囍越 (Tuen Mun Town Plaza) (Closed)

要食越南野，屯門真係有唔少，但係講到好食呢又好似冇囉。今次經過就試吓決定幫襯你，中午時分已經冇乜生意，但係都冇人理你，舉左隻手幾次職員都好似當睇唔到。算啦可能剛剛開工未瞓醒掛，最後點左一個生牛肉湯河，價錢一啲都唔平，以咁嘅價錢我諗應該有返咁上下質量掛，嚟到嘅時候嚇死我。牛肉得嗰幾塊，話明生牛肉河，上枱嘅時候已經係全熟，個河粉份量又少，算啦試吓你個湯底啦。食完之後超級口渴，咁我已經知道係咩事啦，唔怪得人數真係反映質量，平日嘅中午時份都冇一半人中伏

經常會到屯門行街食飯睇戲，但到呢間越式餐廳進餐都是第一次，見到食物既價格都還可以就一嘗佢地既晚餐！寒冬最岩就係飲啲熱飲，最好有薑可以暖暖身，我地就點左桂圓生薑蜜，薑味都幾出但又吾會太嗆！朋友要左個越式南乳豬手湯檬粉，豬手有三大件，十分腍滑！南乳味好入味，剛剛好！我點了椰漿海鮮飯，面頭有滿滿的椰漿及海鮮，下面就乾爽既炒飯海鮮都幾多下，有魷魚、帶子粒、蝦等等，將椰漿同飯撈勻就可以食得，甜中帶點清新～仲點左一個小食，胡椒蝦有8隻好多胡椒啊，其實可以連殼食，好香脆，但都會有點辣！吾少得芒果糯米飯作甜品，糯米飯熱烘烘好煙韌，如果芒果再甜啲就完美了！值得一提係餐廳既侍應都服務好細心又有禮貌，會令食客食得更舒服！

這是我吃過最難食又最貴的一餐 , 炸豬扒吃下去一點味道都沒有 。28 $ 一杯的熱飲仲甜過糖水我一口都喝不了 。 沙律拼盤三件野入邊得一件野 ok ( 雞 ) 其他兩件都好難食 。 豬手餐牌上有圖片正常顔色 , 來到不知為何是橙色的 ! 很恐怖 !

屯門食飯真係唔多選擇 咁岩約朋友食飯 我又想食越南野 佢想食泰國野 咁就近近地去左屯市食間越南泰菜（屯門可唔可以開多啲啲越南小店丫😭）沙律拼盤 😋：7/10一次過可以試哂3款沙律 最岩兩個人食飯喇 有豬頸肉青木瓜沙律，鮮蝦柚子沙律，雞絲沙律，每款都好新鮮同爽口 係一個好開胃既小食原個椰漿焗飯 😋: 6/10有睇開就知dor最鐘意一啲用食物黎做器皿既野架喇 咩南瓜盅 多士焗飯 農夫包 菠蘿炒飯就最岩我 見到有椰青焗飯即時心心眼啦 椰汁味都好香 可惜個飯乾左少少 扣左少少分 份量都好大既越式粉卷拼扎肉 😋: 6/10呢度既扎肉係好厚切 而且有豬耳喺入面既 增加口感 粉卷入面有肉碎同馬碲粒 本身冇咩味 但點埋魚露就好好食喇 最鐘意係配菜既醃蘿蔔 酸酸味味好好食反而個生牛肉湯河就要改善下喇 因為啲牛浸左喺湯太耐 上到枱都熟哂喇 下次可能叫牛肉另上會好啲 兩個人食左5大碟野好滿足 下次試埋個芒果糯米飯先

屯門好吃越南菜的餐廳愈來愈少，從前我和媽媽就喜歡吃小巴黎，不過小巴黎這兩，三年真的差到不得了，近年囍越取代小巴黎，成為我們屯門越南菜的新寵。飽滿的越式炸蝦餅是我最愛的飯前小食之一，光看蝦餅已經覺得滿厚的，相當彈牙，吃起來蠻有嚼勁，而且蝦味挺濃重鮮美，沾點甜酸醬後讓人想一口接一口。另外香芒軟殼蟹米紙卷使用透彈的米紙卷把香甜的芒果，酥脆的軟殼蟹整個打包進來。裡頭有著滿滿的生菜，米粉，以及切成絲的蘿蔔，金不換，搭配極特調的魚露醬汁吃，多重口感，鮮香十足。鮮蝦柚子沙律吸收了海鮮的滋味，運用大量蝦乾，花生香料醬汁入饌，酸酸甜甜的柚子肉與彈性極致的蝦肉彼此交融，令我們吃到鮮味的層次風味，每一口都是全新的開胃享受。媽媽素來愛吃這裡的菠蘿海鮮炒飯，炒飯呈現漂亮的色澤，香氣十足且粒粒分明。飯中還有好幾尾肥美的蝦隻，滿是爽彈的迷你帶子，盡收口中。我們可恣意把肉鬆，腰果加進炒飯裡，變成自己喜歡的口味，集視覺，味覺於一身，多可口。炒飯旁邊有新鮮火炙過的菠蘿塊，而火炙過後更能帶出菠蘿的甜味與香氣。我的心水之選則是順化鮮茄牛腩河粉，每次來必點的之一，這次吃的牛腩跟往常熬煮得極度軟腍好咀嚼，配合鮮甜的蕃茄，蘿蔔湯頭

自從西鐵開通後，屯門已不是一個遙不可及的新市鎮。假如由紅磡乘坐西鐡到屯門只需三十多分鐘便可到達！由於已有數年未去過屯門，所以對於屯門都有點陌生。但今天因公事，全日都會逗留屯門，事前便向住在屯門的朋友打探一下，去那裡搵食。朋友推介了數間食肆，下午的午餐就決定到屯門巿廣場的囍越吃越南菜。從西鐡站經過V City, 有一條直接連接廣場的天橋，步行數分鐘便到達商埸！原來餐廳是 LUBUDS 集團旗下的餐廳，姊妹店還有日式餐廳「穴」，「今鮨」，「天穴」、「鮨穴」等。這個是午市套餐，供應時段為星期一至星期五11:30-14:30，凡惠顧套餐，可以$18 配一款小食，涷飮加$3，特飲加$8，冬日生姜蜜加$14。生牛肉湯河粉（$58/Lunch set）👍👍👍👍每次到越南食店，pho 一定是我必點的，簡簡單單的一碗湯河，但就充斥著多重的味道。牛肉河粉份量很大，我先喝一口湯，牛肉味濃郁鮮甜，還滲透着羅勒和其他香菜的味道。牛肉鮮嫩，入口軟滑，充滿牛肉味，最喜歡吃半生熟，牛肉淥得還是嫩紅的時候，一整片放入口，滋味沒法擋。河粉幼滑，可配合另外附上的芽菜一起吃，加添爽口和清新味道，口感更豐富。小吃-絲網春卷配生

自從西鐵開通後，屯門已不是一個遙不可及的新市鎮。假如由紅磡乘坐西鐡到屯門只需三十多分鐘便可到達！由於已有數年未去過屯門，所以對於屯門都有點陌生。但今天因公事，全日都會逗留屯門，事前便向住在屯門的朋友打探一下，去那裡搵食。朋友推介了數間食肆，下午的午餐就決定到屯門巿廣場的囍越吃越南菜。從西鐡站經過V City, 有一條直接連接廣場的天橋，步行數分鐘便到達商埸！原來餐廳是 LUBUDS 集團旗下的餐廳，姊妹店還有日式餐廳「穴」，「今鮨」，「天穴」、「鮨穴」等。這個是午市套餐，供應時段為星期一至星期五11:30-14:30，凡惠顧套餐，可以$18 配一款小食，涷飮加$3，特飲加$8，冬日生姜蜜加$14。生牛肉湯河粉（$58/Lunch set）👍👍👍👍👍每次到越南食店，pho 一定是我必點的，簡簡單單的一碗湯河，但就充斥著多重的味道。牛肉河粉份量很大，我先喝一口湯，牛肉味濃郁鮮甜，還滲透着羅勒和其他香菜的味道。牛肉鮮嫩，入口軟滑，充滿牛肉味，最喜歡吃半生熟，牛肉淥得還是嫩紅的時候，一整片放入口，滋味沒法擋。河粉幼滑，可配合另外附上的芽菜一起吃，加添爽口和清新味道，口感更豐富。小吃-絲網春卷配

大概2:20pm喺屯門市廣場，見What The Pho2:30pm開始下午茶，咁等埋嗰10分鐘試試。兩個人叫咗一個生牛肉湯河加一個香矛咖喱牛腩飯，平均每份都只係＄50（凍飲加$3）。以為下午茶個Portion會好細啦，嚟到時先知自己錯哂。先講講個生牛肉河先，個湯底好濃加上河粉尚算滑但係唔夠熱，牛肉一半生一半熟，整體都算可以嘅。另外咖喱牛肉飯份量算多，咖喱汁唔算太辣而幾香添，牛腩同啲肥膏都好林好入味同埋碗飯夠哂熱。下午茶嚟講都好抵食吖，兩個人一百蚊到都飽哂~

Yoho Mall 內的餐廳跟屯巿相若，走到屯市那邊覓食的時侯，當然要找家不一樣的餐廳。而屯市的越南菜鮮有選擇，囍越是其中之一，之前光顧過，味道挺不錯，價錢亦屬親民，午餐就決定再嚐一次。 週末午飯時間光顧的人挺多，需要取票等候安排入座，但礙於開放式的用餐區分開了兩邊，中間的走道太多過路人走過，站在一旁等候也非易事呢。 餐牌內的選擇挺多，大堆頭得有點眼花撩亂，建議等位的時候可趁機篩選一番。 燒香茅豬扒湯河 $58 豬扒跟湯河分開呈上，不用怕把豬扒浸泡過頭而變得味淡。早已碎上的豬扒足足有一整塊的份量，香茅醃製得挺入味，加上乾蒜片和蔥蓉，吃下是惹味的，只是略嫌烹調得有點乾身，肉汁稍稍欠奉而已。河粉滑溜，不會煮得過腍，加上份量也不少，足夠二人分享。 黃金墨魚粒蝦餅 $68 老公愛吃香口炸物，於是來個炸蝦餅。表面炸得金黃的蝦餅切件而上，不過吃下油溢味挺重，未算是很可口，中規中矩，蝦餅口感彈牙，稍稍補償了油溢的問題。而伴碟的辣醬挺香口，提升了蝦餅的惹味程度。 燒香茅牛肉蝦片 $62 到越南餐廳，最愛點上牛肉蝦片。香茅牛肉加上蒜片，香氣十足，牛肉份量非常澎拜，幾乎遮蓋了整塊蝦片，

去開屯門市中心附近，見到OpenRice食評都唔差，就即管去試一試啦！食物質素的確不錯，不過服務態度就超差！入到去，明明係個經理擺枱櫈的問題，就賴我地坐得唔好，影響佢第二枱擺位。上菜速度係幾快，不過收碟仲快，呢頭夾完最後一舊，個頭就收碟啦，配菜都未夾完！到埋單仲衰，收銀個個先生係咁趕你返埋位，係咁講「唔該你返埋位坐」，明明見到其他人都可以行出去埋單，而你又唔會趕佢走，但佢趕我走喎食物質素的確幾好，不過服務態度就

我同男朋友行過去呢間食，我地後生好似唔想招呼咁坐低水都冇杯，走個陣見到人地岩岩入枱都會有水。呢個都唔係嬲嘅重點，男朋友碗野黎先，我個碗冇咁快到，佢食完我個碗都未黎。小食都慢，最後先黎。佢食完就有人黎話收走佢，細碗都攞走埋，咁趕做咩？都算啦，我都食完，佢地枱上面有支食撈濛嘅魚露，上一個問我地啲野到齊未，我地話到齊啦，就收曬所有野，好似趕我地快啲走咁。跟住又黎多個人收埋支魚露汁，痴線。好，到張comment card，嗌埋單先有卡、寫都唔寫切，我都未寫好就收走張卡，滴曬汗。我最後講左句我都未寫好，個staff都冇理。真心嬲，去過呢間集團其他餐廳食，第一次遇到咁差服務。

係屯門行完街想食野，行過頂樓就見到呢間新開既越南野，入去試下先！餐廳座位分開左2邊，中間比商場行人路隔開左。座位唔算太舒服，加上空間有限，坐落都幾迫。當日二人叫左豬排撈檬、柚子沙律、越式牛河、炸春卷。大蝦柚子沙律醬汁好香麻油味，大蝦肉食落好爽口，唔算太霉，柚子撕到一粒粒，好好食，前菜一流！豬排撈檬上面有啲炸蒜粒，撈汁就自己落既，可以根據自己喜好加多少，汁就偏酸甜，微辣，略嫌唔夠辣。 豬排炸得好香脆，啖啖肉。檬粉加埋啲汁食好開胃越式牛河、炸春卷牛河既湯底好清，用牛角熬製，配料有牛肉，牛展，牛肚，配料唔算出色，但算合格，牛肉半生熟，牛展有咬口，惟牛肚無咩味。炸春卷即叫即炸，黎到出哂煙，入口好香脆，春卷入面有雜菜絲，點甜酸醬食好好食。

今天到屯門工作完畢後已經兩點多，於是到商場找點吃的。見到這店下午茶時間人不多，剛好我想吃湯粉，就選這間吧！下午茶由$46-$56元不等，選擇很多，有湯粉，炒粉麵飯等，還可以加$18配小食 (炸雞翼，網紙春卷，扎肉或青木瓜沙律)，及再加錢配特飲。我選了豬耳扎肉牛丸湯河，另加了$18配網紙春卷 (配生菜)，餐飲選配熱飲不用再加錢。湯粉很快送到，賣相非常不錯，而且芽菜及青檸另外用細碟送上，芽菜便因為不會泡在湯汁裡太久，所以特別爽脆。湯底味道不算太濃，而且有很多芹菜碎，非常惹味。豬耳扎肉很特別，豬肉底再加上彈牙的豬耳及胡椒粒，非常好吃。牛丸不算很大粒，不過很彈牙。河粉份量多，不會太碎及太淋。網紙春卷亦很快送到，生菜非常新鮮爽脆，我沒有將它夾著春卷來吃，反而放到湯裡吸收湯汁。春卷熱辣辣的，非常脆口美味，春卷內的饀料爽口美味，伴著魚露來吃非常不錯。

周末黎到屯門真係人多擠迫，帶埋小朋友出門要搵間佢地都岩食又坐得OK嘅餐廳有時都唔係咁易。阿女鍾意食面，又唔想成日淨係食西餐意粉，越南野其實係個不錯的選擇。今日中午12點去到餐廳都開始多人，但好彩仲有幾張枱剩，我地兩家人大大細細都已經八個人！最後幾張枱拍埋就比左我地了人多好處就係可以叫多幾款食物，今日叫左以下：一碗火車頭，一碗蕃茄牛腩河，一碟魚露什菌肥牛炒金邊粉，一客原個椰青海鮮焗飯一客香芒軟殻蟹米紙卷，一客木瓜沙律，一客馬拉盞通菜，一客咖喱牛筋腩煲四大兩小（三歲）兩B（飲奶）食到捧住個肚走火車頭湯底好正！唔會淡口，但又唔係味精湯咁！就係鍾意呢隻湯底味！碗粉亦十分足料！每款配料有成兩三舊，包括爽口牛柏葉，嫩滑牛筋腩，滋味牛丸，薄切生牛肉，仲有個應該似係牛腩片，十分豐富！呢個就係叫火車頭的好處，乜都有得食啲。芽菜青檸另上至於蕃茄牛腩河個湯底都好濃郁杰身，蕃茄味好濃，酸甜開胃，而且牛筋腩好冧好好食！魚露什菌肥牛炒金邊粉朋友讚口不絕，我自己就略嫌少許油，但其實炒粉面預左係會油啲，佢實屬正常範圍，只係我比較怕肥。原個椰青海鮮焗飯，又係我另一至愛，最鍾意叫啲原個乜乜物黎食！一黎個賣相已經好吸引，而

係屯門市廣場睇完戲 就係商場搵野食 今次就試下呢間越南野 牛柳粒好入味 夠哂冧 飯都好香 一粒粒既 果雞翼開邊上 方便食客進食 夠哂細心 而且炸得非常香脆 唯獨是價錢方略貴冇套餐叫 不過成個商場黎講 都算平格之選