910
75
20
| Restaurant: | ULURU |
|---|---|
| Offer: |
Dine and earn miles at this Cathay partner restaurant ! Dine and earn up to HKD4=3 miles as a Cathay member. T&C apply. |
|
Terms & Details:
|
|
|
|
2-min walk from Exit A3, Wan Chai MTR Station
continue reading
Telephone
23666448
Introduction
A black and white hand-painted designed restaurant, it features Chinese and Western fusion dishes. The sharp contrasting between the colorful and delicate dishes and the black and white decorations is very photogenic.
continue reading
Opening Hours
Today
11:30 - 22:00
Mon - Sun
11:30 - 22:00
*Last Order: 21:30
Above information is for reference only. Please check details with the restaurant.
Offers
| Restaurant: | ULURU |
|---|---|
| Offer: | Dine and earn up to HKD4=3 miles as a Cathay member. T&C apply. |
|
Terms & Details:
|
|
|
|
Recommended Dishes
RELATED ARTICLES
1841 views
Mad Pink牛一，舞友們為滿足其愛拍照嘅喜好，上網專登揀咗間打卡聖地「ULURU」開P慶生。入夜後，西餐廳隱蔽於橫行嘅門口非常光猛，不易錯過。通往一樓用餐大堂可步上梯級，或抵達時至電接線生話想搭𨋢，年輕嘅服務生都好樂意協助。店子嘅黑白二次元主題非常獨特，梳妝台、書架、鏡框等裝飾均為平面圖，置身其中彷如進入咗童話世界入面。室內面積寬廣，連走廊通道空間感都一樣咁足，洗手間好似通過機關門入返現實時空，都幾過癮。生日派對被安排入座梳化靚位。飲品餐牌共有兩頁，不過XO仔訂座前已探咗路，知悉餐廳不收分毫開瓶費，結果當然係自己帶酒啦！嘻嘻，壽星女唔洗返工，兩口子一早就帶齊架生率先狂影兼𣈱飲一番！晚市單點項目則有八頁。最後兩頁為打卡熱選嘅靚靚甜品，其中兩款粉紅色同粉藍式嘅招牌二次元蛋糕必先預早訂定。有名你叫「Mad Pink」，即為粉紅而瘋狂喎，生日梗係要有粉紅色啦，做足功課嘅小肥一定唔會令佢失望嘅！炸香脆粗直薯條配黑松露醬（$68）：歡樂時光先點咗客薯條送酒酒。薯條外脆內軟，點埋另上嘅黑松露醬即倍添芳香！煙三文魚露筍卷（$98）：三文魚卷一客只有三件，舞友們讚好新鮮，細佬自己唔係咁好煙燻味，所以只交由相機代食。酥皮焗田螺（$108）：看似為店長但不願透露身份嘅樂哥哥極力推介酥皮焗田螺，盛意拳拳一定要試啦！圓碌碌、熱辣辣嘅小食一口一件，皮層真如餸名般酥脆香口，入面嘅田螺肉軟潤彈牙，份量恰到好處，就連原本話唔食田螺嘅M王子試咗一件都話好食，咁即係掂啦，果然好介紹！阿根廷紅蝦刺身配蕃茄沙沙多士（$138）：一眾舞友緣自阿根廷探戈，因情意結關係而點黎捧捧場。金黃嘅多士底十分鬆化，蝦多士震撼地原隻大蝦連頭上，甜潤爽脆，一客兩大件其實可以四個人分享。柚子鮮蝦沙律（$78）：沙律嘅菜菜同已去殼嘅蝦仁都好爽，女仕們最欣賞混入嘅沙田柚肉好清新同個沙律汁係另上嘅，屬輕盈健美之選。白酒忌廉牛油紐西蘭半殼青口配蒜蓉包（$118）：青口鮮甜香滑，一啲餲味都冇，真心覺得高質美味過某比利時連鎖店。羊扒大蝦配新薯紅酒燒汁（$238）：半生熟嘅羊肉好軟熟，開咗邊嘅大蝦明顯冇蝦多士嗰隻咁正，不過白雪雪嘅蝦肉都好爽身。香煎美國有骨豬鞍扒伴蘋果燒汁（$258）：厚厚嘅豬鞍尚算爽口，但個人覺得偏乾咗少少，肉汁未為最豐沛。虎蝦海鮮冬陰功韓式年糕（$138）：虎蝦其實好爽彈，韓式年糕亦煙煙韌韌，不過敗筆在於調味過咸！受酒精影響下成枱人基本上係零怕醜，直接同樂哥哥反映意見，真係冇諗到佢不單意見接受，仲靜靜地加送靚靚嘅抹茶甜品，甜甜嘅心意成功擺平咗過咸嘅重口味，一眾女生都覺得誠意行動同其外表一樣低調得可愛！富士芝櫻祭 - 丸久小山園抹茶Tiramisu（$118）：呈富士山形嘅抹茶味Tiramisu外表吸睛，頂面座鳥居菂薂尤甚，微甜嘅糕身軟綿且夠潤，抹茶味芳香怡神，混埋綑邊嘅朱古力泥直令口感更有層次！粉紅色ULURU二次元立體夢幻蛋糕（$138）：招牌蛋糕嘅平面設計勁襯牆上嘅手繪壁畫，粉紅色玫瑰味厚層忌廉下嘅海綿蛋糕夾入甜甜嘅荔枝同紅莓，甜度剛剛好，感激師傅特意寫上祝福字句！夢 - 森の家（$128）：甜品嘅蘑菇造型實在逼真，取名為「森林之家」不禁令人聯想起藍精靈嘅蘑菇屋，喺二次元嘅背景下尤其趣緻夢幻！蘑菇外層乃濃甜脆脆嘅白朱古力，一層一層一層的剝開，驚喜更陸續有來！蘑菇頭入面原來係香軟嘅士多啤梨慕絲包住件蛋糕，菇柄竟然塞滿士多啤梨果蓉同果醬，連同大大粒士多啤梨及朱古力泥食落去又一啲都唔覺溜，細緻精妙得連一向咀刁嘅M王子都食個不停，讚口不絕，確真難得！花見（$98）：樂哥哥細心提點玫瑰啫喱檸檬撻內含杏仁，小肥即只准睇唔准食。灣仔打卡熱店「ULURU」光鮮開揚，輕鬆幽閒，服務生親切幽默，黑白嘅二維空間與鮮美奪目嘅魔幻甜品將二次元主題發揮得淋漓盡致！價格不高、免收開瓶費、細心體貼之情等有心舉動足以令壽星Mad Pink及舞友們樂在其中，讚嘆不已，有心食肆絕對值得支持！
continue reading
ULURU🎐阿根廷紅蝦刺身配蕃茄沙沙多士 🦐$138呢一個配搭非常之清新，有埋蕃茄等等嘅配料，令到成件事非常開胃！✅酥炸軟殼蟹忌廉意大利飯🦀 $148足足一大隻軟殼蟹！軟殼蟹非常肥美，咬開仲有黃色嘅膏喺入面添💓至於佢哋嘅忌廉意大利飯，佢哋嘅忌廉好濃厚，但係又唔會去到好膩！味道非常之唔錯！🩶慢焗美國安格斯牛胸肋骨 🐮$298分量大得驚人，建議大家同幾個人一齊share！😆😆牛肉非常之𣺉身入味，如果四個人嚟嘅話佢係一個唔錯嘅Share選擇!👅椰菜花忌廉湯🥣（跟主菜加配$18）叫咗主菜嘅朋友，只要加$18就可以有餐湯，都幾抵飲！🥰富士芝櫻祭 - 丸久小山園抹茶Tiramisu🍵 $118本身點餐嘅時候，覺得佢個甜品有啲貴，甜品上枱後就知道物有所值啦！💯💯 口感非常之有層次，除咗有濃厚嘅小山園綠茶蛋糕，仲有濃郁嘅Mascarpone芝士喺面，再配埋底部嘅焙茶手指餅碎！真係物有所值！下次會再encore！非常推薦大家嚟到要叫！💓💓ULURU二次元立體夢幻蛋糕 🎂$138呢一個二次元立體夢幻蛋糕，絕對唔係剩係得個樣㗎！味道一樣攞滿分💯💯💯蛋糕用上好味嘅cream cheese，草莓果醬同埋新鮮草莓整成🍓味道出乎意料地好味👅一樣非常推介！ULURU 玫瑰茶 🌹$52呢度嘅玫瑰茶一樣高質，用咗士多啤梨果泥、玫瑰糖漿、玫瑰花同埋迷迭香整成，味道唔會好似坊間買嗰啲咁假，我都幾鍾意🥰🥰蜜桃味Mojito 🍑$78呢一個蜜桃Mojito就用左薄荷葉、青檸、蜜桃、紅糖、梳打水同埋rum整成，超級大杯，味道都容易入口，酒味唔重，非常適合女仔飲架！💓👧🏻
continue reading
《走進黑白嘅二次元世界體驗彩色嘅童話故事》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧走進黑白嘅二次元世界體驗彩色嘅童話故事今次介紹嘅餐廳主要用左黑和白兩種色調去設計，牆身用左黑白二色去繪畫圖畫，令人有一種進入左書本嘅二維黑白世界。如果你以為佢地嘅食物都係黑白色，咁就錯哂。餐廳用左色彩繽紛嘅食物去突顯兩個世界嘅感覺，令人有一種迷失在童話故事書中嘅感覺。阿根廷赤蝦刺身配蕃茄沙沙多士赤蝦外型晶凝通透又大隻，肉質相當肥美又鮮甜。另外蕃茄沙沙微酸又更加突顯蝦肉嘅鮮味。煎帶子龍蝦汁蟹籽意大利飯帶子兩邊煎到微焦，再加入滿滿嘅蟹籽。帶子厚身又彈牙，餅粒軟硬適中又充滿海鮮味。慢焗美國安格斯牛胸骨 $298份量好多，見到咁厚身仲驚會好韌，但係食落發現超乎想像嘅軟腍。嚕嚕米-森之家紅色搶眼嘅蘑菇造型，下面仲有朱古力製成嘅泥土和蚯蚓。蘑菇外皮係朱古力脆皮，而內層草莓乳酪和草莓果醬，帶微酸同朱古力嘅苦澀味都好夾。丸久小山園抹茶Tiramisu綠色嘅富士山外型真係搶晒風頭，中間仲有糖霜做成嘅紅色鳥居。Tiramisu口感幼滑，小山園抹茶嘅回甘令到甜度比例剛好。佢哋嘅飲品同讓好靚，我就試左Strawberry Lady同堆Lychee Mojito。個人比較鍾意Lychee嘅果香味，兩杯飲品都好值得試下。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️
continue reading
不得不說，Uluru真係好適合打咭！以黑白為主嘅環境，每個角落都係打咭位！✨是日餐湯湯夠熱，質感creamy，味道唔錯。多士脆口！✨阿根廷紅蝦刺身配蕃茄沙沙多士 $138擺盤非常精美！紅蝦刺身晶凝，入口肉質肥美嫩滑，多士脆卜卜，配上蕃茄沙沙，味道酸酸甜甜好開胃！✨ULURU特色燒肉拼盤 $338好夠份量嘅雜扒餐，啱哂我地呢啲食肉獸！肉眼扒面層略帶焦香，牛味香濃，肉質軟腍，冇筋冇渣！豬扒同雞扒同樣大大塊，煎得唔錯，肉嫩juicy，雞扒外皮香脆，好香口！香草腸都有成4條，再配上清新爽甜嘅芝麻醬沙律菜及金黃粗薯條真係大滿足！✨煎帶子龍蝦汁蟹籽意大利飯 $158帶子厚身大粒，大廚煎得啱啱好，肉質保持鮮嫩彈牙！意大利飯口感煙韌，龍蝦汁鮮味濃郁，食落好creamy，而且仲有大量蟹籽，令鮮味更上一層樓！✨ULURU二次元立體夢幻蛋糕 $138必點嘅招牌二次元立體夢幻蛋糕！表層鋪滿純白忌廉，再用上朱古力醬畫上立體線條，同時為士多啤梨加上面孔及手腳，非常可愛！好適合打咭！不得不說嘅係，除咗打咭一流之外，蛋糕嘅味道亦相當唔錯，絕對係好睇又好食！幼滑白雪雪嘅忌廉，包住草莓醬海綿蛋糕，蛋糕鬆軟有蛋香，草莓醬甜度適中，味道天然。✨嚕嚕米 – 森の家 $128呢到嘅甜品非常出色！呢款蛋糕造型係一粒紅色大蘑菇，色彩鮮明，非常吸睛。大蘑菇外殼薄薄一層，係用上白朱古力製成，內裡餡料有草莓乳酪慕絲，草莓蓉蛋糕，味道酸甜清新，一啲都唔覺膩！
continue reading