滔滔甜品

Open Now

Now Closed

⭐️滔滔甜品~西環⭐️每次食完呢度嘅包心芋圓都會念念不忘🥺因為真係太好食啦！呢間糖水舖裝修都係走懷舊風🎞有種復古嘅味道😜店內座位亦不是很多，但係有好多人等位同嗌外賣🧐鋪頭有好多中式同台式甜品選擇！試過呢間好多款甜品，覺得熱嘅糖水比凍嘅糖水好食😋1️⃣黑糖薑茶配包心芋圓 $29強力推介💯呢個大家真係要試一次‼️包心芋圓超級好食😋分別有唔同嘅味道：芋頭、紫薯、地瓜🍠入面亦都有唔同嘅泥狀餡料🙌🏻全部都大大粒，好飽😂雖然冇普通嘅芋圓咁煙韌，但係我覺得包心芋圓更加好味！黑糖薑茶亦都好暖胃，味道唔會話太辛辣同太甜🥣整體味道令人非常滿足😋價錢亦不貴，性價比好高呀！2️⃣椰汁西米配包心芋圓 $29凍嘅椰汁西米反而冇咁推介😫因為令到包心芋圓變得好硬，無咁好食🤧椰汁湯底其實唔差，幾濃味，但有點太甜🥴成碗甜品嘅精髓包心芋圓都變到冇咁好食

係西區，夜晚宵夜有好多選擇，選擇困難症既我有時都唔知去邊間，唯有每一間都試下啦，今次同朋友兩個人黎到開張冇耐既滔滔甜品試下，雖然都係地方狹窄，但都係香港甜品店既常態黎既。老細態度都友善既，D甜品都叫上得快，同埋唔知係咪因為冇好full，所以都冇催人走，抵讚!黑糖仙草芋圓，有黑糖既甜味但唔會太漏，整體感覺清爽，芋圓彈牙，值得一試另外叫左個招牌既紫薯仙草園，唔錯，紫薯雪糕同黑糖仙草都好夾，唔會太膩。驚喜既係價錢比起同區甜品店平左一截，都睇得出小店有心做好，大家行過都可以支持下呀!

之前試過西營盤同k town d 糖水舖除左糖痴豆之外我覺得都麻麻所以琴日由上環開始行去西環方向行睇吓有邊間呢個外表吸引又未試過嘅就入去試吓去到水街嗰邊見到呢間鋪頭甜品入邊唔係好多人但好似幾的骰，鋪頭細細，所以就入咗去坐不過老闆娘都好忙因為有好多人嗌外賣我哋嚟咗個芒果黑珍珠同埋呢個芋圓仙草紅豆再加個芋頭雪糕有啲薑味唔錯喎個芋圓! 但比例上比起仙草同紅豆嘅份量就好似少好多, 但overall都大大份,30幾蚊算幾好啦

天氣有點寒今次就沒點雪糕，幸好選擇沒有太難。我點的這道甜點說是8點前就比較便宜，店員也非常好人的，差個2-3分鐘還提供了優惠=]叁元豆花(芒果) ♥♥♥♥♥ (豆腐花、地瓜圓、黑糖珍珠、紫薯西米)四選一(香草雪糕/愛玉/芒果/紅豆)少數食完又想再食，說起想食芋圓/地瓜圓就會想起食這間。很多時候糖水的味道都很單一，但這款糖品的配搭可以嘗到不同味道，就像有不同的層次。不過我最主要喜歡的就是地瓜圓的口感，軟硬適中。

就台式甜品來說，我最喜歡的就是芋圓！最近發現西環水街原來開了間有芋圓吃的甜品店！還有中式甜品喔門面和內裡的裝修是走懷舊風，走在路上很容易就留意到。叄元豆花 ($33) - 這是8點前下單的價格，原價是$36這碗有豆腐花、芋圓、地瓜圓、黑糖珍珠和紫薯西米～另外再四選一配料。其中一碗選了芒果，另外一碗則是選愛玉 + 清心丸 ($8)感覺就是很適合口痕，樣樣都想試的朋友～但豆腐花不能期望太高話說清心丸~我好像是第一次吃！口感跟芋圓差不多，都是煙煙韌韌的！椰汁西米配包心芋圓 ($29) - 不會很甜，椰汁味道也不算很濃。芋圓因為有餡的關係，看起來很像小籠包 (笑)內裡的是芋頭，入口有香濃的芋頭味道～但削減了芋圓煙韌口感 ><所以個人來說還是喜歡吃整粒都是Q彈的芋圓！！

一直很想試的一間甜品舖西環開了分店 唔使去元朗啦！一望餐牌真係選擇困難症 樣樣都想食多幾個人可以試多幾款1️⃣紫薯雪糕配豆花黑糖水晶芋圓紫米紫薯雪糕有驚喜 唔太甜有微微紫薯味芋圓好出色 好煙韌有芋香 可能個人麻麻地黑糖所以黑糖水晶有點太甜但鐘意墊底的豆花平衡返黑糖的甜味2️⃣桃膠腐竹馬蹄露加清心丸加$8有自家製清心丸😍 會另上有好多粒清心丸口感真係堅正好煙韌彈牙好好食但味道偏甜了些少加入較清的馬蹄露就啱啱好馬蹄露勁多爽口馬蹄好足料 味道清甜又有大量桃膠真係夠哂清潤健康3️⃣蛋白杏仁茶湯丸加芋圓杏仁茶高質喎 好香濃杏仁味又香滑好多蛋白但湯丸就一般般 皮偏厚重

秋風起個人就容易食唔飽，成日食完晚飯都覺得要食多個甜品要夠喉，是日食完飯紅過水街，見到有間生面口的甜品鋪，口痕痕又想試下甜品相好吸引又特別，所以忍唔住叫咗一個仙草紫草園<仙草紫草園$38>仙草紫草園有齊芋圓、鮮芋雪糕、黑糖水晶、蜜紅豆，好足料芋園略嫌硬身左少少，有少少難咬黑糖水晶同紅豆水準之上，蜜紅豆煲到起沙，黑糖水晶有黑糖香，唔錯鮮芋雪糕有陣好特別的花香味，但系Fatbrown 唔系好接受陣味叫左外賣，外賣姐姐唔系好細心喇，碗野畢到瀉曬，搞到Fatbrown 拎出黎個陣成枱都系糖水😣

芒果仙草凍好多芒果小朋友食得好開心招呼都幾好 嗰個雪糕西米露有椰汁味唔算太貴每個大約20至$30喺西環唔係好多糖水舖 呢間算係咁支持街坊生意 多啲人嚟就好啦而且佢哋有一些特別嘅仙草紫草園

今日工作忙到晚上.. 見時間唔早了..所以就唔吃晚飯直接就來食糖水.剛去到舖頭時.發現人滿多的所以都諗住要等一段時間..後尾發現原來老闆同方隔離店都有合作的於是我地就去了隔離舖坐食糖水.. 點了一個紫薯雪糕系列的紫玉園同 叁元豆花整體味道唔差不過紫薯雪糕個味唔夠出同芋圓也不夠味.. 可能要再改良一下更好

今日係我第二次同屋企人嚟食，我兩次都係食同一款甜品，就係紫米露。第一次食呢就比較杰啲，第二次食（晚上10點）有d稀，甜度一樣係好甜，係啱我食架，因為我鍾意食好甜嘅糖水，呢間糖水舖好特色，另外佢啲西米其實係煮得好好食😋　

經過水街見到有新糖水舖開張，佢嘅前身係以前介紹過極難食嘅甜品舖🥴今次即管試下新糖水舖，睇吓會唔會好似以前嗰嗰間甜品店咁伏🤫========================叁元豆花 $36（8點前：$33）如果有選擇困難症嘅朋友試呢個就啱啦😈入邊有齊豆腐花、芋圓、地瓜圓、黑糖珍珠、紫薯同西米，跟住KY就揀咗配雲呢拿雪糕🤘🏻芋圓同地瓜圓嘅質感都幾Q彈爽口，不過因為個人喜好問題我就唔係幾鍾意咁細粒嘅珍珠啦，好似好難嘗試到珍珠嗰種Q彈嘅口感，仲有好易哽親😂😂個人都幾鍾意佢放喺底嘅豆腐花，質感都叫ok滑嘅，有別於平時加黃糖食嘅豆腐花，正正因為今次冇加黃糖嘅關係，佢嘅味道冇咁甜反而更加突出佢嘅豆香🤪不過佢啲紫薯波波又唔係幾知係咩味，好似係無味嘅所以扣左啲分🤣========================巧味道指數👅：👧🏻👧🏻👧🏻再食過指數🏃🏻‍♀️：👧🏻👧🏻👧🏻錫荷包指數💸：👧🏻👧🏻👧🏻服務正指數👩🏻‍🍳：👧🏻👧🏻👧🏻環境靚指數👀：👧🏻👧🏻👧🏻========================📍 滔滔甜品 (西環)西環水街1號地下E舖========================#hk #hkig

今晚在堅尼地城吉席街嚐簡單泰國菜之後就開始找甜品，因為剛食飽所以就一路行一路周圍望，行過厚和街見到個豆腐花其實都想食可是太飽，咁繼續行，行過卑路乍街又見到另一間已出咗糖水店，肚子未有空間，繼續行，行到水街，其實唔係行咗好耐，（同一位置之前嗰間都食過一次～就已經無下次了）見到呢間新的甜品店行過去望望，有圖有真相，難得圖和實物都好接近，而且價格合理。黑糖珍珠檸檬愛玉檸檬味感覺清新黑糖珍珠甜甜的（唔覺會過份甜），拌合愛玉一起食很舒服的。仙草紫草園睇到這碗有煙韌芋圓，甜蜜紅豆，賣點係（冰烤紫薯雪糕有粒粒紫薯），滑過涼粉的仙草，特別粒粒黑糖水晶。其實碗中每款也很美味。多謝店家努力保持水準，有空過來食。裝飾簡單整潔

滔滔甜品，呢間甜品鋪因為好評不少，所以對佢都幾有期待，是日食完飯開車經過，見到冇乜人排隊，當然馬上過去試試啦，叫左3款試下味，我試左潮式腐竹馬蹄露，足料之餘唔會死甜，8分，妹妹叫左芋圓系列，好足料，芋圓煙煙銀銀，好味，另外一碗係傳統糖水紫米露，正常野，合格！總括來講，經過一定會再食咖～

同朋友喺西環食完晚飯， 傾計傾到有啲意猶未盡，咁就要下場去食下甜品再吹下水。朋友講到西環開咗間新嘅中式糖水，仲係難得一見附近可以食嘅芋圓既店，咁當然要試下啦。黑糖檸檬愛玉黑糖檸檬愛玉，應該呢個名。 上面嗰啲topping係珍珠嚟嘅，下面就係酸酸甜甜檸檬味愛玉， 食落去好清新，感覺唔會好heavy，做飯後甜點唔會好有罪惡感。個亮點係個橙色既gummy bear，真係好得意 参元豆花佢個豆花最後一個配料可以4揀1，有芒果，紅豆，香草雪糕同唔記得咩 (好似係愛玉 我就揀左香草雪糕，食著食著融化左仲可以當milk base。 入面嘅料除左豆花仲有珍珠，芋圓，一啲紫色嘅粒粒，咬落有唔同嘅口感，係一個好豐富既甜品:除咗食物以外，佢嘅裝修都好有中國古風特色。 因為間店舖唔算大，基本上都要搭枱。而且外面有時都會有人喺度等，逼住你食完就差唔多要走。所以都唔一定係一個可以吹好耐水嘅地方:埋單每人40蚊左右，都幾合理:

有咩開心過同friend子食甜品？仲要係好好味嘅芋圓BB～滔滔甜品的幾款芋圓、鮮草、紫薯、豆花甜品通通都好好味，饀料足，唔太甜，很清優！特別喜歡芋圓BB，煙韌又彈牙！桃膠雪耳木瓜糖水滋補養顏，清清甜甜，超多桃膠，女仔一定要試～