囍越 (屯門市廣場) (Closed)

🥭香芒軟殼蟹米紙卷🦀$88係成餐飯入面最好味😋軟殼蟹夠脆，上菜仲熱，似即刻炸起即刻包🤔芒果夠甜🥭米紙卷口感煙韌😋份量都算多，值得一讚👍🏻🦐越南炸蝦餅 $78外層唔夠香脆😰蝦餅唔夠彈牙🥲食落好似麵粉多過蝦咁。。🍲冬陰功海鮮金邊粉$98冬陰功湯底不過不失，辣度適中，唔食得太辣嘅都會食到。有2隻蝦🦐蝦味道係鮮甜🤩有幾隻好大粒好厚肉嘅蜆，可惜煮耐左無乜味🙈仲有好多粒小柱，食落都鮮味👍🏻不過佢d金邊粉唔知咩事煮到爛晒😰好似剪碎晒俾小朋友食咁🫣芒果糯米飯 $66賣相都唔錯，芒果係好甜好味👍🏻但糯米飯真係好難食🥲🥲首先已經無落香葉或者椰汁一齊煮，飯亦無飯香，完全無味❗️口感又實的的，仲難食過自己煲嘅白飯😅😅最後我哋食晒啲芒果🥭鹹檸七 $36正常無特別荔枝蘆薈梳打 $46呢個幾好飲👍🏻無怪藥水味又唔太甜🌱幾清新最後埋單約$450，唔算貴，但以食物質素黎講唔值呢個價錢❗️*･゜ﾟ･*:.｡.☻.｡.:*･☆･*:.｡. ☻.｡.:*･゜ﾟ･*😋#kellydiscovery_food 🫶🏻#kd_food_tm🫶🏻#kd_food_屯門

趁71假期前，走去屯市食越南餐廳下午茶，第一次幫襯，因放假假期要排隊，所以，無試久而久之，到6月30日下午見這餐廳沒太多人，就入去發現下午茶去到5:30，當期時入座是5點左右，就叫了下午茶餐牌的扎肉雞絲湯河粉，同埋咖喱雞飯，再加錢叫埋青瓜沙律同生菜春卷，最後叫咗兩杯飲品。埋單200頭。首先講過湯河，湯底係雞湯，味道濃郁，雞絲份量正常，扎肉都算好厚有三大塊，這個我算滿意，咖喱雞飯算正常，份量一般可能係下午茶關係，但都算好味，青瓜沙律略嫌太酸，生菜春卷略嫌份量太少，得一開二兩舊仔，這個可以不選擇，因要加$26，飲品叫咗兩杯凍檸檬茶，同屬正常。服務生服務態度正常，我叫兩杯水好快到，可能客人數量不多關係，環境舒服。最後，提醒各位如果想試，最好揀平日下午，因容易搵位同服務態度應該會好些。最後，食得好飽😝

(Deliveroo價 🏍)嗌咗幾樣share 款款都幾好海鮮檬要 (蕃茄海鮮湯) $108蕃茄湯is good good好有蕃茄味 酸酸甜甜夠balanced 🍅雖然啲海鮮唔係好鮮 但勝咗份量都幾多而且仲有啲肉碎 用嚟撈麵食真係無得輸湄公河遊船河 (牛)(牛頸脊肉、牛丸) $75好好好好好好濃味重口味人啱晒😂牛丸夠彈牙 幾好食但牛頸脊肉就一般般🤔配料一大兜 炸豬皮 芽菜 通菜 etc 幾令人滿足法式牛柳粒紅飯 $108牛柳粒好入味好軟腍蕃茄炒飯都唔錯嘅~只係$108有啲貴 份量有啲少咁🥲豬頸肉米紙卷(6件) $88好足料 每舊都塞滿唔豬頸肉而啲肉肉燒得好香酸甜汁好開胃用埋嚟配檬粉變咗多個撈檬

本身想食泰國菜，點知間餐廳四點幾就閂咗門🤯 咁就試吓附近間越南菜*蒜蓉焗法包($38)係好一般嘅蒜蓉包，唔夠香🧄*咖喱雞配農夫包($128）同大快活嘅咖喱一模一樣味，係完全100%一樣😂，個包點咖喱都ok，不過呢個價錢我都係揀返去大快活食啦🤭*越式海南雞(半隻 $132）好好味！雞皮鹹香味重，雞肉嫩滑，好快就清晒成碟🐓*燒香茅豬扒湯粉($68)豬扒超級重香茅味，可能因為豬扒比較重味，所以麵嘅湯底都幾清，整體黎講都一般般為咗隻海南雞下次會再黎，不過其他餸都唔會encore🤭 上菜速度快，店員都好有禮貌，堂食有八五折優惠，埋單$348💰

雖然每次去屯門市中心, 個感覺都係好多人, 不過其實除咗多人, 都有好多嘢食嘅, 款式多到可以令你唔需要出市區。今日食嘅就係🔸What The PHO🔸, 星期日晚市時段食都無限制用餐時間, 可以慢慢食幾好。🍴 安南燒乳豬每次去到越南餐廳都會留意吓有無燒乳豬呢個菜式, 因為唔係度度有, 呢度嘅燒乳豬整得好嫩滑, 皮脆肉嫩, 食落仲有好多肉汁, 好Juicy!🍴 燒豬頸肉配濱海及生菜用生菜包住粉皮片, 再包住豬頸肉一齊食, 個感覺好韓式, 食落口感層次好豐富, 每一層都互相配合, 唔會特別搶味。🍴 香芒軟殼蟹米紙卷漏咗單, 不過都堅持食😂 好彩無令我失望, 平時食米紙卷好怕裡面d 配料味道太強烈, 而呢度嘅米紙卷無呢個問題, 軟殼蟹仲大大件, 同芒果互相配合, 夾埋一齊食好清新, 好Fresh!🍴 原個椰青海鮮焗飯視覺效果好豐盛, 焗飯嘅椰香味十足, 有好多椰肉可以連埋一齊食。海鮮方面有蝦, 魷魚同帶子, 全部都剛好, 唔會太老。🍴 香芒糯米飯將糯米飯搓成一個波實在太得意, 賣相吸引。芒果即使唔係當造都唔會覺得酸, 椰漿味道適中, 糯米飯唔會太黏, 好食。整體食物都好好食, 唯獨是員工嘅

個雞肉串燒  要70幾蚊  但只有2串肉 兼要硬夾2串蔬菜   整體味道 與沙嗲醬  也不太惹味 小食併盤  好後悔冇跟眼  又唔問吓裡面有乜(心諗應該有d春卷 / 炸蝦餅 / 雞翼 等等)點知  只有鳳爪  怪味魚肉棒? 牛肉蝦片<落差太大而已> 杧果沙冰 杧果味不足 只有   海南雞  雞肉嫩滑 幾好味 冇心機逐一影相  一take過 (證明黎食過)

豬頸肉河粉👍🏻👍🏻👍🏻有一種好普通既感覺，無咩特別😹係正常既味道春卷👍🏻👍🏻👍🏻會有種清新既感覺，職員都會建議落返d汁會好味d😜芒果糯米飯👍🏻👍🏻唔係咁推介既原因係因為味道麻麻，當時既芒果應該就未熟透，仲係會硬硬地同埋唔香又唔甜🥲個椰漿係勁淡，淡到無味又勁水😢😢😢即使落哂都好佢都係無味野飲👍🏻👍🏻👍🏻👍🏻叫左3杯唔同既野飲，芒果沙冰、椰青同熱龍眼水。芒果沙冰好大杯～都真係一杯都飲唔哂😹😹 椰青好清甜可以一試🤣🤣呢2款都可以試下🤩入座時間8點半左右，唔洗等位可以直接入，落單都係自己tick ，算係user friendly😙上菜速度都ok，大概15-20分鐘都上齊🤪3個人食每人大概130蚊左右

一早訂咗枱，由於六點去到餐廳現場根本冇乜人所以都冇問我個booking Number就由得我自己行入去乜都冇問過！服務態度差，去到現場冇人理會，最緊張就係提醒用餐時間得90分鐘，差唔多夠鐘就將張單放喺枱面冇講過任何野！吹BB 食物質素一般，沒有特別驚喜，成個用餐過程很不愉快！

夏日炎炎，只是想揾間冷氣大啲，坐得舒服啲既餐廳。 路過見不用等位，就入去試試。 餐廳靠商場冷氣，唔太夠，有點熱🥵。 枱與枱之間，不太寬敞，張枱又比較細，叫多幾樣係放唔落的。唯有點咗4樣嘢就算：越式炸蝦餅：一碟4件，味道正常，甜酸醬一小碟不夠，要再來一碟馬拉盞豬肉鬆炒飯：少少辣🌶調味，天氣熱，食少少辣都ok燒豬頸肉湯河：賣相一流，豬頸肉都算大塊，肉質嫩，不靱且不‘鞋’。加上我至愛的魚露，簡直是絕配👍🏻菠蘿沙冰：夠晒凍，菠蘿🍍味濃，消暑解渴🥶

入到去坐低左，因為我地拉着架車，想要求調位，問個陣都有唔該前唔該後。有個女服務員好好咁應承我地可以調位。但着恤衫個位經理定唔知supervisor 帶灰色口罩 態度勁惡劣 大聲係我背後講：痴線唔比調！ 同佢理論，用勁兇狠態度拒絕，喝狗咁。唔講以為佢先係客😦講真，唔會再食，比錢受氣。咁既服務態度，大家千其唔好幫襯。完。😡

weekend成日都去屯門市覓食 今次就來到位於3樓嘅What The Pho！平時都鍾意食泰菜 但係就好少試呢間嘅越泰菜🙁我地到差唔多12點過D 所以餐廳內都好少人！🥗沙律拼盤（3款）鮮蝦柚子沙律、豬頸肉青芒木瓜絲沙律、牙車快沙律💰98先講鮮蝦柚子沙律：鮮蝦撈埋特供嘅醬汁夠fresh得來又惹味 柚子真係好清新好甜 超級爽口😍豬頸肉青芒木瓜絲：豬頸肉好大兩塊好滿足食肉獸！青芒同木瓜都好夾！兩隻都偏清甜🥰撈埋沙律汁酸酸辣辣好開胃牙車快：即係雞肉絲椰菜沙律 最好味嘅一款！酸甜得來又清爽 超級適合夏天🥳🌯香辣豬肉鬆粉皮生菜包💰88呢到嘅生菜包好與眾不同！除左有生菜用來包肉碎 仲有粉皮🤩 粉皮嘅存在大大豐富左整齊嘅口感！肉碎偏酸辣 唔會話太辣！粉皮數量多到最後要用粉皮包肉碎🤣而且佢一片片好薄 可以自己決定薄切定厚切！🌯香芒軟殼蟹米紙卷💰84米紙卷切開好似壽司咁入面有好多椰菜同青菜 夾住芒果好fresh！入面仲有好多粉絲 但係出面層米紙皮會偏韌😢有小小難咬開！🍝蛋網海鮮炒金邊粉💰78蛋網真係好大一層🤣好薄！但係會係冇味的！要掀開層蛋皮撈入面嘅金邊粉先會整體惹味D🍰越式千層糕（6件）💰46糕體唔會

06.05.2021今日放工又去試新地方食好西，去咗呢間越南餐廳WHAT the PHO 囍越，見個餐牌好吸引，於是不妨一試。最後揀咗沙律拼盤（3款），有「鮮蝦柚子沙律」、「豬頸肉青芒木瓜絲沙律」、「牙車快（雞絲）沙律」，另加一個「香芒軟殼蟹米紙卷」。起初擔心份量好多，食物到咗發覺米紙卷雖然話六件，其實只係細細件。賣相好靚，但可惜軟殼蟹唔夠香脆，食起嚟味道淡淡，所以點了越式魚露食，有少少失望。反而個沙律拼盤有驚喜，三款沙律有三種口味，好豐富；柚子多而且好味，豬頸肉薄薄兩件，配上酸酸地木瓜絲都唔錯，還有「牙車快」（雞絲）沙律，有齊三款唔同口感、味道嘅沙律，呢個下次可以再食。餐牌仲有好多菜式，下次可以再試，另外，座位好寬闊，坐得好舒適。落單時問女職員沙律可否分醬，雖然佢不大清楚，但有揾其他同事專登回覆我，有交帶。平日晚市入座率不高，可能價錢不算平，而且屯市多食市，好多選擇。

最近成日出街食飯，各式各樣嘅菜式是得多啦！今次就嚟試吓泰國菜啦😊 原隻椰青海鮮焗飯🥥淨係個賣相已經好吸引了原隻椰青攞嚟焗飯夠晒泰國風味即使疫情期間冇得搭飛機外遊，食咗呢隻靚靚嘅原隻椰青海鮮焗飯，就當去咗泰國旅行啦🤣🤣🤣其實佢嘅味道都唔錯㗎炸到脆卜卜嘅黃金蝦 + 秘製嘅椰漿汁 + 美味嘅海鮮炒飯一齊焗，味道非常夾非常好味😋香茅雞翼x5 唔好比香茅兩個字嚇親呀，其實香茅味唔會太重，淡淡地都幾新鮮最主要係佢嘅雞翼炸得非常脆卜卜，真正做到外脆內軟，咬落去，啖啖肉非常juicy😋😋😋偷偷地話俾你聽，我一口氣食咗三隻雞翼呀！因為實在太好味了😋素菜香芒米紙卷呢道餸真係名如其菜佢真係好素菜🤣🤣🤣蘿蔔絲 + 椰菜絲 + 生菜絲 + 芒果🥭真的真的好素菜🥬絕對啱晒素食者+健康減肥的人士食用🤣🤣本人就覺得麻麻地啦，都係啖啖肉啱我🙈雜菌湯粉由於本人都比較鍾意食湯粉所以都叫咗個清清地嘅雜菌湯粉河粉 + 鮮冬菇 + 鮮蘑菇 + 鮮雞髀菇 + 西蘭花🥦 + 好好味嘅雞湯其實清清地都好好味㗎😋今日初嘗泰國菜就試住呢幾味先啦😊下次再為大家介紹更好味的菜式

光顧的日子是星期日的下午。這餐廳星期日沒有套餐。點任何食物均沒有餐飲包括，也沒有點餐可獲飲品特價的優惠。單叫一個炒飯，份量不大， +1後要$100，如果另外點杯咖啡要40幾蚊。最後我決定不飲。整體用餐感覺就是吃一個很普通的炒飯要$100更沒有飲品包括，感覺很不爽，性價比很低！吃一個炒飯如果有一杯餐飲包埋感覺10分不同。食物質素正常但沒有驚喜。服務員的態度正常，餐廳位於商場之內，並沒有什麼高檔裝修。在週末及週日我應該不會再光顧這間餐廳。

叫左兩個河粉 加一個米紙卷 河粉真是很一般 （豬耳扎肉雞絲/ 雜菌湯河）雜菌千祈不要叫 得5件秀珍菇 同4舊西蘭花only 味道食得落口only 分量超少 女仔食應該7成飽 同價位 （$70up) 有大把質素高幾倍的 所以不推薦食 應該話最好不要試米紙卷 味道正常 但分量超少（$36）得3件 偏貴 睇返人地影既相 以前好似6件？🤔同埋職員明顯 想趕人走 因為他們係咁想收走我地地野食 問題是未食完😂同埋見到他們對隔離枱比完錢既婆婆 語氣都不太好總體來說 想伏一伏可以試試 趁佢未執笠😂