..我地叫左一碗擔擔麵, 一碗改良擔擔麵, 一客小籠飽, 一客生煎飽, 同埋一碟炒菜。究竟擔擔麵同改良擔擔麵有咩分別呢? 答案係改良版除左貴10蚊之外….都無咩太大分別, 係D湯既味濃D, 油D, 同埋多左D肉碎, 基本上都無咩好大分別, 而且食落仲好似差過以前, D湯好似水汪汪, 以前比較”傑”, 不過D麵都OK小籠飽就…..真係謹謹及格, 樓上王加沙好過佢, 同鼎泰豐就更加無得揮!!! 生煎飽同炒菜都係普普通通, 整體既感覺係比以前差左, 所以我同女人都覺得…佢依家唔使排隊係有原因既。

因工事繁忙，到年初九才往紅磡嬸母家拜年，隨後與嬸母共敘午餐於詠藜園。可能不是週末週日，今午不難找張檯子。擔擔麵是必吃的，要了少辣，另加楊家小湯包，一口鍋貼，椒鹽小黃魚和上湯豆苗。楊家小湯包原來是小籠包，餡料調味恰當多汁，四個賣十九元，亦不貴，一口鍋貼有五隻，做得很精緻纖細，味道一流，終於擔擔麵來了，要小辣的湯底，辣味慢慢鑽進喉嚨，很是刺激，爽滑的麵條伴著花生香味的湯吃，也很可口，可惜是我們忙於談話，麵放涼了一點，味道打了些少折扣，上湯豆苗份量頗多，上放有些腿茸，豆苗炒得很翠綠，最後來的椒鹽小黃魚，炸得香脆金黃，魚皮與魚肉連著吃，雖有丁點兒腥，也吃出其鮮，火路炸得剛好，然而吃不出椒鹽的調兒。以往曾多次想到這店光顧，但每次都因人多，而不得要領，今次也許托地主嬸母之鴻福，初嘗名店美食，幸哉！

when me and my mom arrived we were wondering if those 2 restaurants are different. but when i realized they were delivering food from the main shop, then i think it's the same. we looked at what others ordered and we also ordered the "little soup bun". it's ok but i wished it was served a bit hotter.then we also ordered the fried preserved vegie with "lin go"... i like this but it's only my own opinion that i like the "lin go" to be sliced and not in a roll. taste was a bit salty. next we had th

改良版擔擔麵 - 份量不多,汁的味道OK,改良版加咗D肉碎,味道唔錯醉豬手 - 最驚喜,豬手爽,酒味好濃紅油抄手 – 辣咗DD, 不過味道尚可糖醋魚塊 – 一般,同其他食肆冇乜分別雞絲炒擔擔麵 – 非常失望, 好似去飲最後上的乾燒伊麵, 炒埋一pat,完全唔掂

22日為考試完結日真的謝天謝地.....考至晚上8:30人累之餘...肚子都很餓為慶祝考試完結決定吃餐豐富的dinner一家三口相約在此來個dinner未坐下就發現服務極差!在門口企了幾分鐘都沒有人出來安排座位...最後要自己行入店內找manager....坐下後同樣沒有人來serve..要三催四請才端來茶水碗筷...menu更要自己問隔離檯借....= =自己要了一個改良版擔擔麵發現原來不是很大碗湯汁是泥黃色....重重的花生醬味道加上肉碎~麵的份量不多對於處於飢荒狀態的我來說...實在不夠!於是是order多一碗....好像參加大胃王一樣...=v=babamama二人要了薑米蛋炒飯也不是很大碗看見他們每人分了2碗就吃完了味道應該不錯鱔糊...~汁太杰....不過味道不錯~而且鱔多~尚算抵食!清炒溫室豆苗....一個字:貴而且豆苗是溫室....莖太幼...有點像吃芽菜仔....不大碟...~不過炒得好...沒有炒至太老~小湯包$19有四個不覺得有什麼特別~....像普通小籠包一樣....埋單$220吃得不是很飽卻吃了一餐美味的~貴精不貴多吧!

同一班瘋人惡拼Lego大戰~要找個地方醫肚了...真的很浪費體力就到了詠藜園~~試試傳說中的那碗擔擔麵吧~來時還好沒有太多人~~可能同這陣子的經濟有關吧~見經理也對熟客唉聲嘆氣~午市的套餐$88 - 有2麵 + 1小菜 + 1包點..但甜品飲品皆要加錢~小比當然老樣子單點啦!拍黃瓜~到那裡都會吃~但這樣是切成鋸齒狀再淋上蒜蓉辣醬不期望黃瓜會入味~但只論醬~這個加入醋的甜酸蒜辣醬~又不錯的擔擔麵也分改良版不~小比是辣版擔擔麵~大比要不辣的改良版改良版就要多加了肉碎群~但個人而言也不喜歡這樣湯蓋麵的水浸擔擔麵麵質是自家打得不錯的~湯就不會過稀過糊~整體的湯底材料比例很不錯但又不算是傳說~但above average的向來辣一口甜一口的紅油抄手~這兒是較側重於辣的那方小比就較愛這裡的抄手~但大比說較愛甜一點的那種小籠包是必點的評核點心~皮薄不穿湯汁夠多~但小比略嫌肉顆粒大了點點不夠浮湯~但味道也屬中上水準~~~~幸好大比覺得我的辣版麵也吃得落口~所以幫忙清了大半~要不是就浪費了~還差點點甜品做結尾啊........這裡的下次再叫.........今次去....整個美食大樓~這間算是有特色得來

出奇地，星期日晚來，但店舖居然唔爆。唔知係咪生意真係差咁多！擔擔麵的花生碎好像比以前少了~退步了麵底還可以啦，又不是真的人人說得那麼好吃！((不過總好過點其他麵食~而且18蚊來說也不算貴))但如果比其他某些食店的麵來說，它算不錯了！醉雞，個人是蠻喜歡的，因為酒味夠糖醋魚塊，也是讚賞的一樣食物不會太酸也不會太甜，幾開胃，而且魚塊的un度剛剛好只是份量有點少而已！無骨鳳爪，麻麻地而已沒什麼味道，就像食緊一舊硬少少的啫喱，但．．．沒味道的！雖然不是難食，但似乎o係呢間食店出現呢咁的野，差左D啵！服務方面，也算不錯啦，waitress好健談，會撩你傾計的....哈哈加水方面算好快！！