滔滔甜品

Open Now

Now Closed

之前自從晚市無咗堂食之後都無出街食過糖水/甜品，早排心血來潮喺6點前衝入滔滔食咗碗😂 枯燥的生活需要一點甜🤪😋 紫玉園愛玉 $38呢碗即係芋圓+啫喱+黑糖水晶+蜜桃+雪糕。我哋兩碗都叫咗同一款，但雪糕就叫咗唔同～ 一碗要紫薯一碗要咗玄米茶，兩個雪糕味道真係超濃味同唔假，紫薯雪糕入面仲有粒粒紫薯肉😝 食雪糕嘅時候難免會畀啲糖水浸到，咁樣沾埋啲甜味反而仲正！黑糖水晶食落幾surprise，黑糖味濃但唔係死甜味，黑糖水晶同芋圓口感都係好煙韌😗 不過蜜桃都係罐頭貨，偏甜。

自從係元朗食個滔滔之後對佢哋嘅紫薯系列一有念念不忘！！原來佢哋係西環都有分店！！即刻沖去食～今次叫咗仙草紫草園 &豆花紫花園（各$38）嗰個紫薯雪糕真係超好食，仲有啲紫薯肉係入邊！我想講而家喺出邊食一球雪糕都可能要$30啦～佢每碗仲要有咁多其他配料超級抵食❤️佢嘅芋圓都幾煙煙銀銀～豆花紫花園入邊啲紫米好香又唔會太甜令我心思思下次你想食佢個紫米露🤤整體紫薯雪糕配仙草就清新啲配豆花呢就奶香多啲～其實上次食佢嘅清心丸都好正點解一個人嘅為要咁有限呢!?搞到我每次都心大心細唔知食咩好🤨

可能佢地唔熟西環街坊，最緊要親民，店沒有電話下單都算，外賣平台沒有自取都算，支付寶付費想叫第三方幫手比唔肯比人影個QR code都算，還要態度很不好，請他攞手機幫我跟家人談談處理付款都很不合作，大佬，呢度唔係油尖旺呀！開分店都好，都要熟識下民情，西環人要親民，唔係悔氣。好食都冇用，不懂服務之道，最終都會吃虧！

武漢肺炎爆完又爆，我地work from home完又再work from home, 不停咁loop...... 真係留響屋企都留到人都癲。。。。 玩咗成年喇， 武漢肺炎你快d返武漢啦我返開office, 收工都係例牌， 買外賣返去食啦~ 鬼咩， 而家武漢肺炎定埋d垃圾rule, 6 點後冇堂食， 唔買外賣唔通企響鋪頭門口食咩。。。。 我平時食開滔滔甜品嘅檸檬愛玉呀， 黑糖珍珠檸檬愛玉咁， 但係我今次想揀第二樣嘢。。。。 於是我又再睇menu, 睇嚟睇去， 我都係離唔開愛玉， 所以我揀咗愛玉仙草凍，好快就拎得~愛玉淡黃色又透明，仙草凍黑色， 再加埋d花奶，好似黑白咁， 都幾好睇。 做人最緊要識分是非黑白！！！其實呢個愛玉仙草凍都幾好食， 但係我都係鐘情於佢嘅檸檬愛玉嗰堆series, 等我下次睇吓會唔會試其他嘢先~小店要加油呀！！

武漢肺炎仲未爆完， 仲未可以約friend食飯， 成日屈響屋企食面真係人都癲。。。。 久唔久都要食吓出面街嘅嘢。 今日出開去拎團購嘢， 順手買個甜品返去食先~~~ 有個幾兩個月冇食滔滔甜品，一去到都真係唔駛揀， 黑糖珍珠檸檬愛玉吖唔該~ 我自備餐盒，算係用少d膠盒啦。。。。。。 大家呢一年嘅武漢肺炎已經用好多口罩同外賣盒，可以用少一個就一個啦~返到屋企沖完涼已經急不及待想拎出嚟食， 一食~ em...... 久違嘅味道呀 真係好卦住水準依然keep到， 唔太甜， 好香嘅檸檬味， 黑糖味~ 當然仲有好好食嘅珍珠同愛玉啦~ yummy~~~~

今次已經不知道是第幾次來到滔滔甜品,西環分店可能是5次吧？幾個月取得元朗國永久簽證又去了此店的主店。吸引我去完又去再去再三去的原因,就是他們最主打的產品 - 參元豆花!參元豆花  34元(1元外賣費 / 晚上8點前33元)   4.5/5分1. 配料有: 豆花,芋圓,地瓜圓,紫薯西米,愛玉2. 最推介的必定是滑過滑嘟嘟的豆花,入口即融好味到痴左線3. 芋圓,地瓜圓,紫薯西米都好唔錯架,不過真係俾豆花搶哂風頭4. 由於外賣只能選擇愛玉,其實我會建議大家選雪糕,因為都是另一好味之選!我在7點幾買的時間無人,當落單後突然有百萬大軍蜂擁而至,確實厲害,證明我有吸引手足的魅力?

今日專登去西環食好西，食完主餐就搵糖水食。路過見到呢間糖水店裝修懷舊幾特別，決定入去試試！叁元豆花碗野一上枱先發現原來份量都幾大，非常足料。豆腐花、西米、黑糖珍珠、芋圓、雪糕，呢個配搭可以話係天衣無縫，芋圓好煙韌，加上雪糕慢慢溶化，一個字 正！最後你會發覺碗野食極都食唔完，真係貨真價實！紫草園紅豆、仙草、芋圓、黑糖水晶、紫薯雪糕。每樣配料都十分多，女仔完全食唔哂，真係好大碗。紫薯雪糕超重紫薯味，咬落去真係有紫薯粒P.S. 好扺食！今次試既都係台式糖水，下次一於試下佢既傳統椰子糊先😂！

滔滔甜品西環食好細，門口長時間都有人排隊。照舊帶餐具買外賣。點了叄元豆花，材料有豆腐花、芋圓、地瓜圓、黑糖珍珠和紫薯西米。另外再在雪糕、紅豆、芒果、愛玉四選一；而我選了無味但口感似涼粉的愛玉。由於用料豐富，令口感有多種不同的味道，芋圓、地瓜圓、黑糖珍珠的甜味亦食得出不同層次。豆腐花很香荳味，亦非常滑身，但跟愛玉的滑又有不同。若要跟附近的木子作比較，滔滔的口感是比較好的一間。食完才知道，原來滔滔甜品來自元朗，幸好跟721白衣人無關，不是藍店呢。

無意中食到間超好食既糖水黃店♡————————————————————豆花紫花園 $38配料勁豐富，有黑糖水晶🔮、椰汁紫米、芋圓、地瓜圓🍠 、雪糕同豆花🍧。-味道以黑糖為主調，當中夾雜微微椰汁同桂花香🌼，豆花清甜夠凍，好好食✨！芋圓地瓜圓🍡味道唔算明顯，但勝在夠煙韌。反而黑糖水晶爽彈有口感🤎，黑糖味重，幾有驚喜(˶‾᷄ ⁻̫ ‾᷅˵)-雪糕可以揀紫薯🍠、玄米茶同雲呢拿味，個人大推玄米茶🍵！茶味濃而不澀，即使同豆花拼埋一齊食，隻味都好夾🤩！超推薦🎈！-紅豆沙拼綠豆沙 $22海帶爽口清香😚，帶微微陳皮香氣，雖然質感較稀薄，但整體味道清甜，都唔錯٩(˘◡˘)۶！

呢日食咗個late lunch, 仲好飽~ dinner又唔多想食，不過。。。 點少得甜品呢. 行吓行吓， 對腳自己行咗去滔滔.隔咗幾個星期冇食， 又要探吓我嘅至愛~ 愛玉！！！ 我又揀咗黑糖珍珠檸檬愛玉， 自備餐盒環保d 俾完錢， 等咗一陣， 叔叔就好好笑容咁拎俾我 (利申：佢有戴口罩，對眼笑晒咁), 我拎住呢盒重重嘅愛玉，自己好似傻咗咁， 咀角向上， 笑住咁返屋企.食極都仲有嘅愛玉， 真係好開心. 我八卦， search吓愛玉係咩嚟， 發現原來係有益嘅嘢食嚟架， 不愧我咁鍾意你. 愛玉可以降低膽固醇，預防高血壓，消水腫，肌膚有彈性，瘦身，消暑，改善便秘。。。。 真係好有用，我真係變咗個愛玉打手.

當晚西環打冷飯局後，到區內此店食甜品，店仔地方不大，只有三、四張枱，可能疫情關係，客人多選擇外賣，好快安排了入座。仙草紫草園 $38配料有仙草、黑糖水晶、蜜紅豆、芋圓，再加上一球冰烤紫薯味雪糕。芋圓煙韌彈牙，粒粒紅豆甜度適中，半溶雪糕與配料混埋一口食，享受到冰涼甜美多重口感，正呀！一碗份量都幾多一個子食唔晒，若二人享用會較好。另外值得一提的是紫薯味雪糕，市面上比較少見，微微烤過的紫薯香味，真值得一試。

每次經過都好多人排隊，因為店舖小小，座位不多。今日食晚飯前經過，剛有位，立即入去一試！地方雖小，但佈置充滿玩味。見到餐牌上面有好多豐富嘅選擇，我就鍾意簡單啲，第一時間試吓仙草芋圓，一試我就決定一定要再嚟！平時鍾意周圍去試台式芋圓，最經常去銅鑼灣嗰間專門店，今日試過呢間，相信我將會經常幫襯。這裏的仙草軟滑，芋圓煙韌但軟熟，唔太淋唔太韌剛剛好，好好味！另一樣我好喜歡食嘅東西就係清心丸，這裏有自家製清心丸，我叫左一個潮式腐竹馬蹄露清心丸回家宵夜，真係好有驚喜，係遺忘咗潮州行嘅味道！

係水街食完飯 想食d甜品 隔離就有間滔滔甜品光光猛猛 見倒大大個餐牌有芋圓 就被吸引入去～入面有三四張枱倒for堂食當日亦有好多人選擇買外賣~仙草紫草園 $38有仙草 黑糖水晶 紅豆 芋圓雪糕就揀左焙茶味都好大碗下 但好似太多仙草🙈芋圓就少左d🥺 芋圓都幾煙韌 焙茶味雪糕有驚喜！真係幾重茶味渦！黑糖水晶都有d怪怪地咁🙈下次可以試下其他~紅豆紫米露 $26 加芝麻湯圓兩粒呢個好好味 好多料 好好咬口啊芝麻湯圓個皮都好煙韌 芝麻餡都算足料不過又未到爆出黎咁~

滔滔甜品是我在西環及元朗都一定會試的甜品店,因為他提供的豆花或紫薯甜品非常好味,而且價錢合理,吃完再吃~參元豆花  36元  5/5分1. 皇牌甜品系列,有超滑的豆花,芋圓,地瓜圓,黑糖珍珠,紫薯西米,而另外有4選1自選,我選了香草雪糕。2. 首推豆花,又甜又滑嘟嘟,每次令我選完又選,因為只有這道甜品有豆花~3. 4天王 - 芋圓,地瓜圓,黑糖珍珠,紫薯西米: 各自互相配合,有不同的味道,個人最喜歡地瓜圓&芋圓,有口感~~4. 老闆說香草雪糕來自台灣,難怪比平常的入味,確實不錯西環店面比較細,所以週末要等的機會較多,幸好今次兩個人不用等,非常推薦各位來到這間黃店甜品,便宜份量又多又好味,店員及老闆又好人,值得支持!!!!!!!!

收工好攰，心思思， 又想食滔滔甜品, 好卦住佢d愛玉呀！！！ 我次次都食愛玉，會唔會俾人話係愛玉打手呢 唔理咁多， 都係食返愛玉我真係食到哥哥仔都已經認得我，我又再自備餐盒， 環保d啦， 香港人.我又係食黑糖珍珠檸檬愛玉~ 我可以轉行做愛玉品質調查員. 今次嘅愛玉都係咁好味， 不過如果檸檬味再重d就再好d, 因為我自己鍾意食酸d, 好鐘意食檸檬架.黑糖珍珠都仲係好正~ 食完成碗真係好飽好飽， 真係有種好滿足， 好幸福嘅感覺呀.再咁食落去，我會唔會變咗舊愛玉架