囍越 (Tuen Mun Town Plaza) (Closed)

這間越南餐廳，之前已經想食，但約了幾次也約唔成，今日終於可以來了！這裹是半開放式的，7點半已有幾多人喎。有一個朋友未到，我跟另一人就停看餐牌，一直看著其他食客進進出出，還有他們點的菜式。終於朋友來了，馬上點菜，上菜效率很高，先來芒果軟殼蟹卷，有六小件，味道好清新，有芒果，粉絲，軟殼蟹，仲有生菜，好味道呀！牛丸生牛肉河粉，牛丸好爽口彈牙，生牛肉份量好多，好淋，洋葱同葱花好多，夠晒香。大蝦柚子沙律，份量唔算多，大蝦爽口，柚子夠甜，酸酸味味好味。馬拉盞炒通菜，幼身又夠惹味。菠蘿海鮮炒飯，四份之一個菠蘿，菠蘿超級甜，好好味，炒飯入面也有菠蘿粒，有d肉鬆及腰果，乾身的。見到隔離枱有人叫左芒果糯米飯，出晒熱好熱的，好似好正咁，我們就叫左一份一齊食！芒果夠甜，糯米飯幾好，熱的好特別，有d椰汁好香，唔算太甜，其它餐廳多數是凍的。餐廳9:30已經開始執嘢，好似想收工了，我們坐到10點先走。

因為11點2去到所以無乜人只有一台有人 由於見無人我地坐左去張大台到 但無人理我地因為我趕時間返工所以自己行左去拎餐牌 佢見到就叫我返埋位佢會拎比我地 然後佢見我地坐左大台叫我地坐返2人台 咁好啦我地行緊去坐 起身跌左副眼鏡執緊佢仲一路催我地坐去第張台- -大佬都已經行緊啦跌左野唔洗執咩？之後我地寫完單佢話無芒果懦米飯叫我地揀其他果陣d語氣又係差其他普通員工都好過佢好多囉= =埋單我慣左親手比錢 佢就勁惡咁講放係塊牌到得啦豬頸肉凍檬係好食但因為佢所以唔會再食然後見到佢一直啤住其他顧客 無笑容仲要講野勁倔 比其他員工差睇唔到佢咩名因為見到佢著西裝衫嘅款所以估佢大概係經理

Can’t believe something so expensive in Tuen Mun till has customers! Absolutely appalling service - the waiter was very rude and when we asked an extra menu (we were sharing 3 between 8), he said ‘oh you already have some’. When we asked for water, he said ‘it will melt the plastic cup’. Uncertain whether he has basic education in physics but still unacceptable. Food, whilst tasty, had tiny portions. It’s barely enough to make me half full. Very disappointing and not worth its price at all.

和男朋友在嘉禾看完電影後想揀一間不會太飽而又可以小吃的食店就進了這間越南餐館，也蠻有驚喜的，想不到點了三款食物，款款的味道也很好，餐店的設計也開揚，幸好我們晏晝去的時間不算太多人，所以不會很嘈。

依間野既食物真系好正特別推薦個椰青 原個椰青上真系好好味 好清甜 椰青味道好解渴而且好清新同埋椰青入面仲有啲果肉係到 可以食到 同樣好正另外一杯係紙醉金迷 其實好似巨峰梳打 但味道係可以既 不過吾特別 而且吾值依個價主食方面嗌左個撈粉上面係烤牛肉同扎肉 烤得好好同埋d汁撈埋一齊食 真系試過反尋味 因為整體味道十足 而且份量足 食到飽飽地 價格雖貴但我認為值得另一個係芒果糥米飯 芒果夠甜 而糯米飯係熱的 食落去有甜甜地既感覺 如果你系一個食甜野都飽既人 這個很適合你

夜晚去屯門食個飯，見what the pho唔洗等好耐就入！一坐低就舉手叫野食啦，明明坐左係上菜bar前面，揮極手叫埋出聲都好似無人見到...當你無到😥跟住拎兩個碗仔，居然可以污穢到有粒野痴住，都開始嬲嬲地🙄🙄🙄好彩野食就正正常常，補救番咁樣既服務態度。呢個雞絲扎肉河都👌🏻，雞就非常普通，但個扎肉好味，中間夾雜左唔同既軟骨位，食落口感一流，令成個河粉昇華左😻，河粉同湯底都係正路既👌🏻👌🏻👌🏻🤗蝦頭油炒既扎肉金邊粉非常香，金邊粉軟身之餘d扎肉吸哂蝦頭油既香氣，但份量極少，少到夾起三啖就無哂，完全唔夠飽。🤭呢杯甜過糖水既龍眼冰真係唔會再飲，要溝兩杯水先飲到😾😾😾

連鎖越南牛肉河粉店，本身以為牛肉河粉會比較有特色比較吸引，可惜一試沒太大特色。生熟牛肉湯粉：湯底不太濃郁，而且感覺有味精味，另外規定一定要揀一半生一半熟牛肉，不能揀全生牛肉，而且部份牛肉有筋。冬陰公海鮮湯河：這個比較推介，有足料海鮮，冬陰公味夠濃，又不會太辣及太酸

在這個集團旗下，只試過幾間日本餐廳，今次是第一次吃他們的越南菜。在下午茶時段(星期一至五，2:30-5:30)裡有12個套餐，價錢是$52-$78之間，均配送熱茶或咖啡，凍飲就加$5，還可以加$24配1款小食。2人就要了2個套餐加配2份小食、1杯青檸梳打(+$12)和一杯熱奶茶。WTP火車頭湯河粉($68)：有青檸、九層塔和芽菜另上。配料很豐富，有牛柏葉(有2件，爽口，不錯吃)、牛丸(有2粒，彈牙，多汁)、牛腩(2件，都算是大件)和牛根(2件，很軟身，沒咬口，不煙韌)。湯可以再更加熱，味道都算濃，只是差了些少魚露，吃完之後有點口渴。越式慢煮南乳豬手湯河($58)：有青檸、九層塔和芽菜另上。豬手是另上，有3件，都頗為大件，很軟身，也有點膩，吃了一件已經覺得夠(亦可能因為已吃了小食)。這碗湯就夠熱了，味道也是濃。小食：香茅雞翼(+$24，有2隻，平均$12/隻。輕微的香茅味，有點油膩，肉質算是滑)和燒厚切豬耳扎肉配生菜(+$24，有2片，平均$12/片。配越式醬汁，扎肉非常油膩，內裡滿是豬耳碎，但完全不爽口，整體口感是粉粉的)。整體味道偏濃和油膩，2人在這餐之後覺得較為口渴。最後結賬是$2

食過好多間所謂的海南雞專門店或者馳名海南雞等等，统统都不及這裡的海南雞好味，不用點醬油已經好有味，仲食咗炒蜆同碌林鳳爪，一個人食，好飽好滿足，服務好好，會再去幫襯

見到OpenRice食評都唔差，就過黎試下！煙三文魚脆脆米紙卷塊煙三文魚比較少所以三文魚味道唔係好出 但係個脆脆就非常香口 點埋佢哋個酸汁十分開胃 值得一讚係個米紙卷個米紙皮好薄～好想食多幾塊香茅豬扒湯河夠熱，分量亦多湯底唔係牛骨湯底，有啲失望，唔係正宗越南湯河，豬扒都有香茅味，都OK芒果沙冰 : 好飲同抵飲，唔係假芒果味，味道唔錯，好正!这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

我們一直都喜愛吃越南菜，屯門有老牌的小巴黎和新進的囍越。 前者消費較低，餐點選擇較少，而後者地點比較方便，坐位環境比較舒服，今晚3個人的組合，大家還沒有很肚餓，點了一個海南雞菜飯、一個炒通菜、2個小吃。越式海南雞香茅菜飯$88海南雞沒有很嫩滑，肉質不老微有肉香，醮醬汁才好吃。喜歡它配有幾棵青綠的小棠菜，有健康元素的加持，不錯哦。至於香茅菜飯，實在察覺不到香茅的味道，菜粒沒有切整齊，飯粒比較乾身，沒有海南雞飯的油香。馬拉盞炒通菜$74想說，七十多元的一個炒通菜，祇有那麼一點點，份量未免太少了吧？至於口味嘛......不過不失而已。青胡椒焗雞翼$74雞翼聞著有很香的青胡椒味，而入口卻不是那麼一回事，似乎沒有預先用調味醃過，雞肉淡而無味。豬頸肉米紙卷$74這個米紙卷做得不錯，夠乾身，裹得夠緊。除了豬頸肉調過味之外，其他材料是原味的，需要醮魚露吃，不錯吃。

之前喺隔離餐廳食飯嗰陣見到呢間啲野食好唔錯咁今日放假就特登去食個lunch啦去到差不多兩點左右啦 等咗十分鐘左右有張大枱走 就一次過入咗4張2人枱喇餐牌啲野食就大路野啦 無咩話啲咩特色野嘅✨札肉雞絲湯檬本身嚟錯咗河粉 同店員講咗之後都好樂意同好快咁換返檬粉俾我哋札肉好好味 中間有啲豬耳夾喺中間 令到口感好豐富 味道都好好雞絲就肉質唔乾整體嚟講 碗湯檬係幾好味嘅✨鮮蝦柚子沙律一碟有3隻蝦 個蝦幾爽口幾有蝦味個汁幾濃味 但食多幾啖柚子啲苦澀味都係出返嚟😂✨芒果素菜米紙卷啲蔬菜類就完全係臭青味整個米紙卷主要都係芒果味啲疏菜就增加口感咁 雖然芒果唔算甜 但都唔錯幾清新嘅✨百香果蘆薈梳打百香果味濃 蘆薈粒都唔少係一杯好正路嘅飲品埋單計埋加一$275呢個年代嚟講唔算貴嘅 不過又未去到高性價比經過又想食越南野嘅都可以一戰嘅

星期日外出閒逛一整天，傍晚回到屯門與哥哥會合吃晚飯，哥哥最愛吃越泰菜，於是選擇了囍越。我們被安排坐在玻璃圍欄旁邊位置，視野開闊，感覺舒適。大家都沒有很肚餓，於是點了一個炒菜、一個湯和一個炒飯，開心分享。馬拉盞炒蓮藕苗，蓮藕苗沒有很新鮮有點變色，口感爽脆，配合馬拉盞很惹味，不錯吃。菠蘿海鮮炒飯，賣相特別，菠蘿表面略燒，切粒後以交錯擺放，炒飯以倒碗狀擺放，旁邊有香脆腰果和豬肉鬆。海鮮都有些什麼呢?  飯內有小元貝、蝦仁、魷魚和菠蘿粒，其中小元貝比較有鮮味。 飯的味道有蛋香不錯，好吃。 而旁邊鮮菠蘿很香甜，有助消化。大頭蝦冬蔭公湯湯料有大頭蝦半隻、蕃茄、雜菇、香茅....等，沒有草菇！也沒看到泰國青檸......哥哥說這湯不是那回事......湯的味道有點半吊子，就是沒有那種酸香鮮辣的感覺。 

今日無麥胃口，唔多想食飯，於是黎食越南菜，點左兩個河粉，一個生牛肉河、一個冬蔭公海鮮湯河，幾出色，夠開胃！另外叫左個馬拉盞炒通菜，好香！仲叫左個蝦肉雞絲米紙卷，口感不錯！

一到假日，屯市嘅擠擁程度真係世界級。除咗要避開無盡的喼和車（ＢＢ車），排隊食飯亦要面對無數的對手。慶幸星期六早食晚飯，只需等待十分鐘，就可以一嚐呢間「喜越」。 .今次十分好彩獲得一個窗口位，一來可以避免「檯夾檯」嘅用餐狀況，二來又可以從高處眺望商場中庭嘅展覽，或者看看商場中央嘅大電視送飯。 .由於星期日要跑長課關係，所以晚餐可以再次碳水化合物大解放！今次總共點了四道菜，其中以下兩項值得表揚！ .海鮮炒飯🍍：呢道菜色一般都係原隻波蘿上，雖然好好睇，但好多時都冇咩波蘿食。今次餐廳就將兩位主角分開處理，令我享受到又fresh又juicy嘅波蘿，又可以專心感受炒飯嘅油香味。而當中嘅蝦同魷魚都尚算新鮮，過關！ .柚子沙律🥗：喺咁悶熱嘅天氣，呢道菜絕對可以醒醒胃，咁好食，我覺得醬汁應記一功。 .成餐飯都幾好，不過有兩點可以改善。第一上菜次序太破格，先上炒飯，後上沙律，即係要食濟後再醒胃？ .第二侍應來去匆匆，可能佢哋太忙，好多時碟菜未完成landing就已經走人，倒瀉嘢又冇對唔住，亦冇清理，好彩最後有其他餐廳職員幫手處理。 .始終#Whathetho係一間集團式餐廳，呢Ｄ枝節佢哋總會改善。至於屯市