UCC COFFEE SHOP

Open Now

Now Closed

自從搬離港島後，很久沒去銅鑼灣那邊吃東西了⋯今天中午經過銅鑼灣廣場一期，心血來潮想上去ucc cafe吃個下午茶。.不過很快我便感到有一點點後悔了。闊別多年，銅鑼灣這間樓上ucc cafe還是得排隊輪候，而且速度超級慢⋯其實現場等候的人並不多，只是每位的輪候時間都好長喔！（哭 ，好像等了45分鐘才進場，以一間連鎖的「舊式」咖啡廳而言，有點不值（主要是那天百無聊賴，又懶得再轉地點，於是便呆呆地站在門口邊刷手機邊等位⋯.最後我們二人點了兩杯招牌咖啡，和兩份甜點：鮮果窩夫、海鹽焦糖窩夫。兩款甜品賣相和味道都是傳統派咖啡廳的水準，沒有太多新奇古怪的創新配搭，就是一碟平平穩穩的窩夫🧇不過就個人口味而言，草莓醬略微偏向藥水味。放在從前可能會不以為意，不過，當現在滿街小店的甜品都愈發高水準下，有比較便開始有傷害了。畢竟好像滿久沒再嘗過藥水草莓醬口味了吧⋯還好雪糕球夠冰涼、軟硬適中，溶掉速度沒有什麼問題。（吃窩夫時，超怕看見秒速溶成液的雪糕球）雪糕有香濃奶味，挺好吃。

平日下午茶時段，冇諗過食UCC都要排隊，不過因為太耐冇食，加上入邊真係坐得舒服，所以就等咗一陣。嘢食都唔錯，意粉沙律麵包都幾好睇，意粉比想像中彈牙，煮得啱啱好，海鮮沙律都幾新鮮，仲會配麵包，窩夫真係整得唔錯，即叫即整，所以整體質素認真唔錯。尤其是如果你係帶住小朋友嘅父母，呢間餐廳都算係小朋友Friendly嘅餐廳，BB凳就唔使講，最重要係餐廳有兒童餐，同埋好多食物小朋友都係可以食到嘅。座位夠晒寬敞，我哋連埋BB加埋BB車都夠位，非常適合有小朋友嘅父母帶埋小朋友一齊去食😊

尋日預錯左時間出門口，諗住食d嘢路過ucc cafe，啱啱開門唔洗排隊就叫左今日special menu 士多啤梨牛油果牛排沙律☺️一上枱見到好豐富，已經好開心😁成件事都幾keto friendly但食食下先發現有少少藜麥😂下次食要寫走藜麥D牛油果又幾靚，黑醋分開上我剩係食蕃茄仔有點少少醬牛扒都有少少汁流落d菜度牛扒無乜味🤣食完再飲埋杯凍咖啡☕️滿足🥰$168用aeon card有九折UCC Coffee Shop (銅鑼灣)銅鑼灣軒尼詩道489號銅鑼灣廣場一期2樓

其他野食正正常常，無話特別好食；對比同一類型飲食餐廳，價格偏高。但UCC招牌咖啡 誠意推薦！下午茶餐都無咩特別，試過味就ok啦。唔會再黎。 店員服務質素ok阿！整體ok。不過不失。 順便幫大家更新個tea set menu

隨著部分社交距離措施逐漸放寬， 今天發現UCC的自助沙律吧也重新開放了。 雖說沙律吧內的食物都是些很普通的蕃茄、菠蘿、紅豆、粟米、薯仔、新鮮菜等， 但可以見到沙律吧的重新開放，感覺上， 熟悉的UCC回來了。自助沙律吧及沙律餐湯香濃美味，蒜蓉飽是跟餐選的，正好用來配湯一起吃。黑松露醬鮮白菌帶子意大利燴飯，差不多每一次光顧UCC都會點的，很香的黑松露味、意大利燴飯又不會太膩，幾個人分享來吃甚佳。西冷牛扒， 香口的牛肉， 加上附在牛肉的牛筋，甚有口感。多年前，UCC的窩夫都是在餐廳內製作的。曾幾何時，不知甚麼原因，UCC 改了用工場制的窩夫，味道及質素大大下降，令人失望。今日的窩夫，又變回現場製作的，味道一流。總的來說，今餐吃得頗為滿足，價錢也算是非常合理。吃完今餐，終於感到疫情對大家生活的影響，該到尾聲了！

很久沒有來UCC，因為常感覺物非所值， 我可以有更多開心的選擇。不過幸好朋友扯了我來，我又改觀了。起碼花多少少錢，能夠在CWB找到一個寬大舒服餐廳坐下，非常難得。除了碟菠菜份量過份少外，整體來說食物質素尚可，反正煮這類pasta就不是太高難度太麻煩菜式，煮得好是應該的。來UCC，永遠最吸引我是個甜點waffle。 我說我就只吃waffle及菠菜已足夠(起初不知是小人國份量)，不吃別的了。Quota 就留給賣飛佛栗！但朋友說我這樣是不飽的，她說不如共享啦！其實我對意粉完全沒有興趣，自己隨時煮到來吃，用不上花百塊錢品嚐。但朋友的好意要珍惜，唯有放棄獨享一個waffle 的機會。Waffle 以外，UCC咖啡亦是我的喜好，雖然已經是晚上，來了唔飲一杯則對不起自己。這兒咖啡多年沒變，淡淡咖啡香撲鼻，入口不乾不澀，順滑落喉，全部都是剛剛好，一杯過後無窮回甘。

星期日嚟下午茶，自助撳飛排隊等位，等咗大概半個鐘就有枱，算係ok，食物同環境都可以，係有個黑衫黑裙嘅黑面經理，我地三個人，檯面只係得兩份刀叉同碟，請佢比多一份我地，面黑兼發晒脾氣叫其他人攞，到叫埋單又係黑面發晒脾氣叫其他人攞張單過嚟（ 冇辦法唔叫佢，佢因為我張枱附近真係見唔到有其他侍應）。 講番嘢食，可能因為下午茶， 意粉真係好細碟， 但窩夫都幾好食。當日招牌咖啡冇貨，轉咗做炭燒咖啡，正常水準。 由於服務實在惡劣，短期內不會再幫襯。

UCC又有新餐牌啦，新加入既All Day Breakfast 全日早餐，下午茶時段食佢嘅tea set之餘仲可以試吓呢一個全日早餐，佢包含咗經典嘅款式，更加新增咗有窩夫同埋煙火腿片，味道又真係唔錯，仲要包咗一杯橙汁，簡直就好似食緊早餐咁，橙汁之餘包埋佢哋UCC嘅招牌咖啡，值得一提嘅係呢杯招牌咖啡佢嘅奶係分開，可以自由控制奶嘅份量，我就比較鍾意多奶，所以成杯睇落似奶茶😂，佢嘅奶真係好特別，仲要係UCC專屬，出邊嘅咖啡佢哋大多數用嘅奶係鮮牛奶，但佢哋嘅奶係有啲鹹味同比較潔，咖啡就係蒸餾出嚟嘅，所以佢有種特別嘅味道，香濃唔再講，仲要唔使加任何費用就可以享受到，所以真係非常抵👍🏻👍🏻👍🏻而下午茶set方面佢係有12款可以揀，至於麵食嘅方面雖然係下午茶輕量版但一個意粉嘅份量都可以頂到整個下晝😆😆令一杯比較精緻嘅係炭燒咖啡，佢嘅唔同之處就係更濃郁，更香，只係加$10就可以升級炭燒咖啡😍😍仲唔快啲嚟試吓😏😏

佢嘅咖喱炸豬扒飯不嬲都唔錯 咖喱係選用日本咖喱帶甜之餘 炸豬扒炸得黎好鬆脆 配埋白飯簡直一流 但唔知係唔係繁忙時間嘅關係餐廳嘅服務態度一般 成間餐廳嘅侍應都好忙 等咗一段時間先有人嚟落單

今日收工打算搵啲好野食 咁岩諗起身邊朋友10個有8個都話UCC吾錯 咁岩喺銅鑼灣就打算去試下 等位吾洗好耐時間 帶位嘅員工都有禮貌 到落單時 幫忙落單嘅員工好似趕住要我地快啲落單咁 說話又好快 根本聽吾清楚佢講咩 問佢套餐點計 靜係話包野飲餐湯沙律吧 但無講清楚包啲咩野飲 最後決定吾要套餐 主菜飲品都散叫 但該名員工落單居然幫我地落左套餐 都算了 沙律無食 跟餐飲品無叫 飲左個湯 水一樣 淡而無味 另有員工（短髮阿姨）見狀 幫忙改了單 只收餐湯套餐 呢樣值得一讚！主菜到 叫了一個菠菜雞肉忌廉意粉 水太多 用叉撥開時 意粉形狀似拉麵 雞肉份量不多 不值$100以上的質素另一主菜 煙三文魚菠菜芝士焗螺絲粉 不過不失 煙三文魚比較燶 正合我意！飲品叫了凍朱古力雪糕 朱古力味太淡 似溝太多水 飲品底部有似未搞勻的朱古力粉似茶餐廳質素溝水的朱古力 不值$58 今次食完之後 都吾會再幫襯🤦🏼‍♀️

久違地光顧UCC，主要是因為太想飲一杯佢既咖啡。香，濃，回甘(自己感覺同另外一家x兩既日式餐廳咖啡好相似)。平日不甚喜愛咖啡既我，對咖啡亦好少有研究，但係真係好鐘意UCC咖啡既味道。如果你未試過，都誠意推薦給你。至於食物方面，當日食一個UCC下午茶意大利燴飯，八十幾蚊，味道普通，分量太細碟，個人覺得單為食物性價比不高。

星期天準時11:30到達餐廳，服務員安排窗口位置，餐廳內一切都已經準備就緒，令人感覺舒服。食物保持水準，份量足夠。因為疫情關係取消了沙律吧，但不影響進餐感覺。員工服務殷勤，態度親切。讚！點選了午餐一份，有沙律，主食及餐飲。沙律有和風、千島及芝麻醬汁選擇。主菜是牛扒，內有雞蛋一隻，小份意大利粉另外附上蒜蓉包。牛扒是$177 ，另加$40 就可升級至Set。若想慢慢吃一個舒適的Sunday Branch，價錢又不會有太大壓力的話，這裏會是一個不錯的選擇。

想食UCC嘅意粉同嘆咖啡，但係冇左自助沙律吧，就去食下午茶餐啦意粉有3款選擇，我地叫左香草汁蜆肉本菇意粉同茄子肉醬意粉。意粉好夠汁夠料，其實個肉醬意粉除左茄子之外仲有唔少煙肉同蘑菇，個餐牌幅圖唔係好影到。我自己就比較鍾意個白汁意粉，好creamy!食UCC套餐正路上都係應該飲咖啡先抵，佢杯招牌咖啡真係我嘅至愛，個種燒過嘅味道真係回味無窮以前係有鮮果窩夫下午茶餐，依家啲窩夫套餐配料都好似唔係好夾，就索性散叫一個啦，$59全份都抵食！水果夠多，窩夫又有蛋香，配上忌廉，雪糕同草莓醬正

因為實在太掛住佢個自助沙律吧所以又要去探下佢啦！點知原來係疫情之下佢哋個自助沙律吧已經取消咗........咁去到都要食㗎，最後都係揀左最鍾意嘅白汁海鮮湯意粉! 而個沙律就係佢已經預備好嘅。真係好掛住佢個沙律吧嗰粒啫喱糖

下午茶時間到了，有一段時間沒有幫襯UCC Cafe, 有啲記掛著那香噴噴咖啡。下午茶套餐有多款選擇，三文治，窩夫，意粉...梗有一款喜歡的。碎蛋蟹肉三文治份量不少！烤底的麵飽還保持軟熟。餡料有碎蛋，蟹肉，蕃茄，生菜，口感好豐富，間中會食到蟹殻..哈哈！果然真材實料。招牌咖啡飄來咖啡香，色澤琥珀，味道香濃，淨飲甘香，加入奶後，又變得滑溜，保持水凖。